אונטערשייד צווישן ווערסיעס פון "רוי:רבי יצחק יעקב ראבינאוויטש"

הרב '''יצחק יעקב ראבינאוויטש''' ([[י"ד טבת]] [[ה'תר"ז]] - [[כ"ג אדר ב']] [[ה'תרס"ה]]), איז געווען דער גרינדער און ערשטער [[אדמו"ר|רבי]] פון דעם [[ביאלע (הויף)|ביאלער חסידות]], און דער מחבר פון די ספרים '''[[דברי בינה]]''' און '''ישרי לב'''. ער איז געווען א פערטער דור בן אחר בן פונעם [[ייד הקדוש]] פון [[פרשיסחא (הויף)|פרשיסחא]].

ער האט חתונה געהאט מיט רחל לביאה, די איינציגע טאכטער פון רבי [[יהושע אסטראווער]] מחבר פונעם ספר "תולדות אדם" (פוילישע חסידים רופן דאס ספר "דער קליינער [[נועם אלימלך]]"), און אן אייניקל פון רבי [[שלמה לייב פון לענטשנא]].

נאך זיין פטירה האבן זיינע זין ארויסגעגעבן די ספרים '''[[דברי בינה]]''' אויף [[תורה]] און [[יום טוב|מועדים]], און '''ישרי לב''' אויף עניני [[שבת]]. במשך די יארן האט מען ארויסגעגעבן די ספרים עטלעכע מאל. אין יאר תשנ"ח האט דער "מכון גנזי מהרי"ץ" ארויסגעגעבן א נייע אויסגאבע פון די ספרים מיט א לאנגער הקדמה "ספר מלחמות ה'" וואו זיין אייניקל דער היינטיגער [[בן ציון ראבינאוויטש|ביאלער רבי]] גיט צו פארשטיין זיין שיטה אין חסידות.

*רבי [[נתן דוד ראבינאוויטש (פארצעוו)|נתן דוד פארציווער]], רוב פון די חסידים זענען אריבערגעגאנגען צו אים.

*רבי [[מאיר שלמה יהודה ראבינאוויטש|מאיר שלמה יהודה פון מעזריטש]], די "בעלי המוח" פון זיין פאטער'ס חסידים האבן אים נאכגעגאנגען.

*רבי [[אברהם יהושע העשיל ראבינאוויטש|אברהם יהושע העשיל פון לובלין]].

*רבי [[ירחמיאל צבי ראבינאוויטש |ירחמיאל צבי שעדליצער]].

*מרת מאַטיל דאס ווייב פון רבי [[אהרן מנחם מענדל גוטערמאן]] פון ראדזימין.

*מרת חנה דאס ווייב פון רבי [[יוסף צבי קאליש]] פון [[ווארקע (הויף)|סקערנעוויץ]], דער [[רב]] פון [[בני ברק]].