אונטערשייד צווישן ווערסיעס פון "רוי:רבי שלום קרויז"

תיכף ווען די בשורה איז פארשפרייט געווארן האט זיך פארזאמלט ארום דעם אודוואריער [[בית מדרש|בית המדרש]] און אין די גאסן ארום, צענדליגע טויזנטער אידן. מען האט דעם צדיק גע'טובלט אין זיין אייגענעם מקוה בראשות די אויסגעקליבענע [[חברה קדישא]] ווי אויך עטליכע אנזיכטיגע און חשוב'ע תלמידים. נאכדעם האט מען דעם ארון אריינגעטראגן אין בית המדרש. תלמידים האבן זיך קריעה געריסן כהלכה. נאך די הקפות האבן מספיד געווען קודם דער שוואגער דער קערעסטיר־בערבעשטער רבי הרב ישעי' גראס  וואס ער האט אויך אויפן פלאץ מכתיר געווען דעם נייעם רב זיין איינציגן זון, שמואל דוד קרויז . נאכדעם האבן מספיד געווען: דער קארלסבורגער רב, [[רבי יחזקאל ראטה]], אדמו"ר מהארעדענקא מאנטשעסטער א מחותן. איינער פון די צוויי [[סאטמאר (חסידות)|סאטמארער]] רביס, [[רבי זלמן לייב טייטלבוים]]. דער [[מונקאטש (חסידות)|מונקאטשער]] רבי, [[רבי משה לייב ראבינאוויטש]]. דער [[פאפא]] רבי, [[רבי יעקב יחזקיה גרינוואלד]], [[רבי טודרוס זילבער]] יאוואזשנער שכן טוב רב. אב"ד סאטמאר וומס"ב [[רבי מענדל טייטלבוים]], דעם רבינ'ס איידעם רבי נחום מאיר גערמאן. דער רבינ'ס איידעם רבי מאיר יוסף ראזענבוים - [[סטראזשניץ (חסידות)|סטראזשניצער]] רבי פון [[קליוולאנד]]. אן אייניקל פונעם רב, רבי ישראל אברהם אלטער קרויז - [[קערעסטיר|קערעסטירער]] רבי. אן אייניקל פונעם רב, רבי ישכר דוב טויב, נעשכיזער רב פון וויליאמסבורג. אן אייניקל פונעם רב, הרב מתולדות נפתלי. אן אייניקל פונעם רב, רבי איתמר ראזענבוים פון מאנסי,והאחרון הכביד הגאב"ד ד'אודווארי . ווי אויך דער משמש בקודש הרב חיים אהרן מיללער. פארטאגס איז די לוויה אנגעקומען צום חלקת אודווארי [[ניו זשערסי|ניו דזשערסי]] וואו עס איז געווען שווארץ פון די הונדערטער אידען וואס האבן דארט אפגעווארט דעם ארון. אין דעם בית החיים זענען אויכעט אפגעהאלטן געווארן מילי דהספידא, און דערנאך דער ארון איז נטמן געווארן אינעם אוהל פון צדיקי בית אודווארי זי"ע.