אונטערשייד צווישן ווערסיעס פון "רוי:קרית וויזשניץ"

[[ניסן]] [[ה'תש"ח|תש"ח]] איז אפגעהאלטן געווארן מעמד [[הנחת אבן הפינה]], און [[סיוון]] [[ה'תשי"א|תשי"א]] איז דער וויזשניצער רבי דער אמרי חיים אריבערגעצויגן פון תל אביב אין בני ברק און אויך די וויזשניצער ישיבה "בית ישראל ודמשק אליעזר" האט מען אריבערגעפירט אהין. [[ה'תשי"ב|תשי"ב]] איז דער פריערדיגער וויזשניצער רבי, [[רבי משה יהושע האגער]]  דער "ישועות משה" אויך אהינגעקומען צו וואוינען, און נתמנה געווארן דורך זיין טאטע צו דינען אלס רב פון דעם שיכון. נאך דער פטירה פון דער "אמרי חיים" איז רבי משה יהושע געווארן א רבי און אנשטאט אים האט מען באקרוינט רב פונעם שיכון זיין עלטערער זון [[רבי ישראל האגער (ב)|רבי ישראל האגער]], דער היינטיגער וויזשניצער רבי. שפעטער ווען רבי ישראל איז אוועקגעטריבן געווארן פון וויזשניץ, האט מען באקרוינט זיין יונגערן ברודער [[רבי מנחם מענדיל האגער (בני ברק)|מענדיל]] אלס רב. אין יאר [[ה'תשס"ב]] האט דער רבי דער "ישועות משה" צוריקגעבערנגט רבי ישראל קיין וויזשניץ, און אין [[ה'תשע"ב|תשע"ב]] זייט נאך דער פטירה פון דער "ישועות משה" דינט רבי ישראל אלס רבי אין דעם שיכון. אלס [[דיין|דומ"ץ]] קרית וויזשניץ פלעגט דינען איבער פופציג יאר [[רבי משולם זושא לוריא]] (נפטר געווארן [[ט' טבת]] [[ה'תשע"ז]]). אין קרית וויזשניץ געפונען זיך איבער פופציג מוסדות ווי [[תלמוד תורה|חדרים]], [[כולל|כוללים]], [[מיידל שולע|מיידל שולעס]] און אזוי ווייטער. די צאל פון די איינוואוינערס פון שיכון וויזשניץ איז אומגעפער 3,000 משפחות. די מערהייט פון זיי זענען וויזשניצער חסידים.