אונטערשייד צווישן ווערסיעס פון "רוי:רבי שמואל ענגיל"
ק (רעדאגירונגען דורך בוט צמא לדעת (שמועס) צוריקגעשטעלט צו דער לעצטער ווערסיע פון צמא לדעת) צייכן: צוריקדריי |
ק (דעסקריפציע: רב אין גאליציע און קאשוי) |
||
| שורה 1: | שורה 1: | ||
{{דעסקריפציע|רב אין גאליציע און קאשוי}} | |||
'''רבי שמואל ענגיל''' ([[ל' ניסן]] [[ה'תרי"ג]] - [[י"ט אדר א']] [[ה'תרצ"ה]]) איז געווען דער אב"ד פון גרויס [[ראדאמישל]] און ראב"ד אין [[קאשוי]]. זיינע תשובות זענען געדרוקט אינעם ספר ''שו"ת מהר"ש ענגיל''. | '''רבי שמואל ענגיל''' ([[ל' ניסן]] [[ה'תרי"ג]] - [[י"ט אדר א']] [[ה'תרצ"ה]]) איז געווען דער אב"ד פון גרויס [[ראדאמישל]] און ראב"ד אין [[קאשוי]]. זיינע תשובות זענען געדרוקט אינעם ספר ''שו"ת מהר"ש ענגיל''. | ||
| שורה 35: | שורה 36: | ||
{{קרד/ויקי/יידיש}} | {{קרד/ויקי/יידיש}} | ||
[[קאַטעגאָריע:וויקידאטא דעסקריפציע]] | |||
רעוויזיע פון 09:02, 20 אקטאבער 2023
רבי שמואל ענגיל (ל' ניסן ה'תרי"ג - י"ט אדר א' ה'תרצ"ה) איז געווען דער אב"ד פון גרויס ראדאמישל און ראב"ד אין קאשוי. זיינע תשובות זענען געדרוקט אינעם ספר שו"ת מהר"ש ענגיל.
אפשטאם
רבי שמואל איז געבוירן אין טארנא, מערב גאליציע (היינט פוילן) צו זיין פאטער רבי זאב וואלף ענגיל, און צו זיין מוטער אסתר ( - כ"ד כסלו). רבי שמואל איז געבוירן פון א ברכה וואס דער צאנזער רב האט אנגעווינטשן זיין מוטער, נאכדעם וואס ס'איז אריבער עטליכע יארן פון ווען זי האט געהייראט.
יונגע יארן
רבי שמואל איז געווען א פייערדיקער חסיד פון צאנזער רב און פון זיינע קינדער, ער פלעג פארן צום צאנזער רב, און נאך זיין פטירה איז ער געפארן צו זיין זון דער שינאווער רב.
אין עלטער פון זעקס יאר איז רבי שמואל געווארן א יתום פון זיין פאטער, און ער איז געבליבן לערנען אין צאנז. ווען רבי שמואל איז בר מצוה געווארן האט שוין געדענקט אויסנווייניג ש"ס מיט תוספות, פאר זיין חתונה האט ער שוין געדענקט דעם גאנצן פרי מגדים און חות דעת.
רבנות שטעלעס
ער האט באקומען היתר הוראה פון רבי יוסף שאול נאטאנזאן (דער "שואל ומשיב") און פון רבי שניאור זלמן פראדקין (דער "תורת חסד").
אין תרל"א האט די קהילה אין בילגוריי, קאנגרעס פוילן, גענומען אים פאר זייער רב. אבער ער איז געווען אן עסטרייכער (פון גאליציע) און דערפאר האבן די רוסן (וואס האבן געהערשט אין קאנגרעס פוילן) פארטריבן אים און ער איז צוריק אין גאליציע וואו ער האט זיך באזעצט אין רודניק. אין תרמ"א איז ער געווארן רב אין דוקלא. אין תרמ"ח איז ער געווארן אב"ד אין ראדאמישל. ביי דער ערשטער וועלט מלחמה האט ער איבערגעלאזט ראדאמישל און האט געוואוינט אין ווייטצען, אונגארן. נאך דער מלחמה אונטערוועגס אהיים איז ער געווען אין קאשוי, אונגארן (היינט סלאוואקיי), וואו מען האט אים געבעטן צו בלייבן און ער געווארן ראש בית דין דארט.
נאך דער פטירה פון זיין רבי'ן, דעם צאנזער רב, האט ער מקבל מרות געווען פון זיין זון רבי יחזקאל שרגא האלבערשטאם, דער שינאווער רב.
ער איז נפטר געווארן י"ט אדר תרצ"ה און ער ליגט אין קאשוי.
משפחה
רבי שמואל ענגיל האט געהייראט מרת שפרינצא, טאכטער פון רבי אברהם הורוויץ פון שענדישאוו.
זיין איידעם איז געווען רבי דוד היילפערן.
רבי אלחנן היילפרין אין גאלדערס גרין, לאנדאן איז געווען זיין אייניקל.
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!