אונטערשייד צווישן ווערסיעס פון "רוי:רבי יחזקאל פאנעט"

'''רבי יחזקאל''' האט געלערנט אין לייפניק ביי רבי [[ברוך תאומים-פרענקל]], דער ברוך טעם. שפעטער האט ער געלערנט אין פראג ביי רבי יהודה לייב פישעלס, רבי שמואל לאנדא און ביי רבי אלעזר פלעקלעס.

נאך זיין חתונה האט '''רבי יחזקאל''' געלערנט אין לינסקער קלויז ביים דארטיגן רב, רבי [[מנחם מענדל ראבין]] (דער פאטער פון [[נפתלי צבי הורוויץ|ראפשיצער רב]]).  

'''רבי יחזקאל''' איז געפארן און האט געשעפט [[חסידות]] פון די גרויסע רבי'ס אין זיין צייט, פון [[יעקב יצחק הורוויץ|חוזה פון לובלין]], פון [[ישראל האפשטיין|קאזשניצער מגיד]] און נאך, זיין רבי [[מובהק]] איז געווען רבי [[מענדעלע פון רימאנאוו]], דארט איז ער אפגעזעצען לענגערע צייטן און פארשריבן די [[דברי תורה]] וואס ער האט געהערט פון זיין רבין, וועלכע '''רבי יחזקאל''' האט שפעטער אפגעדרוקט מיט דעם נאמען מנחם ציון.

באקאנט איז דער וואונדערליכן בריעף<ref>שו"ת מראה יחזקאל סי' ק"ד</ref> וואס '''רבי יחזקאל''' האט געשריבן אין יאר [[ה'תקס"ה]] צו זיין פאטער וועלכער איז געווען א קעגנער פון דעם חסידישן שטייגער, וואו '''רבי יחזקאל''' טוהט פארציילן און שילדערן דעם אינהאלט און גייסט פון חסידות און אלגעמיין, און ספעציעל פון זיין רבין רבי [[מענדעלע פון רימאנאוו]], וועלכער איז דאמאלס נאך געווען אין [[פריסטיק]]. ס'איז באקאנט ביי חסידים אז דער [[חיים האלבערשטאם|צאנזער רב]] האט דעם בריעף געליינט מיט הייסע טרערן ל"ד בעומר דער טאג פון די יארצייט פון רבי מענדעלע פון רימאנאוו.