אונטערשייד צווישן ווערסיעס פון "רוי:מיהאליפאלווא"

==יידישע היסטאריע==

גאליציאנער אידן האבן זיך באזעצט אין מיהאליפאלווא אין 1780 און האבן זיך באשעפטיגט מיט לאנדווירטשאפט און האנדל. דאס שטעטל איז געווען דער צענטער פון יידיש לעבן פאר די ארומיקע שטעטלעך און זידלונגען. בערך אין תק"ף האט מען אנגעהויבן בויען א שול. די ערשטע פירער פון דער שול זענען געווען סענדער ראזנבערג, יעקב ראזנפעלד, יצחק פעלדמאן און מענדל עסטרייכער.{{הערה|[http://kehilalinks.jewishgen.org/Valea_lui_Mihai/ יידישגען קהילה־לינקען]}}

דער ערשטער רב איז געווען הרב צבי ראזנבערג, פון תקע"ה ביז זיין פטירה ט' כסלו תרצ"ג. ער האט געהאט א זון משה יוחנן (נפטר ד' אדר תק"ח) און צוויי טעכטער: הענדל די ווייב פון דוד וואלנער,און פייגא, די ווייב פון הרב בנימין שיינפעלד.

אין תקנ"ב האט מען באשטימט אלס רב הרב משה יוחנן שיינפעלד (געב' תק"ט), זון פון הרב בנימין שיינפעלד און מחבר פון "נחלי מים". ער איז געווען רב ביז תרע"ג. ער האט געהייראט שרה, טאכטער פון הרב מרדכי מארקל פון מיקאלא. צוויי פון זייערע זון האבן געדינט אלס רב: הרב אברהם און הרב בנימין. נאך א זון, הרב יקותיאל יהודה, איז געווען דיין אין [[ראצפערט]]. זייער טאכטער טושענא איז געווען די ווייב פון הרב [[משה סופר (ערלוי)|משה סופר]], [[ערלוי]]ער דיין.{{הערה|[http://kehilalinks.jewishgen.org/Valea_lui_Mihai/Valea_lui_Mihai-Religious.htm רעליגיעזע לעבן אין מיהאליפאלווא]}}. הרב משה סופר איז געווען דער פאטער פונעם ערלויער רב אין ירושלים, רבי [[יוחנן סופר]].

רבי אלימלך שיף און רבי בן ציון שיף, פון דער [[ליזשענסקער דינאסטיע]], האבן געפירט רעביסטעוועס אין מיהאליפאלווע.

די יידישע באפעלקערונג איז געווען 492 (אין 1877) און  1,430 (אין 1930).{{הערה|[http://data.jewishgen.org/wconnect/wc.dll?jg~jgsys~shtetm~-1173811 יידישגען בלאט פאר מיהאליפאלווא]}}