רוי:רבי שלום יוסף פרידמאן (הוסיאטין)

רבי שלום יוסף פרידמאן זצ"ל (ה'תר"ך - ז' טבת ה'תרמ"ג), פון הוסיאטין.

אפשטאם

רבי שלום יוסף איז געבוירן אין יאר ה'תר"ך, צו זיין פאטער הרב מרדכי פייביש פרידמאן, פון הוסיאטין, א זון פון הרב ישראל פרידמאן פון רוזשין, א זון פון הרב שלום שכנא, פון פראהבישטש, א זון פון הרב אברהם המלאך, דער חסד לאברהם, א זון פון הרב דוב בער, דער מעזריטשער מגיד. און צו זיין מוטער מרת ברכה דינה א טאכטער פון הרב דוד צבי קאבלאנסקי, א שוואגער פון רוזשינער.

הסתלקות

רבי שלום יוסף איז נפטר געווארן זייער יונג, אין עלטער פון דריי און צוואנציג יאר ז' טבת ה'תרמ"ג.

פאמיליע

אין יאר ה'תרל"ה האט רבי שלום יוסף געהייראט מרת חיה א טאכטער פון הרב אפרים מרגלוית, פון מאטשיאוו, אן איידעם פון טריסקער מגיד. זייערע קינדער:

• מרת שרה שיינדיל רויזא ( - י"ב מנחם אב ה'תשי"ח), די ווייב פון הרב אהרן פרידמאן, (י"ב תשרי ה'תרל"ז - י"ט תשרי ה'תרע"ג), פון סאדיגורא.

• הרב מנחם נחום פרידמאן הי"ד, (י"ח טבת ה'תר"ם - י' כסלו ה'תש"ג), פון הוסיאטין-לעמבערג, ער איז אומגעקומען אויף קידוש השם.

• הרב משה'ניו פרידמאן הי"ד (פורים י"ד אדר ה'תרמ"א - ג' אלול ה'תש"ג), פון באיאן-קראקא, ער איז אומגעקומען אויף קידוש השם.

בזיווג שני האט רבי ישראל געהייראט א טאכטער פון הרב חיים האגער פון אנטוניא.

זעט אויך

• רוזשין (חסידות)

רעפערענצן

• אנציקלופדיה לחכמי גליציה, מאיר וונדר
• נר ישראל ח"ו בערכו

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!