רוי:רבי אברהם צבי הירש הורוויץ

רבי אברהם צבי הירש הורוויץ (ה'תרמ"ז - י"ז אדר ה'תשכ"א) איז געווען דער בייטשער רבי.

אפשטאם

רבי אברהם הירש איז געבוירן געווארן אין יאר ה'תרמ"ז, צו זיין פאטער דער הרב אהרן הורוויץ, רב אין בייטש, א זון פון הרב מאיר הורוויץ רב אין דזשיקאוו, דער אמרי נועם, א זון פון הרב אליעזר הורוויץ רב אין דזשיקאוו, באקאנט אלס רבי אליעזר'ל דזשיקאווער, א זון הרב נפתלי צבי הורוויץ דער ראפשיצער רב. און צו זיין מוטער מרת טילא א טאכטער פון הרב חיים האלבערשטאם, דער צאנזער רב.

רבנות

רבי אברהם הירש איז געווען א קורצע צייט אין טארנא, אין יאר ה'תרע"ג האט ער זיך איבערגעצויגען קיין ניו יארק, וואו ער האט אנגעפירט מיט דער בייטשער רביסטעווע.

הסתלקות

רבי אברהם הירש איז נפטר געווארן י"ז אדר ה'תשכ"א, מען האט אים געפירט קיין ארץ ישראל, און ליגט אין קרית צאנז, נתניה.

פאמיליע

רבי אברהם הירש האט געהייראט מרת ביילא, א טאכטער פון הרב אהרן לייבלי רוקח פון בוקאווסק. זייערע קינדער זענען:

• הרב שלום הורוויץ, בייטשער רבי אין ניו יארק. ער האט געהייראט מרת טויבא, די טאכטער פון מרת רויזא און איר מאן רב יחזקאל שרגא ראזנפעלד, א זון פון רבי חיים יעקב יוסף ראזנפעלד און מרת חיה, א טאכטער פון הרב נפתלי האלבערשטאם, דער קשאנאווער רב, א זון פון הרב דוד האלבערשטאם, דער קשאנאווער רב, א זון פון דעם צאנזער רב, הרב חיים האלבערשטאם.
  • מרת מלכה עלא, די ווייב פון הרב חיים יצחק אייזיק טייטלבוים, סלאטפינער רבי אין ניו יארק
  • הרב יחזקאל שרגא הורוויץ, בייטשער רבי אין ניו יארק
  • מרת שינדיל באשא, די ווייב פון הרב יעקב פעלדמאן
  • מרת חיה רבקה, די ווייב פון הרב אלטער נפתלי חיים ליבער, א זון פון רבי ישראל ליבער און מרת יהודית, א טאכטער פון רבי נפתלי חיים האלבערשטאם (ה'תרמ"ה - ה'תש"א), פון גארליץ, א זון פון רבי אלישע האלבערשטאם (ה'תר"ך - י"ט תשרי ה'תש"א), רב אין גארליץ, א זון פון הרב ברוך האלבערשטאם, דער גארליצער רב, א זון פון דעם צאנזער רב, הרב חיים האלבערשטאם.
  • מרת יוכבד מירל, די ווייב פון הרב שמחה טייטלבוים
  • מרת לאה עטיל, די ווייב פון הרב משה יוסף אונסדארפער, זלאזיצער רב אין ניו יארק
• הרב משה הורוויץ' (געבוירן אין יאר ה'תרס"ז). ער האט געלערנט אין דער באבאווער ישיבה "עץ חיים", און ביי די צוואנציג יאר האט ער באקומען היתר הוראה. ער האט געהייראט מרת מלכה, די טאכטער פון הרב מרדכי אריה הורוויץ, אב"ד באנילא, זון פון הרב אברהם יעקב הורוויץ, רב אין פראוויזנא. זיי זענען אומגעקומען אויף קידוש השם, הי"ד.
• הרב חיים יוסף הורוויץ (ה'תר"ע - טבת תש"ב). ער האט געלערנט אין דער באבאווער ישיבה "עץ חיים". ער איז געווען אן איידעם פון הרב אליהו אייכנשטיין, רב אין זקופנא. ער איז אומגעקומען אויף קידוש השם חודש טבת ה'תש"ב אין טשארטקאווער געטא, הי"ד.
• הבחור אהרן הורוויץ, אומגעקומען אויף קידוש השם ח' חשוון ה'תש"ב, הי"ד.

רעפערענצן

• אנציקלופדיה לחכמי גליציה, מאיר וונדר

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!