רוי:פערמא'ס לעצטער טעארעם

פערמאַ'ס לעצטער טעארעם איז א בארימטער טעארעם אין נומערן טעאריע וואס דער מאטעמאטיקער פיער דע פערמא האט פארמולירט אין דעם מיטן פונעם 17טן יארהונדערט, און איז געבליבן אן אפענער פראבלעם אין מאטעמאטיק ביז דער בריטישער מאטעמאטיקער ענדרו וויילס האט אים געלייזט אין 1995. דורכאויס 350 יאר איז ער געווען איינע פון די מערסט־באוואוסטע נישט־געלייזטע השערות אין דער וועלט פון מאטעמאטיק.

דער טעארעם

דער טעארעם זאגט אז:

פאר א נאטירליכער צאל n גרעסער פון 2, זענען נישט פאראן נאטירלעכע צאלן x,y,z (גרעסער פון 0) וואס באשטעטיקן די גלייכונג: $\!\,x^{n}+y^{n}=z^{n}$.

אוודאי, אין דעם פאל n = 2, באקומט מען די גלייכונג ווערט $\!\,x^{2}+y^{2}=z^{2}$, וואס ווייזט זיך אין דעם פיטאגאראס פרינציפ, און האט אומענדלעכע לייזונגען מיט y, x און z נאטירלעכע צאלן. למשל $\!\,3^{2}+4^{2}=5^{2}$ אדער $\!\,5^{2}+12^{2}=13^{2}$. די לייזונגען זענען באקאנט ווי פיטאגארישע דרייערלעך. פערמאַ האט גע'טענה'ט אז אין יעדן פאל פון n גרעסער ווי 2 פון דער גלייכונג $\!\,x^{n}+y^{n}=z^{n}$ איז נישט פאראן אפילו נישט איין לייזונג אין נאטירלעכע צאלן. דורכאויס 350 יאר איז די השערה געבליבן אן אפענער מאטעמאטישער פראבלעם.

דרויסנדע לינקס

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!