אונטערשייד צווישן ווערסיעס פון "רוי:טראני טווערסקי"

הרבנית '''טראני טווערסקי''' ([[י"ד כסלו]] [[ה'תרס"ה]] - [[כ"ו כסלו]] [[ה'תשנ"א]]) איז געווען די [[רביצין]] פון דעם דריטן [[סקווירא (חסידות)|סקווערער]] רבין, רבי [[יעקב יוסף טווערסקי]].

זי איז געווען די טאכטער פון רבי [[פנחס טווערסקי|פיניעלע אוסטילער]] און מרת חנה רחל, טאכטער פונעם בעלזער רב, רבי [[ישכר דוב רוקח (א)|ישכר דוב רוקח]].

זי איז געווען באקאנט אלס א ריכטיגע רביצין א שם דבר, זייענדיג אן איבערגעבליבן צווייגל פון דער [[בעלזא|בעלז]]ער משפחה, ווי זי איז אויפגעוואקסן אירע יונגע יארן, א איינ'איינציגע פלומעניצע פונעם בעלזער רב רבי [[אהרן רוקח|אהרן]] פון איין מאמע, וואס דער בעלזער רב אליין האט זיך אזוי אויסגעדרוקט '''זי איז דאך אן אייגענע'''.

ווען זי איז געווארן א בת מצוה, האט זי באקומען פון איר זיידע רבי [[ישכר דוב רוקח (א)|ישכר דוב]] מבעלזא א פאר לייכטער צו צינדן שבת ליכט, און האט איר געזאגט: '''זאלסט אויסבעטן ביי די ליכט, אז די אויגן פון דיין צוקונפטיגן חתן, זאל לייכטן אין תורה'''.

איר נאמען 'טראני' איז נאך איר באבע, די רעביצין פון רבי [[מרדכי טווערסקי (רחמיסטריווקא)|מאטעלע רחמיסטריווקער]]. היינט צו טאגס פילע פרויען אין סקווירא טראגן מיט שטאלץ איר נאמען. אויכעט א גרויסע צאל פון אפשטאמלינגען פונעם פריערדיגן [[וויזשניץ מאנסי (חסידות)|וויזשניצער]] רבי פון [[מאנסי]], רבי [[מרדכי האגער]] און פונעם [[רחמיסטריווקא (חסידות)|רחמיסטריווקער]] רבי פון [[פאראייניגטע שטאטן|אמעריקע]], רבי [[חי יצחק טווערסקי]], הייסן נאך איר.