רוי:מסכתות קטנות

די מסכתות קטנות (קליינע מסכתות) זענען זאמלונגען פון ברייתות אין דעם סטיל פון דער משנה. אנדערש ווי די תוספתא זענען די מסכתות קטנות נישט אויפן סדר פון דער משנה (אחוץ אבות דרבי נתן).

די מסכתות קטנות ווערן געדרוקט נאך מסכת אבות אין דער ש"ס בבלי. די ערשטע אכט מסכתות ברענגען אסאך נייע זאכן וואס מ'טרעפט נישט ערגעץ אנדערש אין חז"ל, אבער די לעצטע זיבן זענען מער א ליקוט פון אנדערע ערטער.

רשימה פון די מסכתות קטנות

• אבות דרבי נתן – די מסכתא איז געבויט אויפן סדר פון מסכת אבות (אשטייגער ווי די תוספתא). די מסכתא האט 41 פרקים.
• מסכת סופרים – ס'איז דא צוויי נוסחאות אביסל אנדערש אין תלמוד הבבלי ווי אין תלמוד ירושלמי.
• אבל רבתי אדער מסכת שמחות– הלכות קבורה, הספד און אבלות.
• מסכת כלה – א קליינע מסכתא מיט הלכות פון אירוסין, נישואין און תשמיש.
• כלה רבתי – א פארגרעסערטע פארמאט פון מסכת כלה, אויסגעלייגט מיט א צורה פון משנה און גמרא.
• דרך ארץ רבה – בין אדם לחברו.
• דרך ארץ זוטא – מוסר פאר תלמידי חכמים.
  • פרק השלום –דער פרק הייבט אן "גדול הוא השלום" וועגן שלום בין אדם לחברו. פרק השלום איז דער לעצטער פרק פון "דרך ארץ זוטא", אבער טייל האלטן אז ער איז א באזונדער מאמר.
• מסכת גרים - הלכות פון קבלת גרים.
• מסכת כותים.
• מסכת עבדים - דינים פון עבדים.

די פאלגנדע מסכתות זענען א ליקוט פון הלכות פון מסכת מנחות פרק רביעי וואס דער רא"ש באהאנדלט אין זיינע הלכות קטנות (געדרוקט נאך מסכת מנחות):

• ספר תורה.
• מסכת תפילין.
• מסכת ציצית.
• מסכת מזוזה.

אמאל איז אויך געווען א מסכת "ארץ ישראל".

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!