רוי:רבי משה האלבערשטאם (קשאנאוו)

רבי משה האלבערשטאם זצ"ל (ה'ת"ר - ה' אדר ה'תרע"ה), רב אין קשאנאוו

אפשטאם

רבי משה איז געבוירן אין יאר ה'ת"ר (אומגעפעהר), צו זיין פאטער הרב דוד האלבערשטאם, דער קשאנאווער רב, א זון פון הרב רבי חיים האלבערשטאם, דער דברי חיים. און צו זיין מוטער מרת לאה זיסל צינץ, זי איז געווען אן אייניקל פון יד הקטנה. רבי משה איז ערצויגן געווארן ביים זיידן דער דברי חיים

הסתלקות

רבי משה איז נפטר געווארן ה' אדר ה'תרע"ה.

פאמיליע

רבי משה האט געהייראט בזיווג ראשון מרת מישקיט די טאכטער פון הרב רבי ישראל אלימלך אונגאר רב אין זשאבנא, א זון פון הרב רבי יוסף אונגאר פון דאמבראווא. זייערע קינדער:

• הרב יוסף אלימלך האלבערשטאם רב אין קשאנאוו, ער האט געהייראט מרת עטיל א טאכטער פון הרב אברהם אבא אינגבער.
• הרב ברוך האלבערשטאם פון קשאנאוו, ער האט געהייראט מרת רעכיל בריינדל די טאכטער פון הרב אברהם חיים הורוויץ (דער צווייטער), רב אין לינסק.

בזיווג שני האט רבי משה געהייראט מרת שרה שיינא די טאכטער פון הרב מרדכי שניאור זלמן שניאורסאהן רב אין זיטאמער. זייערע קינדער:

• הרב חיים נחום האלבערשטאם רב אין מאשציסק, ער האט געהייראט מרת גיטל א טאכטער פון הרב יעקב משה סאפרין פון קאמארנא.
• הרב יעקב ישראל האלבערשטאם רב אין ציעשינאוו און יעראסלאוו.
• הרב אריה האלבערשטאם פון גארליץ, ער האט געהייראט מרת הענטשא, א טאכטער פון הרב מנחם מענדל פרנס א זון פון די צאנזער רביצין.
• מרת דבורה, די ווייב פון הרב אריה לייביש האלבערשטאם, א זון פון הרב נפתלי צבי הירש האלבערשטאם, רב אין גלוסק.
• מרת פיגל, די ווייב פון הרב מנחם מענדל זעלטענרייך
• מרת שמחה, די ווייב פון הרב זאב וואלף קלוגער
• מרת חנה, די ווייב פון הרב דוד מאיר מאיי
• מרת מרים
• הבחור דוד

רעפערענצן

• י"ג אורות - סיפורים דערציילט דורך רבי יענקלי לייזער דער פשעווארסקער רבי - ארויס געגעבן דורך זיין אייניקל הרב יוסף נפתלי וואגשאהל, ה'תשנ"ד
• אנציקלופדיה לחכמי גליציה, מאיר וונדר

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!