אונטערשייד צווישן ווערסיעס פון "רוי:לאה אסתר האגער"

רעביצין '''לאה אסתר האגער''' ([[ט' שבט]] [[ה'תרפ"א]] - [[כ"ט שבט]] [[ה'תשנ"ג]]) איז געווען די ערשטע ווייב פון הרה"ק רבי [[משה יהושע האגער]] זצ"ל, דער פריערדיגער [[וויזשניץ (הויף)|וויזשניצער]] רבי פון [[בני ברק]].

די רעביצין איז געבוירן געווארן אין יאר [[ה'תרפ"א]] אין [[אונגארן]] צו איר פאטער הרה"ק רבי חיים מנחם מענדל פאנעט פון [[דעעש (הויף)|דעעש]] און צו איר מוטער מרת סאשא, א טאכטער פון רבי [[יעקב שמשון הלוי קאנער]] פון [[טשכויוו]] וואס איז געווען אן איידעם ביי רבי [[משה האלבערשטאם (שינאווא)|משה האלבערשטאם]] פון [[שינאווא (הויף)|שינאווא]], א זון פון הרה"ק דער [[יחזקאל שרגא האלבערשטאם|דברי יחזקאל]] און אן אייניקל פון הרה"ק דער [[חיים האלבערשטאם|דברי חיים]] פון [[צאנז (הויף)|צאנז]]. "לאה" האט זי געהייסן נאך רעביצין לאה קאנער, די ווייב פון רבי משה קאנער, וואס איז געווען אן איידעם ביי דעם [[חיים האגער (קאסאוו)|תורת חיים]] פון [[קאסאוו]], און דעם נאמען "אסתר" האט זי געטראגן נאך דער רעביצין פון רבי משה פון שינאווא, מרת אסתר מינדל.

[[ב' ניסן]] [[ה'תש"ב]] ערב [[שבת|שב"ק]] איז געפראוועט געווארן אין שטאט [[דעזש|דעעש]] איר חתונה מיט רבי [[משה יהושע האגער]] פון [[וויזשניץ (הויף)|וויזשניץ]], וואס היינט איז באקאנט אויכעט אלס דער "ישועות משה". א יאר נאך דער חתונה האבן זיי אריבערגעצויגן אין שטאט [[ווילחאוויץ]] וואו רבי משה יהושע האט געדינט אלס א רב.

אין [[ה'תש"ד]] זענען די עלטערן פון דער רעביצין ביידע צוזאמען אינאיינעם מיט איר איינציגן ברודער הבחור יחזקאל שרגא געשיקט געווארן קיין [[אוישוויץ]] און אומגעקומען על קידוש ה'. [[ח' אייר]] ה'תש"ד אויף א וואונדערליכן אופן, איז געלונגען פאר דער רעביצין צוזאמען מיט איר מאן דער רבי און זייער טאכטער חנה חיה זיך ראטעווען פון טויט. דער וויזשניצער רבי האט דערציילט אז ווען דער גוי וואס האט זיי געשמוגלט דורך דעם [[גרענעץ]] פון [[אונגארן]] האט פלוצלונג געהערט וויאזוי דאס פיצל קינד חנה'לה האט אויסגעבראכן אין א געוויין, האט ער זיך אויפגערעגט ווייל ער האט מורא געהאט אז די דייטשע רשעים וועלן זיי כאפן, און לא עלינו ער האט געוואלט איר דערשטיקן, אבער בחסדי שמים האט איינער פון די אנוועזענדע צופעליג געטראפן א צוקערל, און נאכדעם וואס זי האט געגעסן דעם צוקערל האט זי זיך בארואיגט און איינגעשלאפן, און אויכעט דער גוי  האט זיך איבערגעצייגט אז דאס פיצל עופעלע איז נישט קיין געפאר און מען קען רואיג און מיט זיכערהייט אדורכגיין דעם גרענעץ אהן קיין פארהאק און שטערונג אדער חלילה ווערן געכאפט דורך די [[נאציזם|נאציס]].

*מרת חנה חיה, די ווייב פון רבי [[דוד טווערסקי]], [[סקווירא (הויף)|סקווערער]] רבי.

*רבי [[ישראל האגער (ב)|ישראל]], דער וויזשניצער רבי און ממלא מקום פון זיין פאטער.

*מרת [[שרה רוקח|שרה]] די ווייב פון רבי [[ישכר דוב רוקח (ב)|יששכר דוב רוקח]] דער [[בעלזא|בעלזער]] רבי.

*מרת [[סאשע טייטלבוים|סאשא]], די ווייב פון רבי [[אהרן טייטלבוים]], [[סאטמאר (הויף)|סאטמארער]] רבי פון [[קרית יואל]].

*מרת הינדא, די ווייב פון איר שוועסטער-קינד הרב [[מנחם ערנסטער]], וויזשניצער [[ראש ישיבה]] און א זון פון רבי משה און מרת [[שבע ברכה ערנסטער|שבע ברכה]]

*רבי [[מנחם מענדיל האגער (בני ברק)|מנחם מענדיל]], רבי פון מרכז חסידי וויזשניץ אין עזרא גאס אין בני ברק.

==וועבלינקען==

{{חסידות־שטומף}}