אונטערשייד צווישן ווערסיעס פון "רוי:רומבולער הריגה"

{{חורבן אייראפע}}

די '''רומבולער הריגה''' איז געשען צוויי טעג ([[30סטן נאוועמבער]], [[1941]] און [[8טן דעצעמבער]], [[1941]]) ווען מ'האט געהרגעט 25,000 [[ייד]] אין און אונטערוועגס דעם [[רומבולע]] וואלד לעבן [[ריגע]], [[לעטלאנד]], במשך [[חורבן אייראפע]].  אויסער  דער פארנאנטער [[באבי יאר]] רציחה אין דער אוקראינע, איז דאס געווען דאס גרעסטע צוויי טעג אכזריות טאט ווערנט דעם חורבן.  בערך 24,000 פון די קרבנות זענען געווען לעטישע אידן פון דער ריגע [[געטא]] און ארום 1,000 זענען געווען דייטשע אידן טראנספארטירט צום וואלד אין א פראכט באן. די רומבולע הריגה האבן אויסגעפירט די נאצי [[איינזאצגרופע]] A צוגעהאלפן מיט ארטיגע קאלאבארירער פון דער אראס קאמאנדא, געשטיצט דורך אנדערע לעטישע העלפער. די אפעראציע האט אנגעפירט דער [[עס עס]] פירער [[פרידריך יעקלן]], וואס האט פריער אנגעפירט אנדערע הריגות אין דער אוקראינע. אויך רודאלף לאנגע און דער לעטישער הערבערטס צוקורס האבן אנטייל גענומען אין דער רציחה. די רומבולע מארדן זענען געווען א חשובער טייל פון דעם איינזאצגרופן פראצעס.<ref name = Einsatzgruppen_Trial_04>Einsatzgruppen trial, page 16, Indictment, at 6.F: "(F) On 30 November 1941 in Riga, 20 men of Einsatzkom­mando 2 participated in the murder of 10,600 Jews."</ref>