אונטערשייד צווישן ווערסיעס פון "רוי:קאזאן"

די הויפט רעליגיעס אין קאזאן זענען [[סוניס|סוני איסלאם]] און [[פראוואסלאוונע]] קריסטנטום; אויך געפינען זיך [[קאטוילישע קירכע|קאטאליקן]], פראטעסטאנטן, [[אידישקייט|יידן]] און באהאי.

ביז [[1914]] האט מען ערלויבט נאר [[קאנטאניסט]]ן זיך באזעצן אין דער שטאט. נאך דער [[ערשטער וועלט-מלחמה]] זענען אנגעקומען אין שטאט א סך יידישע פליטים פון דער געגנט פון די קאמפן אין היינטיגע [[בעלארוס]] און [[ליטא]], און זיי האבן אויפגעשטעלט א גרויסע קהילה. הרב בן־ציון חיים ציוני (זילבער) האט געדינט אלס שטאטס רב ביז די 1930ער יארן. דערנאך האט דער [[ראטן פארבאנד]] אנגעהוין רודפ'ן אידישקייט; זיי האבן פארשלאסן אלע יידישע מוסדות און האבן קאנפיסקירט די שול. אין דער תקופה פון פערעסטרויע און גלאסנאסט אונטער [[מיכאיל גארבאטשאוו]] האט מען באנייט יידישע טעטיקייטן. אין תשנ"ז איז אנגעקומען הרב יצחק גארעליק, א ליובאוויטשער, אין קאזאן און מען האט אים באשטימט הויפט רב. אונטער זיין פירערשאפט האט די קהילה געבליט ווייטער. קאזאן האט א שול, און אין תשע"ח האט מען געעפנט דארט א [[ישיבה]].