אונטערשייד צווישן ווערסיעס פון "רוי:רבי יהושע רוקח (מאכניווקא)"

רבי יהושע רוקח איז געבוירן געווארן צו רבי יצחק דוד רוקח פון [[יעראסלאוו]], אן אייניקל פונעם [[בעלזא|בעלזער רב]], רבי [[ישכר דוב רוקח (א)|ישכר דוב]]. אלס בחור האט ער געלערנט אין [[סקווירא (חסידות)|סקווערער]] [[ישיבה]] אין [[שיכון סקווירא]], און אויפגעוואקסן אונטער דעם אויפזיכט און שוץ פון זיין משפחה מיטגליד, רבי [[יעקב יוסף טווערסקי]], דער פריערדיגער סקווערער רבי. ווען ער איז אנגעקומען צום פרק 'האיש מקדש', האט ער געהייראט זיין רעביצין מרת חיה גיטל, טאכטער פון רבי שלום מיכאלאוויטש פון בראדוויל. זיין עלטער פעטער, דער מאכניווקער רבי, רבי אברהם יהושע העשיל, האט נישט איבערגעלאזט קיין קינדער און האט באשטימט זיין נעפע איבערצונעמען די הנהגה, און טאקע נאך זיין פטירה אין יאר [[ה'תשמ"ח]], איז רבי יהושע באקרוינט געווארן רבי און פארזיצער פון דער מאכניווקער דינאסטיע.

נאכדעם וואס איז ער איז געווארן רבי, האבן  פילצאליגע בעלזער חסידים וואס האבן פארלאזט דעם בעלזער חסידות און נישט צוגעשטימט אנצונעמען דעם היינטיגן [[בעלזא|בעלזער]] רב, רבי [[ישכר דוב רוקח (ב)|ישכר דוב רוקח]] אלס זייער מנהיג, אויפגענומען רבי יהושע אלס זייער רבי. אין יאר [[ה'תשע"ו]] נאך אן אפמאכונג מיט דעם מוטער חסידות בעלזא, האט מען באשלאסן אז דאס חסידות וועט גערופן ווערן מאכניווקא בעלזא, און נישט בעלזא מאכניווקא ווי ס'איז געווען פארדעם. מיט שליסן די אפמאכונג איז געקומען צו ענדע א פיליעריגע מחלוקת וואס האט געהערשט צווישן די צוויי חסידות'ן.

*הרב [[ישכר דוב רוקח (מאכניווקא)|ישכר דוב]], האט געהייראט מרת שרה לאה, טאכטער פון רבי [[אברהם יחיאל לעמבערגער]] פון [[מאקאווא (חסידות)|מאקאווא]] [[בני ברק]].

*הרב יוסף מאיר, האט געהייראט מרת מלכה אסתר רחל, טאכטער פון רבי [[יוסף דוד טייטלבוים]] פון סאסאוו.