אונטערשייד צווישן ווערסיעס פון "רוי:רבי מרדכי שלמה פרידמאן"

'''רבי מרדכי שלמה''' איז געבוירן אין [[באיאן]] [[י"ג תשרי]] [[ה'תרנ"א]], צו זיין פאטער הרב '''[[יצחק פרידמאן (באיאן)|יצחק פרידמאן]]''', פון [[באיאן (הויף)|באיאן]], באקאנט אלס דער "פחד יצחק", א זון פון הרב [[אברהם יעקב פרידמאן]] פון [[סאדיגורא]], א זון פון הרב [[ישראל פון רוזשין|ישראל פרידמאן]] פון [[רוזשין]], א זון פון הרב [[שלום שכנא פון פראהבישט|שלום שכנא]], פון [[פראהבישטש]], א זון פון הרב [[אברהם המלאך]], דער חסד לאברהם, א זון פון הרב דוב בער, דער [[דוב בער פון מעזריטש|מעזריטשער מגיד]]. און צו זיין מוטער מרת '''מלכה''' א טאכטער פון הרב '''[[יוחנן טווערסקי]]''', פון [[רחמיסטריווקא]].

ווען די [[ערשטע וועלט קריג]] האט אויסגעבראכן אין יאר [[ה'תרע"ד]], איז דאס שטעטל באיאן אינגאנצן פארטיליקט, און דער [[יצחק פרידמאן (באיאן)|פחד יצחק]] מיט זיין פאמיליע זענען אנטלאפן קיין [[וויען]], די הויפטשטאט פון דער עסטרייכער אימפעריע. נאך דער פטירה פונעם פחד יצחק אום [[י"ז אדר]] [[ה'תרע"ז]], האבן '''רבי מרדכי שלמה'ס'''  דריי ברידער אנגעהויבן פירן א רביסטעווע, אבער ער איז געבליבן אין וויען מיט זיין מאמען מרת מלכה. אין [[ה'תרפ"ה]], נאך זיין מאמען'ס פטירה ([[ט"ז טבת]] [[ה'תרפ"א]]), האט '''רבי מרדכי שלמה'''  באשלאסן צו באזוכן די רוזשינער חסידים אין [[ניו יארק סיטי|ניו יארק]]. ער האט נישט געקלערט צו באזעצן זיך דארטן וועגן די שוועריגקייטן פון געבן זיינע קינדער א געהעריג [[חינוך]] אין [[אמעריקע]], און איז צוריק געפארן קיין וויען. אבער  זיין פעטער, דער [[טשארטקאוו]]ער רבי, האט אים גע'עצה'ט צו וואוינען אין ניו יארק, דארט וועט ער קענען [[משפיע]] זיין אויף די יידן און אויפהייבן די ניווא פון [[שמירת המצוות]] אין [[אמעריקע]].

קומענדיג קיין [[פאראייניגטע שטאטן|אמעריקע]] אין [[כ"א חשוון]] [[ה'תרפ"ז]], האט ער זיך  באזעצט אינעם לויער איסט סייד פון ניו יארק, וואו אסאך יידישע אימיגראנטן האבן געוואוינט. ער האט געעפנט זיין [[בית מדרש]] אין 247 איסט בראדוויי, און געבליבן דארט ביז סוף ימיו.

אין [[ה'תרצ"ט]], נאך א לענגערער צייט וואס מען האט געשמועסט דערפון, האט מען ענדלעך אויפגעשטעלט דעם אמעריקאנער [[אגודת ישראל]]. די ערשטער קאנווענטשין איז געווען אין [[פאר ראקאוויי]], ניו יארק אין תמוז ה'תרצ"ט. מ'האט געוועלט הרב [[אליעזר סילווער]] אלס [[פרעזידענט]] און דעם באיאנער רבי, '''רבי מרדכי שלמה''' , אלס  [[וויצע-פרעזידענט]].

'''רבי מרדכי שלמה''' האט געהייראט [[י"ח סיון]] [[ה'תרס"ח]] מרת '''חוה שרה''' א טאכטער פון הרב '''[[ישראל שלום יוסף העשל]]''' פון [[מעזשביזש]], א זון פון הרב [[אברהם יהושע העשל (מעזשביזש)|אברהם יהושע העשל]] פון [[מעזשביזש]]. זייערע קינדער:

* [[סאדיגורא (הויף)]]

[[קאטעגאריע:גדולי ישראל אין וויען|פרידמאן, מרדכי שלמה]]

[[קאַטעגאָריע:נקבר אין הר הזיתים|פרידמאן, מרדכי שלמה]]