רוי:משה קולבאק

משה קולבאַק (1896, סמאָרגאָן, ווילנער גובערניע, רוסלענדישער אימפּעריע, יעצט בעלארוס – 1937, מינסק) איז געווען אַ ייִדישער דיכטער, ראָמאַניסט, דראַמאַטורג.

לעבנס-געשיכטע

משה קולבאַק האָט זיך געלערנט אין אַ ייִדיש-רוסישער קאַזיאָנע שולע, באַזוכנטיק אין אָוונט אַ חדר-מתוקן. דערנאָך האָט ער זיך געלערנט אין ישיבות פון סווענטשאַן, וואָלאָזשין און מיר. בעת דער ערשטער וועלט-מלחמה האָט משה קולבאַק געאַרבעט ווי אַ לערער אין אַ ייִדישן יתומים-הויז אין קאָוונע. אין דעם פּעריִאָד – אין 1916 האָט ער דעביוטירט אַלס דיכטער מיטן ליד "שטערנדל". אין 1918 האָט ער געוואוינט אין מינסק, אין 1919 – אין ווילנע, אין 1920 – 1923 – אין בערלין. זינט 1923 ביז 1928 האָט משה קולבאַק געלעבט אין ווילנע, געאַרבעט אין ייִדישע גימנאַזיעס און אינעם לערער-סעמינאַר. אין 1927 האָט מען אים אויסדערוויילט אַלס פאָרזיצער פונעם אלוועלטליכן ייִדישן פּען-קלוב. אין 1928 איז משה קולבאַק אַריבערגעפאָרן פון ווילנע, וועלכע איז דעמלט געווען אין באַשטאַנד פון פּוילן, קיין ראַטנפאַרבאנד און זיך באַזעצט אין מינסק. אין 1937 איז משה קולבאַק אַרעסטירט געוואָרן דורך נ.ק.וו.ד., באַשולדיגט אין ייִדישער נאַציִאָנאַליסטישער טעטיקייט און דערשאָסן געוואָרן.

דרויסנדע לינקס

• באָריס ליבערמאַן, "דיכטער, שרייבער, לערער, רעזשיסער, פילאָסאָף משה קולבאַק" (אויף רוסיש)
• מרדכי ססר, "משה קולבאַק – המשורר המעונה" (אויף העברעאיש)
• זעלמעניאנער-מוישע קולבאק

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!