אונטערשייד צווישן ווערסיעס פון "רוי:לאנדאן"

די 43 אוניווערסיטעטן אין לאנדאן שאפן די גרעסטע קאנצענטראציע פון העכערער בילדונג אין אייראפע.

לאנדאן האט א קלימאט ענליך צו גאנץ דרום בריטאניע. כאטש מענטשן מיינען אז לאנדאן האט פיל רעגן, איז דער דורכשניטליכער אפזעץ (אראפגעלאזטע פייכטקייט) אין לאנדאן 602 מ"מ א יאר—ווינציקער ווי [[רוים]] (834 מ"מ), [[בארדא]] (923 מ"מ), [[טולוז]], [[סידני]] און [[ניו יארק סיטי|ניו יארק]]. אין ווינטער איז גוט קיל, און צווישן נאוועמבער אין מערץ פאסירט אין די פארשטעט פון לאנדאן א פראסט צוויי מאל א וואך. עס שנייט אפשר פיר מאל א יאר, נארמאל צווישן דעצעמבער און פעברואר. די טעמפעראטור אין ווינטער איז נארמאל צווישן  °C {{ר}}4- און  °C {{ר}}14.  

די באפעלקערונג פון לאנדאן האט געוואקסן גיך אין די 19טן און אנהייב 20סטן יארהונדערטער, און איז געווען די גרעסטע שטאט אין דער וועלט ביז אין 1925 איז [[ניו יארק סיטי|ניו יארק]] געווארן גרעסער. די גרעסטע באפעלקערונג פון לאנדאן איז געווען 8,615,245 אין 1939 קורץ פארן אויסבראך פון דער [[צווייטע וועלט מלחמה|צווייטער וועלט מלחמה]]. ביים 2001 צענזוס איז די באפעלקערונג אראפ צו 7,192,091, אבער זי איז געשטיגן צו 8,173,941 ביים 2011 צענזוס. לאנדאן איז די [[גרעסטע שטעט אינעם אייראפעישן פארבאנד|גרעסטע שטאט אינעם אייראפעישן פארבאנד]], און די צווייטע מערסט באפעלקערסטע שטאט אין אייראפע. לאנדאן איז די 19טע גרעסטע שטאט אין דער וועלט.

אין 2005 האט לאנדאן געהאט 7.5 מיליאן איינוואוינער. פון זיי זענען 71% ווייסע, 10% [[אינדיע|אינדישע]] אדער [[פאקיסטאן|פאקיסטאנער]], 5% שווארצע פון [[אפריקע]], 5% שווארצע פון די [[קאראיבישע אינזלען]], 3% געמישטע און 1% [[כינע]]זישע. לויט רעליגיע זענען  58.2% [[קריסטן]], 15.8% קיין רעליגיע, 7.2% [[מוסולמענער]], 4.1% [[הינדו]], 2.1% [[איד]]ן, און 1.5% [[סיק]]ן. 21.8% פון די איינוואוינער זענען געבוירן אינדרויסן פונעם [[אייראפעישער פארבאנד|אייראפעישן פארבאנד]].     

[[לאנדאן היטרוי ערפארט]] איז דער וועלט'ס פארהאוועטסטער ערפארט פאר אינטערנאציאנאלן פארקער, און איז דער הויפט קנופ פאר'ן נאציאנאלן פאנטרעגער, [[בריטיש ערווייס]]. היטרוי באהאנדלט אינלענדישע, אייראפעישע און צווישן-קאנטינענטאלע פאסאזשער פליען. מ'הייבט אן מיט פלענער פאר א זעקסטן טערמינאל, כאטש די שכנותדיגע איינוואוינערס דערגעגן זיך שטארק.<ref>[http://www.heathrowairport.com/portal/site/default/menuitem.cd3561d9b59d462588a5e186c02865a0/;jsessionid=DNAfOXj7g3r3fk1j9NlWANpydf0hhlQvi8LcmzuRluuyU0u2FTlo!-949195938 וועגן היטרוי], BAA Heathrow. דערגרייכט דעם [[2006-09-17]].</ref> אן ענליכער פארקער, מיט אויך עטליכע ביליגע קורצער-מהלך פליען, ווערט באהאנדלט דורך [[לאנדאן גאטוויק ערפארט]]. לאנדאן סטאנסטעד ערפארט און  לאנדאן לוטאן ערפארט באדינען  בעיקר ביליגע קורצער-מהלך פליען. [[לאנדאן סיטי ערפארט]], דער קלענסטער און מערסט צענטראלער ערפארט, איז בעיקר פאר האנדל פארערס, מיט א געמיש פון קורצע-רייזע פלאנירטע פליערס און אסאך ביזנעס דזשעט פארקער.<ref>[http://www.londoncityairport.com/index.php?page=corporateInformation London City Airport - Corporate Information]. דערגרייכט דעם [[2006-06-17]].</ref>

לאנדאן איז א הויפט צענטער פון העכערער בילדונג, סיי לערנען סיי פארשונג, און זיינע 43 אוניווערסיטעטן זענען די גרעסטע קאנצענטראציע פון העכערער בילדונג אין אייראפע.

דער היינטיגער יישוב פון אידן אין לאנדאן גייט צוריק צום יאר [[ה'תט"ז]], ווען [[מנשה בן ישראל]] איז געקומען פון [[האלאנד]] און האט געגרינדעט א ספרדישע קהילה. בערך 80 יאר שפעטער האבן אנגעהויבן צו קומען אשכנזישע אידן פון די דייטשע לענדער. די ערשטע פאראייניגטע אשכנזישע קהילה אין לאנדאן איז געווען די "פאראייניגטע שול" ({{שפראך-en|United Synagogue}}). דער אב"ד פון דער פאראייניגטע שול איז דער "הויפט רב", היינט הרב [[אפרים מירוויס]]. אין די תר"ם יארן האבן די שולן און שטיבלעך אינעם איסט ענד, בעיקר פוילישע און רוסישע אידן, זיך פאראייניגט אונטער דער "פעדעראציע פון שולן" ({{שפראך-en|Federation of Synagogues}}). זייער אב"ד איז הרב ליכטנשטיין.

{{הויפטשטעט פונעם אייראפעישן פארבאנד}}