אונטערשייד צווישן ווערסיעס פון "רוי:אפאלגאטיקע"

'''[[אפאלגאטיקע]]''' אדער '''אפאלאגעטיק''' איז א [[גריכיש]] ווארט, דער טייטש איז "פארטיידיגן זיך", אין ווארט און שריפט. דאס ווארט ווערט געניצט אויף די וואס פארטיידיגן א [[רעליגיע]] קעגן זיינע קריטיקירער.  

אונטער דער באצייכענונג פון אידישער אפאלאגעטיק, פארשטייט מען יענע [[ספרים]] און [[ביכער]], וואס האבן געהאט דעם ציל צו פארטיידיגן די אידישע [[רעליגיע]] און אידן. שוין אין די אלטע צייטן פון [[בית שני]] אין [[אלעקסאנדריע]], האבן א ריי אידיש-גריכישע שריפטשטעלער געשריבן ווערק קעגן די אנפאלן אויף דער אידישער רעליגיע. פון סוף בית שני איז אמוויכטיגסטן דאס בוך פון [[יוסף בן מתתיהו|יוסף פלאוויוס]] "קעגן אפיאן", וואס האט דעם ציל אויפצואווייזן די פאלשקייט פון באשולדיגונגען וואס דער [[אנטיסעמיטיזם|אידן פיינט]] [[אפיאן]] האט געווארפן אויף אידן. אין דער צייט פון [[מיטלאלטער]] איז די צאל אידישע ספרים און ביכער פון אפאלאגעטישן אינהאלט, צו פארטיידיגן דאס אידנטום, געווען גרויס. ספעציעל אין [[שפאניע]], וואו די אידן זענען געצוואונגען געווארן צו פירן עפנטליכע וויכוחים קעגן [[משומד]]ים וועגן דער באדייטונג און ריכטיגקייט פון דער אידישער רעליגיע.