אונטערשייד צווישן ווערסיעס פון "רוי:מאיר אמסעל"

הרב מאיר אַמסעל איז געבוירן געווארן אין ניידאָרף, [[סלאוואקיי]], ח’ טבת תרס”ז צו זיין פאָטער, אברהם אַמסעל, א [[שוחט]] אין [[קאשוי]]. ער איז געווען או אור-אייניקל פון רבי’ן ר’ [[אלימלך פון ליזשענסק]] זי”ע, ווי אויך פון רבי’ן [[ר’ העשיל]] פון [[קראקע]], פון [[מהר”ל פון פּראג]] און פון [[סמיכת חכמים]].

ווען ער איז געווען נאך יונג האט זיך זיין משפחה אַריבערגעצויגן פון ניידארף אין קאשוי. דארטן איז ער געווארן נאנט צו די גדולי התורה והחסידות דעם [[שמואל ענגל|ראַדאָמישלער רב]], און דעם [[אברהם שלום האלבערשטאם|סטראפקאווער רב]] א זון, זון פון [[יחזקאל שרגא האלבערשטאם|שינאווער רב]].

עס איז באקאנט אז דער בעל [[יואל טייטלבוים|ויואל משה פון סאטמאר]] זי"ע פלעגט זיך פיל באנוצן מיט אים מפרסם צו זיינע הוראות אינעם המאור, [הגם ער ער האט געהערט צו חב"ד], און אמאל ווען ער האט זיך באקלאגט פאר'ן סאטמארער רב אז האט ער האט אויסצושטיין פילע קריטיק אויף די מאמרים, האט אים דער רבי געזאגט בצחות לשונו: "וואס ווילסטו? נאכ'ן "המאור" קומט דאך די "מלחמת ה'"!".

איינמאל ווען ער האט זיך זייער שטארק אנגענומען פאר [[סאטמאר (הויף)|סאטמאר]] בנוגע דער מחלוקה פון [[קלויזענבורג]], און ער איז פונקט אוועקגעפארן קיין [[קאנעטיקוט]], האבן די שונאים פון סאטמאר מודיע געווען - אויך דורך דער אידישער [[ראדיא]] - אז הרב מאיר אמסעל ז"ל איז אוועק, און די [[לויה]] וועט פארקומען פארנט פון זיין ביהמ"ד "המאור" אויף 50X18 אין [[בארא פארק]] אום 9:00 אינדערפרי. אזוי ווי די [[קאמיוניקאציע]] דעמאלטסדיגע צייטן איז געווען גאר שוואך, און קיין [[צעלפאן|צעלפאנען]] איז נאך נישט געווען, האט זיך א ריזיגער עולם דעמאלס פארזאמלט צו זיין לויה, אבער פלוצלינג אינדערפרי האט ער זיך באוויזן א לעבעדיגער בפני כל עם ועדה, און אנגעקומען מיט א טעקסי צו... זיין אייגענער לויה, אין א בחינה פון "בא הרוג ברגליו".

[[קאַטעגאָריע:אמעריקאנער רבנים]]

[[קאַטעגאָריע:סלאוואקישע יידן]]