אונטערשייד צווישן ווערסיעס פון "רבי יוסף מאיר ווייס"

רבי יוסף מאיר איז געבוירן געווארן אין [[מונקאטש]], (אין יענע יארן אונטערן [[עסטרייכער אימפעריע]], היינט [[אוקראינע]]), צו רבי שמואל צבי ווייס וואס האט געדינט דארט אין שטאט אלס [[אב"ד]]{{הערה|זון פון רבי אברהם ווייס, תלמיד פון [[רבי יצחק אייזיק טויב|רבי יצחק אייזיק פון קאליב]], וואס איז אויפן עלטער ארויף קיין [[ארץ ישראל]], און ליגט אין די [[אלטע בית עולם פון טבריה]]}}, און צו צירל טאכטער פון רבי צבי הירש אסטרייכער{{הערה|א [[תלמיד]] פון [[רבי יעקב יצחק פון לובלין|דער חוזה פון לובלין]] און [[רבי צבי אלימלך שפירא|דער בני יששכר]]}}.

ער האט געלערנט ביי [[רבי מאיר אייזנשטאטער]] דער מהר"ם א"ש און רב פון [[אונגוואר]], [[רבי שמואל שמעלקא קליין]] רב פון [[סעליש]], און ביי זיין פעטער [[רבי יצחק אייזיק ווייס (סוואליאווע)|רבי יצחק אייזיק ווייס]] רב פון [[סוואליאווע]]. פון די יוגנט האט אים געצויגן צו [[חסידות]] און ער פלעגט פארן צו [[רבי שלום רוקח]] פון [[בעלזא]] און צו [[רבי מנחם מענדיל האגער (וויזשניץ)|דער "צמח צדיק"]] פון [[וויזשניץ (חסידות)|וויזשניץ]].{{ש}}אין זיינע שפעטערע יארן האט ער זיך דערנענטערט צו [[רבי יצחק אייזיק אייכנשטיין]] פון [[זידיטשוב]], און ער איז געווארן פאררעכנט אלס דער חשוב'סטער [[תלמיד]] ביי אים, און פון אים האט ער מקבל געווען זיין גאנג אין חסידות. אויך האט ער אנגעהאלטן שייכות מיט [[רבי חיים האלבערשטאם]] פון [[צאנז]].

רבי יוסף מאיר האט חתונה געהאט בזיווג ראשון צו א טאכטער פון הנגיד רבי מרדכי אריה כהנא; זי איז אוועק דריי יאר דערנאך אן צו לאזן קינדער נאך זיך. דערנאך האט ער חתונה געהאט צו א טאכטער פון רבי מאיר פון די חשובי הקהל אין [[מונקאטש]], און געהאט מיט איר דריי טעכטער. דערנאך האט ער חתונה געהאט צו פעריל א טאכטער פון הנגיד רבי עזרא יעקב באש פון [[ספינקא]]{{הערה|זי איז געווען די [[אלמנה]] פון רבי יונתן פאללאק}}, וואס דאן איז ער אריבער וואוינען אין [[ספינקא]].

ער איז געווען בארימט מיט זיין כח אין תורה ובפרט אין חלק ה[[קבלה]], און מען האט פארציילט אז אפילו צאנזער רב האט אים געפרעגט שאלות אין תורת הנסתר. ווי ער האט מקבל געווען ביי זיין רבי'ן אין זידיטשוב, האט ער זיך געהאלטן צו די אריגינעלע [[קבלה#קבלת האר"י|קבלת האר"י]] אן קיין טוישונגען{{הערה|1=[[גרשום שלום]] אין 'קבלה' ארטיקל, [[האנציקלופדיה העברית]], כרך כ"ט, זייט 99}}.

זיין חסיד'ישע תורה איז פארשריבן אין זיין גרויסן ספר "אמרי יוסף", וואס איז אויך הויפטזעכליך באזירט אויף קבלת האר"י. אויך איז פארהאן דברי תורה פון אים אין ספר 'ליקוטי מהרי"א' פון זיין רבי'ן, וואס ער האט געדרוקט. אין יאר [[ה'תשע"ד]] זענען אנטפלעקט געווארן נאך כתבי ידות פון אים, אנטהאלטנדיג הגהות אויף ספר [[פרי עץ חיים]]{{הערה|א טייל איז געדרוקט געווארן דורך זיין אייניקל [[רבי אברהם אביש ווייס]]}}.

רבי יוסף מאיר האט זיך קעגנגעשטעלט צו [[ציונות]], און האט אויפגעפאדערט זיך צו דערווייטערן פון זיי{{הערה|קובץ תל תלפיות ט"ו אב תרס"ד, געברענגט אין [[משכנות הרועים (ספר)|ספר משכנות הרועים]] חלק א' עמוד רכ"ו}}.

ער איז אוועק אום [[ו' אייר]] [[ה'תרס"ט]], און איז באערדיגט געווארן אין [[ספינקא]]. אין יאר [[ה'תשל"ב]] האט מען אים ארויפגעברענגט קיין [[ארץ ישראל]], און געלייגט אין [[סגולה בית עולם]] אין [[פתח תקוה]].