רוי:ירושלים לייכטע באנען

ירושלים טראמוויי רויטע ליניע
אנווייזונג לופטמיליטער גאס סיירת דוכיפת פסגת זאב צענטער יקותיאל אדם בית חנינא שועפאט עס-סאהל צו וואקזאל גבעת המבתר אמוניציע בערגל שמעון הצדיק שבטי ישראל שער שכם ראטהויז יפו - צענטער די דאווידקע מחנה יהודה הטורים צענטראלע סטאנציע קרית משה החלוץ דענמארק סקווער יפה נוף הר הרצל

דער טראמוויי אויף יפו גאס

קאנסטרוקציע פון דער רויטע ליניע אויף הערצל בולעווארד

ירושלים לייכטע באנען איז א גראנדיזער פראיעקט צו פארבעסרן די טראנספארטאציע אין ירושלים, די ערשטע ליניע איז די רויטע רוטע וואס לויפט פון נווה יעקב אין צפון, ביז הר הרצל אין דרום, וואו עס געפונט זיך יד ושם, די מוזעאום פארן חורבן פון יידן אין אייראפע, די רוטע איז לאנג 13 קילאמעטער, און האקט א דורך פארנומענע שאסייען אין ירושלים, וואס ברענגט צו א גרויסע פארקער, דאס וויכטיגסטע גאס אין ירושלים די יפו גאס איז אויפגעאקערט און ארבעטער לייגן שינעס פארן באן.

דער פלאן האט געלויטעט אז די יפו גאס וועט פארמאכט ווערן פאר אנדערן פארקער, און בלויז די באן וועט קענען אריבער פארן די גאס, איינמאל די באן פאנגט אן צו פונקציאנירן.

די באן דארף זיין פריינטליך צום געגנט, און וועט נישט פארפעסטיקן די לופט, ווי אויך וועט זי האבן די דורכגאנג ביי גאס ראגן, וואו זי וועט נישט מוזן ווארטן אויף רויטע לעקטערס, צו אפשטעלן די באן אזוי אז זי וועט לויפן און מאכן דעם גאנצן וועג און אומגעפער א האלבע שעה, א וועג וואס מיט אן אויטא האט געדויערט פריער א שעה.

די צווייטע פאזע פון פלאן לויטעט דאס פארלענגערן די גערעלסן פון פסגת זאב אין צפון ביז נווה יעקב, און פון דרום ביז הדסה עין כרם שפיטאל.

אין יוני 2015 האט מען באשטעטיקט בויען די גרינע ליניע, לאנג 19.6 ק"מ, וואס וועט האבן אן איבערבייט מיט דער רויטע ליניע ביי דער צענטראלער סטאנציע.

די בלויע ליניע איז א ליניע דערווייל פאר מאסן טראנספארטאציע, און אין די קומענדיגע יארן וועט איבערגעקוקט ווערן די וויכטיגקייט צו עס זאל געבויט ווערן א לייכטע באן ליניע.

די מאפע ווייזט די רויטע רוטע און די בלויע רוטע

טראמוויי אין ככר ציון

היסטאריע

אין 1998 האט די רעגירונג פון ישראל אנגענומען החלטה נומער 3913, וואס האט אנטהאלטן א פאראגראף וועגן אויפשטעלן א טראמוויי אין ירושלים.

דעפא שער מזרח פון דער רויטער ליניע

אין 2000 האט די ירושלים שטאטראט אנגעהויבן ווערקן צוגרייטן דאס אויפשטעלן פונעם טראמוויי אויף דער רויטע ליניע און בויען די אינפראסטרוקטור פון דער בלויער ליניע. א טייל פון די ווערק איז געווען פארברייטערן עקזיסטירנדע גאסן און גראבן א טונעל אונטער כיכר צה"ל.

דעם 13טן סעפטעמבער 2005 האט מען אנגעהויבן אויפשטעלן די סטרונעס בריק צווישן יפו גאס און שדרות הרצל. אין אנהייב דעצעמבער 2005 האט די סיטיפאס פירמע געבעטן ערלויבעניש אראפצולייגן די שינעס און אויפשטעלן אן אויפהאלטונג שטח.

קאנסטרוקציע פון דער רויטע ליניע האט מען אנגעהויבן אפריל 2006 און האט געענדיגט אין 2011. די ליניע האט 23 סטאנציעס אויף נייע צווילינג-גערעלסן לאנג 13.8 ק"מ. די ליניע וועט זיין פון פסגת זאב אין צפון מזרח, דרום לענגאויס שאסיי 1 ביז יפו גאס. ווייטער וועט זי גיין לענגאויס דער יפו גאס מערבדיג ביז דער ירושלים צענטראלער בוס סטאנציע, און וועט ממשיך זיין צו דרום מערב, אריבערגייענדיג די סטרונעס בריק דורכאויס הרצל בולוואר ביזן בית הכרם געגנט, און ענדיגן לעבן בית וגן.

אום 24סטן פעברואר 2010, האט סיטיפאס, די פירמע פאראנטווארטלעך פאר דער באן, געמאכט פרואוואונגען פון פראנצויזישער בארג אויפהאלטונג צענטער, ביז נביאים גאס. די אפעראציע איז געקריינט געווארן מיט הצלחה.

פון יאנואר ביז אויגוסט 2011, זענען אנגעגאנגען כסדרדיגע פרואוואונגען פון דער סיסטעם. פרייטאג דעם 19טן אב תשע"א (19טן אויגוסט 2011) האט די רויטע ליניע אנגעהויבן אפערירן אין א פארקלענערטן ראם, ביז אין פיר חדשים וועט אנהייבן די פולע דינסט. ביי דער ערשטער פאזע [ביז אנהייב סעפטעמבער פארט מען אויף דער באן בחינם.

די סטרונעס בריק

סטרונעס בריק

כדי צו בויען די רויטע ליניע איז געווען נויטיג צו לייזן דעם פראבלעם פון באהעפטן די יפו גאס מיט הערצל בולוואר ביים אריינגאנג צו ירושלים. צוליב דער גרויסער פארקער אין דעם געגנט איז נישט מעגלעך אז דער טראמוויי זאל גיין דורך די גאסן אין דעם ארט, און אויך צו בויען די טראמוויי אונטער די גאסן וואלט געשטערט די פארקער אין אן אומאפגענומענען אופן. צום סוף, טראץ דער געגנשאפט פון די לאקאלע איינוואוינער, האט מען באשלאסן אז דער טראמוויי וועט אריבערגיין א בריק. די בריק האט געפלאנעוועט דעם שפאנישן ארכיטעקט סאנטיאגא קאלטראווא אלס די סטרונעס בריק. אינמיטן דער בריק איז א זייל פון שטאל הויך 130 מעטער, פון וואס ציען זיך 66 סטרונעס וואס האלטן אויף די בריק. די בריק האט א באדעקטן שטעג פאר פוסגייער. די סטרוקטור איז כולל א בריק פאר פוסגייער, מיט א גלעזערנער וואנט.

אין אפריל 2007 האט מען געלייגט דעם ערשטן טייל פון דער בריק. דעם 25סטן יוני 2008 האט מען געווידמעט די בריק פאר פוסגייער. אנהייב אפריל 2009 האט מען געענדיגט די ארבעט פון בויען די בריק און מען האט זי איבערגעגעבן צו דער סיטיפאס פירמע.

זעט אויך

• תל אביב לייכטע באן

דרויסנדיגע לינקס

• די ירושלים לייכטע באן אויף פראבע, פעברואר 2011

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!