אונטערשייד צווישן ווערסיעס פון "רוי:רבי דוד האגער (לאנדאן)"

רבי דוד האגער איז געבוירן געווארן אין [[פאראייניגטע שטאטן|אמעריקע]] צו זיין פאטער [[רבי מרדכי האגער]], [[וויזשניץ מאנסי (חסידות)|וויזשניצער]] רבי אין [[מאנסי]], און צו זיין מוטער מרת סימא מירל, טאכטער פון [[רבי יעקב יוסף טווערסקי]], דער פריערדיגער [[סקווירא (חסידות)|סקווירער]] רבי, און גרינדער פונעם שטעטל [[שיכון סקווירא]]. דער רבי הייסט נאך זיין עלטער זיידע, [[רבי דוד טווערסקי פון סקווירא (א)|רבי דוד'ל טווערסקי]] פון [[סקווירא (חסידות)|סקווירא]]. ער האט געלערענט אין דער [[טשעבינע ישיבה|טשעבינער ישיבה]] אין [[ירושלים]]. שוין אלס בחור, איז רבי דוד געווען באקאנט אלס א [[תלמיד חכם]], און האט זיך פארהערט אויף גאנץ [[תלמוד|ש"ס]] ביי זיין טאטע. אין יאר [[ה'תשל"ח]], האט ער חתונה געהאט צו זיין רעביצין מרת חנה מרים, טאכטער פון [[רבי משה טויב]], [[קאלעוו (חסידות)|קאלעווער]] רבי פון אמעריקע.  

לויט דעם באפעל פון זיין פאטער איז ער באשטימט געווארן רב פון די וויזשניץ-מאנסי חסידים אין [[לאנדאן]] ([[סטעמפארד היל]]), דארט וואו ער האט זיך ערווארבן א נאמען. לאנגע יארן איז דער רבי געזעסן אין [[כולל]] מנחת יצחק, אפילו נאכדעם וואס ער האט איבערגענומען די [[רבנות]] אין לאנדאן. ער איז באקאנט אלס א באטעמטער איד און אלס א מורא'דיגער בעל חסד, וואס העלפט ארויס צעבראכענע אידן. זיין שטוב איז אלעמאל געווען אפן פאר געסט, און וויזשניצער חסידים האבן געוואוסט, אז טאמער מען פאלט אריין צופעליג אין לאנדאן קען מען אייביג איינשטיין ביים רב וואס איז א גרויסער מכניס אורחים. עס האבן זיך געדרייט ביי אים אלע יארן פארשידענע מיטגעמאכטע מענטשן, גייסטיש-קראנקע מענטשן, צעבראכענע אידן, משולחים און נאך, און דער רבי מיט זיין אויסערגעוונליכער גוטמוטיגקייט האט אלע באהאנדלט מיט כבוד און ליבשאפט. דער רבי איז אויך בארומט אלס א איד וואס מאכט נפשות. ער באשעפטיגט זיך מיט קירוב פון אידן וואס זענען ווייט פון [[אידישקייט]], [[תורה]] ו[[מצוות]], פונקט אזוי ווי זיין שווער דער קאלעווער רבי.