אונטערשייד צווישן ווערסיעס פון "רוי:סרול בראנשטיין"

'''סרול בֿראָנשטײן''' ([[1913]], שטעפֿענעשט, בעסאַראַביע – [[1943]], [[טאַשקענט]], ראַטנפֿאַרבאַנד) – אידישער [[דיכטער|פּאָעט]].

''סרול בראָנשטײן'' איז געבױרן געװאָרן אין אַ פֿאַמיליע פֿון אַ [[עסנווארג#באקן|בעקער]] אינעם [[דארף|דאָרף]] [[שטעפֿאנעשט]] אין דרום-מיזרחדיקן טײל פֿון בעסאַראַביע, דעמולט אַ געגנט אין [[רוסלאנד|רוסלאַנד]] און יעצט אין מאָלדאָװע. אין די [[1930ער]] יאָרן האָט ער געװױנט אין [[בוקארעשט|בוקאַרעשט]], װי ר׳האָט זיך אָנגעהױבן [[דרוקעריי|דרוקן]] אין אידישע [[צייטונג|צײַטונגען]] און זשורנאַלן אין [[רומעניע]], אַרײַנגערעכנט ״[[די וואך|די װאָך]]״ (רעדאַגירט פֿונעם [[פראזאיקער|פּראָזאַיִקער]] משה אַלטמאַן) און ״שױבן״ (רעדאַגירט דורכן באַרימטן [[דיכטער]] און [[טעאטער|טעאַטער]]-דירעקטאָר יעקבֿ שטערנבערג). געדרוקט פּאָעזיִע און [[ליטעראטור|ליטעראַטור]]-קריטיק.  

זײַן ערשט פּאָעזיע ביכל "מאָלדאָװע, מײַן הײם" איז אַרױס אין בוקאַרעשט אין [[1938]] און די צװײטע זאַמלונג "כ'האָב געעפֿנט ברײט די טױערן" - מיט אַ יאָר שפּעטער. אין [[1940]], װען בעסאַראַביע איז געװאָרן סאָװעטיש, איז בראָנשטײן אַהין קריקגעקומען. ער איז געװען אַ [[סאלדאט|סאָלדאַט]] אין דער סאָװעטישער [[ארמיי|אַרמײ]] בשעת דער [[צווייטער וועלט קריג|צװײטער װעלט-מלחמה]], פֿאַרװוּנדיקט געװאָרן אױפֿן פֿראָנט אין [[1942]] און געשטאָרבן פֿון די דורכגעשאָסענע לונגען-װוּנדן אין אַ מיליטער-שפּיטאָל אין טאַשקענט, [[מיטל אזיע|מיטל-אַזיע]] (יעצט אין [[אוזבעקיסטאן|אוזבעקיסטאַן]]) דעם װינטער [[1943]].

:כ'שלעפּ אַרום אַ זאַק מיט בײנער

:אױף די גאַסן צו פֿאַרקױפֿן

:קײנער אָבער װיל בײַ מיר די סחורה קױפֿן

:קײנער

:פּאַרדאָן, כ'האָב יאָ אַ קונה אױף איר געטראָפֿן

:דאַרף ער אָבער בײנער האָבן אמתדיקע טױטע

:ניט װי מײַנע, לעבעדיקע און באַהױטע

[[קאַטעגאָריע:יידישע דיכטער|בראָנשטײן, סרול]]