אונטערשייד צווישן ווערסיעס פון "רוי:יאסעלע ראזנבלאט"

[[טעקע:מצבה יוסלה רוזנבלט.JPG|קליין|300px|זיין מצבה]]

'''יוסף "יאסעלע" ראזענבלאט''' ([[9טן מאי]] [[1882]] - [[19טן יוני]] [[1933]]) איז געווען דער בארימטסטער [[חזן]] אין זיין צייט, סיי ביי דער אידישער וועלט און זאָגאַר ביי דער נישט-אידישער וועלט אויך. און נאך היינט קלינגט די וועלט מיט זיין נאמען.

אפילו די וואס ציילן זיך נישט צווישן די חובבי חזנות, ווייסן פון אים צו זאגן און עהרן און ליבן זיינע ווערק.

יאסעלע איז געבוירן אין 1882 אין [[שווארצע טומאה]], [[רוסלענדישע אימפעריע]] (היינט [[אוקראינע]]) צו זיין פאטער, רפאל שלם ראזענבלאטט, א חזן און א [[סאדיגורא (חסידות)|סאדיגורער]] חסיד.

ער איז נפטר געווארן נאכן זיך גיין באדן אין [[ים המלח]], און ער איז שוואך געווארן, נאכן ווערן געברענגט קיין [[ירושלים]], האט ער באקומען א בארואיגינגס איינשפריץ, און דערנאך איז ער אוועק, אין עלטער פון 51 יאר. מען האט אים באערדיגט אין [[הר הזיתים]].

גלייך נאך זיין חתונה האט ער אנגעהויבן זיין חזנות קאריערע אין [[מונקאטש]], [[אונגארן]] (היינט אין [[אוקראינע]]), אבער שפעטער האט ער פארלאזט די שטאט און איז אריבער קיין [[פרעשבורג]], וואס דארט האט ער ארויסגעגעבן זיין ספר "שירי יוסף" וואס אנטהאלט הונדערט-און-פופציג קאמפאזיציעס אויפן דאווענען.

אין יאר [[1933]] איז ער געקומען קיין [[ארץ ישראל]], וואו מען האט געמאכט א פילם, און ער זינגט ניגונים אויף ארץ ישראל, ווי מען זעהט פארשידענע פאנאראמעס פון ירדן, קבר רחל און נאך.

זיין עלסטער זון הרב [[שמואל ראזענבלאט]] האט אפּגעשריבן זיין טאטנ'ס [[ביאגראפיע]] אין אן ענגלישן בוך, און אין יאר תשכ"א איז עס איבערגעזעצט געווארן אויף העברעאיש דורך נ. גינתון נאכדעם וואס עס פלעגט לויפן אין פארזעצונגען אין דער [[הצופה]] יעדן פרייטאג.

אין יאר תשס"ז איז עס ווידער איבערגעדרוקט געווארן אין ירושלים.

{{גרונטסארטיר:ראזנבלאט, יאסעלע}}

[[קאַטעגאָריע:חזנים]]

[[קאַטעגאָריע:באערדיגט אין הר הזיתים]]

[[קאַטעגאָריע:אידישע ניגונים קאסעטעס]]

{{קרד/ויקי/יידיש}}

[[he:יוסף רוזנבלט]]