אונטערשייד צווישן ווערסיעס פון "רבי ישכר דוב בידערמאן"

'''רבי ישכר דוב בידערמאן''' ([[י' כסלו]] [[ה'תש"ב]] - [[י"ד שבט]] [[ה'תשפ"ו]]) איז געווען דער [[לעלוב (חסידות)|לעלובער]] רבי, אין זיין [[בית מדרש]] אויף דער [[בר-אילן גאס]] אין [[ירושלים]]. ער איז אויך געווען באקאנט אלס רבי פון "לעלוב [[פיעטריקאוו]]" און "מהרי"ד מלעלוב".

== ביאגראפיע ==

ער איז געבוירן געווארן י' כסלו תש"ב{{הערה|{{צ-זשורנאל|שלמה ניימאן|אשרי ילדותינו: די קינדער יארן פון אונזערע רבי'ס|קינדער שריפט|235|59-77|שנת הוצאה=סוכות תשפ"ד}}}} אין די [[בתי ווארשע]] אין ירושלים אלס זעקסטע קינד צו זיין טאטן, [[רבי משה מרדכי בידערמאן]], דער בעל ברכת משה, און עטיל, טאכטער פון [[רבי אברהם שווארץ]], רב פון [[פשעמישל]] אין [[גאליציע]].

ביי זיין ברית האט מען אים א נאמען געגעבן ישכר דוב נאך [[רבי ישכר דוב רוקח (ערשטער)|רבי ישכר דוב רוקח]] פון [[בעלזא (חסידות)|בעלזא]].

ווען ער איז געווען איין יאר אלט, האט זיין טאטע זיך געצויגן קיין [[תל אביב]] וואו ער האט אויפגעשטעלט זיין הויף.

אלס קינד האט ער געלערט אין [[תלמוד תורה]] פון [[חב"ד]] אין תל אביב און אלס בחור אין לעלובער ישיבה בנשיאות פון זיין טאטן, אין תל אביב, וואו האט ער געלערנט ב[[חברותא]] מיט זיין עלטערן ברודער [[רבי פנחס יצחק בידערמן|רבי פנחס יצחק]]{{הערה|נאמען=בחצרות הקודש|{{לינק|אדרעס=https://www.bechatzros.com/post/76894|קעפל=נפש צדיק בטהרה עלתה: תולדות ומראות חייו פון כ"ק אדמו"ר מהרי"ד מלעלוב זצוק"ל|זייטל=[[בחצרות הקודש]]}}}}, און דערנאך אין [[ישיבת חידושי הרי"ם]] פון [[גער (חסידות)|גער]] אין תל אביב, דארט איז ער נתקרב געווארן צו [[רבי גד אייזנער|רבי גד'ל אייזנער]].

בזיווג ראשון האט ער חתונה געהאט מיט חוה דאכא, טאכטער פון [[רבי משה זאב פריעדמאן]], רב אין [[יפו]] און מחבר פון ספר 'קרבן משה'. זי איז נפטר געווארן אין א [[שריפה]] אין זייער שטוב אין א יונגער עלטער, איבערלאזענדיג איין קינד, און דער רבי אליין איז געראטעוועט געווארן מיט ניסים.

בזיווג שני האט ער חתונה געהאט מיט ברכה, טאכטער פון רבי יעקב קרישבסקי פון ירושלים (זי איז נפטר געווארן אין [[חשון]] [[תשפ"א]]). נאך זיין חתונה האט ער געוואוינט אין ירושלים וואו בנוסף צו זיינע לימודים האט ער עוסק געווען פאר זיין פרנסה מיט שרייבן [[ספרי תורה]]{{הערה|שם=בחצרות הקודש}}.

נאך זיין טאטנ'ס פטירה האט ער מקבל מרות געווען פון זיין עלטסטן ברודער [[רבי אברהם שלמה בידערמן|רבי אברהם שלמה]] פון לעלוב, און האט אויך געדינט אלס [[בעל תוקע]] אין זיין בית מדרש. ער איז אויך נאנט געווען מיט זיין ברודער [[רבי שמעון נתן נטע בידערמאן (בני ברק)|רבי שמעון נתן נטע]], און האט זיך פיל מאל באטייליגט ביי זיינע [[טיש (חסידות)|טישן]] און אנדערע געלעגנהייטן{{הערה|שם=בחצרות הקודש}}.

ער איז נפטר געווארן י"ד שבט ה'תשפ"ו אין עלטער פון 84 יאר, אויף א פלוצימ'דיגן אופן, פארטאגס נאכ'ן גיין אין [[מקוה]] פון לעלובער בית מדרש אויף צפניה גאס אין ירושלים.

ער איז געברענגט געווארן לקבורה נאנט צו זיינע עלטערן אויפ'ן [[הר הזיתים]].

== רבי'סטעווע ==

ווען זיין טאטע איז נפטר געווארן ([[ה'תשמ"ז]]), האט מען אויפגענומען צוויי פון זיינע ברידער אלס לעלובער רבי'ס, דער עלטסטער ברודער [[רבי אברהם שלמה בידערמאן|רבי אברהם שלמה]] און [[רבי שמעון נתן נטע בידערמאן (בני ברק)|רבי שמעון נתן נטע]]. עטליכע יאר שפעטער האט מען אויך מכתיר געווען זיין ברודער [[רבי אלטר אלעזר מנחם בידערמאן|רבי אלטר]].

ווען רבי אברהם שלמה איז נפטר געווארן ([[ה'תש"ס]]) האט מען מכתיר געווען רבי ישכר דוב אלס לעלוב-פיעטריקאווער רבי און זיין ברודער [[רבי פנחס יצחק בידערמאן|רבי פנחס]] אלס דער לעלוב-[[ניקלשבורג]]ער רבי.

בעידודו פון [[רבי שמעון נתן נטע בידרמן (השני)|רבי שמעון נתן נטע]]{{הערה|נאמען=בחצרות הקודש}}, האט ער אין [[ה'תשס"ו|תשס"ו]] אויפגעשטעלט זיין בית המדרש קהל 'קדושת מרדכי' - לעלוב אויף דער [[בר אילן גאס]] אין ירושלים, דארט האט ער אנגעפירט זיין הויף ביז צו זיין פטירה.

ביי זיינע [[טיש (חסידות)|טישן]] און אנדערע געלעגנהייטן האבן זיך בייטייליגט פיל אידן פון פארשידענע שיכטן און קרייזן{{הערה|נאמען=בחצרות הקודש}}.

 

 

* זיין ברודער [[רבי אברהם שלמה בידערמאן|רבי אברהם שלמה]], לעלובער רבי (נפטר געווארן [[ט"ז שבט]] [[ה'תש"ס]])

* זיין ברודער [[רבי שמעון נתן נטע בידערמאן (בני ברק)|רבי שמעון נתן נטע]], לעלובער רבי (נפטר געווארן [[י' תשרי]] [[ה'תש"ע]])

* זיין ברודער [[רבי אלטער אלעזר מנחם בידערמאן|רבי אלטער אלעזר מנחם]], לעלובער רבי (נפטר געווארן [[י"ד טבת]] [[ה'תשס"א]])

* זיין ברודער [[רבי פינחס יצחק בידערמאן|רבי פינחס יצחק]], לעלוב-ניקלשבורגער רבי

* זיין ברודער [[רבי שמואל שמעלקא בידערמאן|רבי שמואל שמעלקא]]

* זיין שוועסטער מרת נחמה רוחמה, ווייב פון [[רבי שמואל צבי אלימלך ראזנפעלד|רבי שמואל צבי ראזנפעלד]], [[לעלוב-קארלין|לעלוב-קארלינער]] רבי אין [[בני ברק]] (ער איז נפטר געווארן [[ט"ו תשרי]] [[ה'תש"ע]])

* זיין זון '''רבי ברוך''', רב פון דער קהילה. איידעם ביי הרב עקיבא טאגער

* זיין איידעם רבי אהרן ישעיה מיללער, ר"מ אין [[לאנדאן]]{{קלאר אויס|אין וועלכע ישיבה?}}

* זיין יונגסטן איידעם הרב שמעון שטערן, זון פון הרב טוביה - גאב"ד [[מירון]]

*[https://www.bechatzros.com/post/76894 באריכט] אויף '''[[בחצרות הקודש]]'''

*[https://jdn.news/1/posts/8526 באריכט איבער דער פטירה] אויף '''[[JDN]]'''

*[https://www.ivelt.com/forum/viewtopic.php?t=80208 אשכול] אויף '''[[אייוועלט]]'''

{{גרונטסארטיר:בידערמאן, ישכר דוב}}

[[קאַטעגאָריע:לעלוב]]

[[קאַטעגאָריע:המכלול ארטיקלען]]

[[he:רבי יששכר דוב בידרמן]]