אונטערשייד צווישן ווערסיעס פון "רוי:אלכסנדר ביידער"

{{דעסקריפציע|יידיש־רוסישער לינגוויסט}}

'''אלכסנדר ביידער''' ({{שפראך-fr|Alexandre Beider}}, {{שפראך-en|Alexander Beider}}, {{שפראך-ru|Александр Бейдер}}) {{ר}} (1963, [[מאָסקווע]]) איז אַ [[פראנקרייך|פראנצויזישער]] [[לינגוויסט]], ספּעציאַליסט אין דער יידישער [[אָנאָמאַסטיק]] און [[מאַטעמאַטיק]]ער, מחבר פון אַ ריי ווערטערביכער איבער [[אשכנזישע אידן|אשכנזישע]] נעמען.

ביידער איז געבאָרן געוואָרן אין [[מאָסקווע]] אין אַ יידישער משפּחה פון [[אוקראינע|אוקראַאינע]]. אין יאָר 1986 האָט ער אָפּגעפאַרטיקט זיין שטודיע אין דעם מאָסקווער אינסטיטוט פאַר פיזיק און טעכנאָלאָגיע. דאָרטן האָט ער שפּעטער געמאַכט זיין דיסערטאַציע אין אָנגעווענדטער מאַטעמאַטיק, פאַר וועלכער ער האָט באַקומען דעם גראַד פון קאַנדידאַט פון טעכנישע וויסנשאַפטן אין 1989.<ref name=Avotaynu2001/><ref name=RGB/>

זייענדיק נאָך אין רוסלאַנד האָט ער זיך פאַראינטערעסירט אין דער יידישער אָנאָמאַסטיק, און דאָס איז געוואָרן זיין עיקרדיקע וויסנשאַפטליכע פאַך נאָך זיין אַריבערפאָרן אין 1990 קיין [[פראַנקרייך]].

זינט 1993 האָט ביידער פאַרעפנטליכט עטליכע [[ווערטערביכער]] פון אשכנזישע פאַמיליען־ און פּרט־נעמען.<ref name=Avotaynu2001/><ref name=Beider2001/> באַזירט אויף דעם מאַטעריאַל האָט ער אין 1999 פאַרטיידיקט זיין [[דיסערטאַציע]] "פּרט־נעמען פון אשכנזישע אידן: געשיכטע און מיגראַציעס (19-11טן י"ה) (<span dir=ltr>"Les prénoms des juifs ashkénazes : histoire et migrations (11ème-19ème siècles)"</span>) אין דער פּאַריזער "פּראַקטישער שולע פון הויכע פאָרשונגען" ([[École pratique des hautes études]]).<ref name=Beider2000/>

ביידערס פאָרשונג אין דעם געביט פון יידישע נעמען איז געוואָרן די הויפּט־סיבה פאַר זיין אינטערעס אויך אין לינגוויסטיק. נאָך אַ ריי אַרטיקלען וועגן היסטאָרישער פאָנעטיק פון דער [[יידיש]]ער שפּראַך<ref name=Beider2001/><ref name=Beider2010/><ref name=Beider2014a/><ref name=Beider2014b/> האָט ביידער אין 2015 צוזאַמענגעפאַסט זיין גרויס אַרבעט אין דעם בוך "יסודות פון די יידישע דיאַלעקטן" ("Origins of Yiddish Dialects").<ref name=Beider2015/>

צוזאַמען מיט [[סטיווען מאָרזע]] האָט ביידער אַנטוויקלט דעם אַלגאָריטם פון אַזוי גערופענעם ביידער־מאָרזעס פאָנעטישער אַנטשפּרעכונג, וואָס דערמעגליכט אַן אויטאָמאַטיזירטע פאַרגלייכונג פון נעמען (אַנאַלאָגיש צו [[Soundex]]).<ref name=Beider2008/>

ביידער וואוינט צוזאַמען מיט זיין ווייב און צוויי טעכטער אין אַ [[פאַריז]]ער הינטערשטאָט. זיין הויפּט־פּרנסה האָט צו טאָן מיט ניט־[[וויסנשאַפט]]ליכער טעטיקייט און אונטערשרייבן שרייבט ער אונטער זיינע חיבורים אַלס אַ ניט־אַפיליאירטער פאָרשער.

[[קאטעגאריע:אויף יידיש]]

[[קאַטעגאָריע:אויף ווייניג אדער קיין אנדערע וויקי|06]]