אונטערשייד צווישן ווערסיעס פון "רוי:רבי יהודה מודרן"

'''רבי יהודה מודרן''' (אדער '''מודרען''') זצ"ל ([[ח' טבת]] [[ה'תק"ף]] - [[ד' חשון]] [[ה'תרנ"ד]]) פון די גרויסע גאונים אין מתמידים אין זיין דור, פארפאסער פון די ספרים '''פרי העץ''' און '''זכרון שמואל'''.

'''רבי יהודה''' איז געבוירן [[ח' טבת]] [[ה'תק"ף]] אין [[פרעשבורג]] (היינט [[בראטיסלאווא]], [[סלאוואקיי]]) צו זיין [[פאטער]] הרב '''ישעיהו'''<ref>זעה הקדמה פון זכרון שמואל, בגי' אבי מורי ישעיהו</ref>, פון די אנגעזעהנע יידן פון פרעשבורג. און צו זיין [[מוטער]] מרת '''ביילא'''. זיין פאמיליע זענען אפשטאמיגע פין רבי [[נפתלי הכהן כ"ץ]] פארפאסער פין ספר "סמיכות חכמים", וואס איז געווען אן אייניקל פון רבי יהודה ליוואי דער [[מהר"ל]] פון [[פראג]].

זייענדיג אן עילוי און א מתמיד שוין אלס קליין קינד, איז ער אריינגענומען געווארן אין ישיבה פין [[רבי]] [[משה סופר]] ביי די ניין (9) יאר, און איז געווען זיין יונגסטער [[תלמיד]]. ער האט געלערנט ביי רבי משה סופר 10 יאר ביז [[ה'תקצ"ז]].

רבי יהודה מודרן איז געפארן צו רבי משה טייטלבוים דער [[משה טייטלבוים (ישמח משה)|ישמח משה]], אין רב אין [[אוהעל]], און איז דארט צוגעצויגן געווארן צו [[חסידות]]. ער איז אויך געפארן צו רבי [[ישראל פון רוזשין|ישראל פרידמאן]] דער רבי פין [[רוזשין]], רבי [[שלום רוקח]] דער רבי פון [[בעלזא]], רבי [[מנחם מענדיל האגער (וויזשניץ) (א)|מנחם מענדיל האגער]] דער רבי פון [[וויזשניץ]], און איז געווען א חסיד פין רבי [[חיים האלבערשטאם]] דער רבי פון [[צאנז]].

רבי יהודה האט האט חתונה געהאט אין [[סיגעט]] אין האט זיך דארט באזעצט.

רבי יהודה האט אלע זיינע יארן עוסק געווען בתורה; און טראץ דעם וואס ער איז נישט געווען א רב און האט נישט געוואלט קיין שום שטעלע, איז ער געווען באקאנט פאר א גרויסן [[גאון]], און פון די גרעסטע חריפים און מתמידים אין זיין דור. אסאך רבנים פון דור האבן זיך געווענדעט צו אים פאר זיין מיינונג אין [[הלכה]], צווישן זיי רבי [[מנחם מענדל פאנעטה]] דער רבי פון [[דעש]], רבי נפתלי שווארטץ רב פון [[מאד]], רבי נפתלי סופר רב פין פשעטניי-דארף, און רבי [[שלמן זלמן עהרענרייך]] רב אין [[שאמלוי]].

ער האט אויך געהאט א קליינע ישיבה מיט עילוי'ישער בחורים וואס האבן געקענט מיטהאלטן מיט זיין שנעלן און טיפן מוח. איינער פין זיינע באקאנטע תלמידים איז רבי [[שלמה לייב טאבאק]], פארפאסער פון ספר ערך ש"י, וואס איז שפעטער געווארען [[ראב"ד]] אין [[סיגעט]]; רבי חזקיהו פייבול ווייס הי"ד רב אין [[איפלאשאג]]; אויך רבי נפתלי שווארטץ, רב פון [[מאד]] אין פארפאסער ספר "בית נפתלי", שרייבט "והרבה למדתי ממנו".

רבי יהודה איז נפטר געווארען [[ד' חשון]] [[ה'תרנ"ד]], אין ליגט אין די '[[כהנא]]' אוהל אין [[סיגעט]].

מיט דער פארמיטלונג פון זיין רבין דער [[משה טייטלבוים (ישמח משה)|ישמח משה]] האט '''רבי יהודה''' געהייראט אין יאר [[ה'תקצ"ח]] מרת '''חיה ראכיל''' א טאכטער פון הרב '''שמואל זאנוויל כהנא''', אן איידעם פון הרב [[יהודה כהנא]], רב אין [[סיגעט]], באקאנט אלס דער "קונטרס הספיקות". זייערע קינדער, פיער זון, און פינף טעכטער:

[[קאטעגאריע:אומבאקוקט]]

[[קאטעגאריע:אויף יידיש]]