אונטערשייד צווישן ווערסיעס פון "רוי:קרית יואל"

'''קרית יואל''' ({{שפראך-en|Kiryas Joel}}) איז א ווילידזש, געגרינדעט דורכן סאטמארער רבין רבי [[יואל טייטלבוים]], וואס געפינט זיך אין [[פאלם טרי, ניו יארק|פאלם טרי]], אפּסטעיט [[ניו יאָרק]].

עס וואוינען דארט היינט צוטאגס איבער זיבן און א האלב טויזנט פאמיליעס. לויטן אמעריקאנישן [[צענזוס]] פון [[2020]] ווערטדי צאל איינוואוינער אפגעשאצט פאר אריבער צוויי און דרייסיג טויזנט נפשות (32,954). דער אפיציעלער [[רב]] איז דער [[סאטמאר (חסידות)|סאטמארער]] [[רבי]] [[אהרן טייטלבוים]], וועלכער איז אויפגענומען געווארן דורך זיין פאטער רבי [[משה טייטלבוים]] בעל "ברך משה" אלס "מרא דאתרא" (אפיציעלער שטאטס רב) אין יאר תשמ"ה [1985]. אבער א פראצענט תושבים -ארום 35 פראצענט- פון שטאט קערן זיך אן צו זיין ברודער רבי [[זלמן לייב טייטלבוים]] און א קליינער טייל -ארום 10 פראצענט- זענען פון [[בני יואל]] -א קעגנערישע פליגל צו רבי אהרן. (די ציפערן זענען געבויט געוואנדן לויט די קינדער אין די לאקאלע מוסדות התורה, אין וואס רבי אהרן פארמאגט ארום 11,500 קינדער, רבי זלמן לייב ארום 5,500 קינדער, און בני יואל ארום 2,000 קינדער) דער רב האט אבער א היבשע מאיאריטעט, און זיינע [[קאנדידאט]]ן פארן שטאטראט האבן נאך קיינמאל נישט פארלוירן די [[וואלן]]. זיינע קאנדידאטן לויפן שוין די לעצטע 18 יאר אן קיינע קעגנער, צוליב וואס זיינע שונאים האבן איינגעזעהן אז זיי האבן בכלל נישט קיין טשאנס צו געוואונען, ביי די לעצטע וואלן תשס<nowiki>''</nowiki>ה ווען [[אברהם ווידער]] דער [[בירגערמייסטער]] איז געלאפן מיט דער שטיצע פון די [[אהרוינים]], האט ער געהאט באלד 4,000 שטימען און הרב באנדא וואס איז געלאפן קעגן אים האט געהאט עפעס מער פון 2000 שטימען, און זייט דאן האבן די ארונים פיל מער אויסגעברייטערט זייער מאיאראטעט, צוליב וואס פיל ארונים פון וויליאמסבורג ציען זיך כסדר קיין קרית יואל, און די זאלוינים ציען זיך מער ארויס צו די גלילות ארום אדער צו אנדערע שטעט.

דער אלגעמיינער [[סקול דיסטריקט]] פון קרית יואל ליגט אונטער דער הנהגה פון רבי אהרן טייטלבוים. אבער עס איז אויך דא צוויי [[מוסדות]] נעבן קרית יואל וואס האבן נישט קיין שייכות מיט דער אלגעמיינער חינוך סיסטעם פון דער שטאט, נאר האבן זיך אויפגעשטעלט אייגענע חינוך סיסטעמען, די קהילה פון [[בני יואל]] און די קהילה און וואס געהער צו רבי [[זלמן לייב טייטלבוים]].

דאס שטעטל איז געגרינדעט געווארן אין יאר תשל"ז [1977], און האט א זעלבסטעשטענדיגן לעגאלן שטאטראט. די פאליטישע פיגורן באשטייען פון א בירגערמייסטער און פיר ווילעדזש קוראטארן, וואס ווערן אריינגעוועלט פאר 4 יאריגע טערמינען. דער יעצטיגער ערוועלטער בירגערמייסטער איז [[אברהם ווידער]] און די פיר קוראטארן זענען גאלדשטיין, פריינד, רייזמאן, און לאנדא; אלע זענען שטיצער פון רבי [[אהרן טייטלבוים]].

[[ארוינים|קהל יטב לב]] ארונים בנשיאות רבי [[אהרן טייטלבוים]] פארמאגט א ריזן [[בית מדרש]], פון די גרעסטע אין אמעריקע, וואס ווערט גערופן "בית המדרש הגדול", אדער "די גרויסן", וואס ווערט גערעכנט ביי די ארונים אלס הויפט שול פון קרית יואל, און וואס דאס גאנצע השתלשלות פון זיין געבוי ווערט באשריבן אין דעם ביכל "דברי הימים" דורך דעם באגאבנטן שרייבער הרב [[שמואל שלמה טעללער]], און זיין שותף הרב יצחק מיטטעלמאן.