אונטערשייד צווישן ווערסיעס פון "רוי:שארם אל שייך"

'''שארם־על־שייך''' איז א [[שטאט]] אין [[סיני האלבאינדזל]], [[עגיפטן]]. עס געפונט זיך אין דרום, ביי דעם [[אילת איינגאס]] פון [[ים סוף]]. געפונט זיך נאנט צו [[טיראן דורכגאס]], וואס איז געווען דער גורם פארן אויסבראך פון דער [[זעקסטאגיקע מלחמה|זעקסטאגיקער מלחמה]], צווישן [[ישראל]] און [[עגיפטן]], נאכדעם וואס [[גאמאל אבדול נאסער]], האט פארארדנט דאס פארמאכן דעם [[דורכגאס]] פאר ישראלדיקע [[שיפן]].

דער [[פרעזידענט]] פון עגיפטן האלט א [[פאלאץ]] אין שטאט, וואו אויסלענדישע פירער קומען אפט מאל אלס גאסט, צו קאנפערירן מיטן פרעזידענט, ווי אויך קומען פאר דארט [[אינטערנאציאנאל]]ע [[קאנפערענץ|קאנפערענצן]]. אין שארם אל שייך וווינען 35,000 איינוווינער.

אנהייב איז שארם אל שייך געווען א קליין [[דארף]] פון פישערס, שפעטער געווארן א וויכטיקער פלאץ פארן עגיפטישן [[ים פלאט]]. ביי דער [[סיני מלחמה]] האט ישראל איינגענומען די שטאט, אבער [[צה"ל]] האט צוריקגעטרעטן, און ארויס פון סיני. ביי דער זעקסטאגיקער מלחמה, האט ישראל צוריק איינגענומען די שטאט, און שפעטער אויפגעשטעלט דארט פארשידענע באזעס, פון ים פלאט, און פון די לופט קרעפטן, און א [[לופטפעלד]] פאר [[מיליטער]]ישע און [[ציוויל]]ע געברויכן. ביי די [[ענטעבע אפעראציע]], זענען די מיליטערישע [[עראפלאן|פליגערס]] אפגעפלויגן פון דארט. ביי דער [[יום כיפור מלחמה]] איז די שטאט געווען פון די ערשטע אטאקירט צו ווערן דורך עגיפטן.