אונטערשייד צווישן ווערסיעס פון "רוי:רבי יצחק טוביה ווייס"

ער איז געקומען קיין [[לאנדאן]] פאר דער מלחמה און געווארן א תלמיד פון [[רבי משה שניידער]] אין זיין ישיבה תורת אמת אין לאנדאן, [[ענגלאנד]], וואו ער האט געלערנט אינאיינעם מיט די ברידער [[רבי משה שטערנבוך|רבי משה]] און [[רבי אליהו שטערנבוך]] (וואס איז געווען ראב"ד [[מחזיקי הדת]] אין אנטווערפן). נאך זיין חתונה האט ער געלערנט אינעם [[געיטסהעד|געיטסהעדער כולל]] ביי [[רבי אליהו דעסלער]]; ווען הרב דעסלער איז אריבער צו [[פאנאוועזשער ישיבה|פאנאוועזש]], איז הרב ווייס געשטעלט געווארן אלס א ראש הכולל.

ער איז געווען יארן לאנג אין [[בית דין]] פון דער חרדישער קהילה "מחזיקי הדת" אין [[אנטווערפן]]. סוף האט מען אים גענומען קיין ירושלים נאכדעם וואס די [[ארונים]] מיט [[תולדות אברהם יצחק]] האבן געקעמפט קעגן [[רבי ישראל חיים מנשה פרידמאן]], און צוזאמען מיט [[דושינסקי]] דעפוטאטן וואס זענען משפחה מיט רבי טוביה איז ער געווען דער אלטערנאטיווער קאנדידאט וואס האט געוואונען די אפשטימונג אין [[עדה החרדית]] הנהלה צו קרוינען פאר ירושלים [[רב]].

דער פשעווארסקער רבי ר' [[יעקב לייזער]] האט אמאל אין מיטן א שיעור פון פרקי אבות געזאגט פשט אין דער משנה "כל הבורח מהכבוד הכבוד בורח אחריו" מיינט אזא יוד ווי אונזער דיין רבי טוביה וואס איז בורח מכבוד וסוף הכבוד לבוא, און שפעטער איז דאס טאקע מקוים געווארן ווען ער איז געווארן דער גאב"ד עדה החרדית.

[[כולל שומרי החומות]] (דער אונגארישער כולל) האט נאר געהאט נשיאים פון חוץ לארץ. די לעצטע יארן האט מען ממנה געווען צוויי רבנים אויך פון ארץ הקודש דאס איז דעם רב הרב ווייס צוזאמען מיט הרב [[שמואל וואזנער]] זצ"ל; נאך זיין פטירה איז געבליבן נאר הרב ווייס צו זאמען מיט די נשיאים פון חוץ לארץ.

[[קאַטעגאָריע:דיינים]]