אונטערשייד צווישן ווערסיעס פון "רוי:רבי מנחם מענדל טייטלבוים"

רב '''מנחם מענדל טייטלבוים''' (געבוירן י"ט אדר ב' תשכ״ז) איז דער [[סאטמאר (הויף)|סאטמארער]] רב פון די [[ארוינים|ארונים]] אין [[וויליאמסבורג]], [[ברוקלין]]. אויך איז ער [[ראש ישיבה]] פון דער ישיבה לצעירים פאר אינגע בחורים אין וויליאמסבורג. ער האט פריער געדינט אלס רב פון די סאטמארער חסידים אין [[אנטווערפן]], [[בעלגיע]]. ער ווערט באטראכט אין אלגעמיין דורך סאטמארער חסידים אלס א צוקונפטיגער מנהיג און רבי פון סאטמאר.

ר' מנחם מענדל איז געבוירן געווארן י"ט אדר ב' תשכ״ז אלס דער עלטסטער זון פון רבי [[אהרן טייטלבוים]], [[סאטמאר (הויף)|סאטמארער]] רבי אין [[מאנרא]] און מרת [[סאשע טייטלבוים|סאשא]], טאכטער פון רבי [[משה יהושע האגער]], [[וויזשניץ (הויף)|וויזשניצער]] רבי אין [[בני ברק]] און מרת [[לאה אסתר האגער|לאה אסתר]], א טאכטער פון רבי חיים מנחם מענדל פאנעט הי״ד, [[דעעש (הויף)|דעעשער]] רבי, נאך וועמען ער הייסט.

אין סאטמאר איז ער באקאנט אלס "ר' מענדעלע" בלשון חיבה, זייענדיג דער ערשטער אייניקל וואס האט חתונה געהאט ווען זיין זיידע, דער [[ברך משה]] זי"ע, איז געווארן רבי.

ער איז באקאנט מיט זיינע ווארעמע דרשות וועלכע קענען טייל מאל ארויסברענגען געוויין, ווי אויך זיינע באטעס מיט די אינגעלייט און בחורים פונעם חסידות. יעדן [[יום כיפור|יום הקדוש]] ווען זיין טאטע פראוועט אין שטאט [[וויליאמסבורג]] פארט ער ארויס בשליחותו צו פראווען די תפילות אין [[קרית יואל]] און עס קומט זיך צוזאם א ריזן ציבור צו די תפילות און די דרשות.

זיין זיידע דער רבי דער [[משה טייטלבוים|ברך משה]], האט זיך אמאל אויסגעדרוקט אז ער האט פינף זין, ווען מ'האט אים אויפגעמערקט אז ער האט נאר פיר, האט ער געזאגט אז מענדעלע איז מיר חשוב אזוי ווי א זון.

זיין קאריערע האט זיך אנגעהויבן אין [[אנטווערפן יידנטום|אנטווערפן]], וואו דער ברך משה האט אים נאך אויפגענומען אלס רב אין דעם סאטמארער קהילה. פאר דעם איז ער געווען רב פון קהל עצי חיים סיגעט אין וויליאמסבורג.{{מקור}} אין תשס"ו נאך די פטירה פון זיין זיידע דער ברך משה זי״ע, האט ער זיך צוריקגעקערט קיין אמעריקע ווי זיין טאטע האט איהם ממנה געווען אלס סאטמארער רב אין וויליאמסבורג.

* מרת רויזא בלומא, ווייב פון הרב יואל הכהן גלאנץ, זון פון ר׳ יעקב יחזקאל שרגא הכהן גלאנץ, א מרביץ תורה אין סאטמארער מוסדות.

* הרב יקותיאל יהודה, האט געהייראט מרת קיילא רויזא, טאכטער פון הרב מנחם צבי כהנא, דומ״ץ קארלסבורג.

* הרב יואל, האט געהייראט מיט מרת מרים יוכבד, טאכטער פון רבי מאיר יצחק הורוויץ, אב"ד [[לינסק (הויף)|לינסק]] ב"פ, און איידעם פון רבי יהושע העשיל אייכנשטיין, [[זידיטשוב|זידיטשאווער]] רבי פון [[שיקאגא]].

== וועבלינקען ==

[[קאַטעגאָריע:אמעריקאנער רבנים]]

[[קאַטעגאָריע:ארונים]]