אונטערשייד צווישן ווערסיעס פון "רוי:בית ישראל ודמשק אליעזר ישיבה"

'''בית ישראל ודמשק אליעזר''' איז די הויפט און גרעסטע [[וויזשניץ (חסידות)|וויזשניצער]] ישיבה אין [[בני ברק]]. די ישיבה שטייט אין הויפט פונעם היינטיגן [[ראש ישיבה]], רבי [[מנחם ערנסטער]], זון פון רבי [[משה ערנסטער|משה]] און מרת [[שבע ברכה ערנסטער|שבע ברכה]], און איידעם פון רבי [[משה יהושע האגער]], דער פריערדיגער וויזשניצער רבי פון בני ברק.

פאר דער [[צווייטע וועלט קריג|צווייטער וועלט קריג]], איז געווען א ישיבה אין [[וויזשניץ, אוקראינע|וויזשניץ]], וואס איז געלייטעט געווארן דורך דעם רבי'ן, רבי [[ישראל האגער (א)|ישראל האגער]], וועלכער איז געווען באקאנט אלס דער "אהבת ישראל", און דורך זיין זון רבי [[מנחם מענדיל האגער (ווישעווע)|מנחם מענדיל האגער]], וואס איז שפעטער געווארן ווישאווער רבי, בעל מחבר ספר "שארית מנחם". די ישיבה איז געווען גערעכנט אלס איינע פון די בעסטע ישיבות אין [[בוקאווינא]]. דער לימוד אין דער ישיבה פלעגט אריינרעכענען אין זיך [[תלמוד|ש"ס]], און [[שלחן ערוך]] חושן משפט ווי די שטייגער פון אלע אנדערע ישיבות אין [[רומעניע]] און [[אונגארן]], וואס האבן איינגעגלידערט אונטערריכטן פון הלכה מיט אונטערריכטן פון גמרא. דער אהבת ישראל פלעגט דורכפירן א פארהער אין דער ישיבה, יעדן ערב [[ראש חודש]], און דער שארית מנחם וואס האט געדינט אלס ראש ישיבה, פלעגט פארהערן יעדער ערב שבת. ווען די [[ערשטע וועלט קריג]] איז אויסגעבראכן, האט דער אהבת ישראל פארלאזט וויזשניץ און אריבערגעצויגן קיין [[גרויסווארדיין]], דארט וואו ער האט אנגעפירט זיין הויף ביז צו זיין פטירה אום [[ב' סיון]] [[ה'תרצ"ו]], און צוליב דער מלחמה האט מען צוגעמאכט די ישיבה.