אונטערשייד צווישן ווערסיעס פון "רוי:רבי אליעזר גארדאן"

== לעבנסגעשיכטע ==

אין [[ה'תרט"ז]] ([[1856]]) האט ער [[חתונה]] געהאט מיט דער טאכטער פון ר' אברהם יצחק נאווייזער, דער קאוונער רב. אין קאוונע איז ער געווארן א [[מורה הוראה]] ביז [[ה'תרל"ד]] ([[1874]]) ווען מ'האט אים באשטימט אלס שטאט רב פון [[סלאבאדקע]] (א שטעטל לעבן קאוונע). מיט א האלב יאר שפעטער איז ער געווארן רב אין [[קעלם]]<ref>[http://www.jewishgen.org/yizkor/lita/Lit1427.html קעלמער יזכור בוך]</ref>, וואו ער האט אויפגעשטעלט א ישיבה וואס האט געצויגן בחורים פון דער לענג און ברייט פון ליטא. מיט א צען יאר שפעטער האט ער באקומען א רוף צו ווערן רב אין [[טעלז]]; דארטן איז ער אויך געווארן ראש ישיבה פון דער ארטיגער ישיבה.

כאטש ער איז געווען דער שטאט'ס רב אין טעלז, אבער זיינע עיקר כוחות האט ער אריינגעלייגט אין דער ישיבה. אנדערש ווי איז געווען איינגעפירט אין ישיבות דעמאלסט, האט ער איינגעפירט א נייעם מהלך אין לערנען, וואס איז היינט אויפגענומען אין כמעט אלע ישיבות:

# ער האט געטיילט די ישיבה אין עטליכע שיעורים, נישט אזוי ווי פריער ווען אלע בחורים האבן געלערנט צוזאמען אין איין שיעור.

# אלס תלמיד פון ר' ישראל סאלאנטער האט ער איינגעפירט אין ישיבה לערנען מוסר. אין תרנ"ז האט ער אויפגענומען ר' [[לייב חאסמאן]] אלס [[משגיח רוחני|משגיח]].