רוי:ברכי יוסף

טעקע:BirkeiYosef.jpg

דער שער בלאט פון ספר ברכי יוסף, פאטאגראפישע איבערמאכונג פון ווינער אויסגאבע

ברכי יוסף איז א ספר אויף שולחן ערוך וואס דער חיד"א האט געשריבן. כאטש דער חיד"א האט אסאך חיבורים אויף הלכה, קען מען זאגן אז דאס ספר איז די מערסטע שטערקסע און גרעסטע פונעם חיד"א אויף חלק הלכה. ער האט עס אנגעהויבן שרייבן נאך ווען ער איז געווען גאנץ יונג, נאך אין יאר ה'תקי"ד, און האט געשריבן דערין אסאך יאר, יעדע צייט, און האט אנגעהויבן עס צו דרוקן אין יאר ה'תקל"ד אין ליווארנא. במשך פון די צייט האט ער שטענדיג צוגעשריבן נאך און נאך, און עס איז ארויס פון דרוק אין יאר ה'תקל"ז.

דער חיבור ביישטייט צום מערסטן אויף חלק אורח חיים. אויף יורה דעה פון סי' א' ביז סי' י"ח פון סימן רכ"ח ביזן סוף. אבן העזר סי' א' ביז סי' ל"ט און חושן משפט פון סי' א' ביז סי' מ"א. ֿ אין די שפעטערדיגע ספרים האט ער צוגעלייגט אסאך הגהות און הוספות. דאס ספר האט אויך א ספעציעל חשיבות וויבאלד ער ברעגנט דערין אסאך הלכות און מנהגים וואס מען האט זיך געפירט דערין אין ארץ ישראל און אין ירושלים, וואס ער האט אליין מיט געלעבעט דערין. אין חיד"א'ס צייטן איז דער אנגענומענסטער ספר אויף שו"ע געווען דער כנסת הגדולה פון רבי חיים בנבנשתי און דעריבער איז דער חיד"א אין דעם ספר זייער אסאך מוסיף אויפן כנסת הגדולה.

גראד נאכן דרוקן איז דער ספר געווארן זייער פאפולער, עס זענען געווען צוויי מענטשן וואס האבן דערפון געמאכט קיצורי הלכות נאך אין די צייטן ווען דער חיד"א האט געלעבעט דאס איז אין יאר תקנ"ח ספר משפט כתב, און קמח סלת.

אויסגאבעס

• ליווארנא, ה'תקל"ד - ה'תקל"ו, מיט דעם ספר שיורי ברכה אויף אורח חיים.
• סאלוניקי, ה'תק"ע, מיט דעם ספר שיורי ברכה אויף אורח חיים און יורה דעה.
• וויען, ה'תר"ך

אויסער די אויסגאבעס, איז דער ספר ברכי יוסף פארשידענע מאל ארויסגעגעבן געווארן, פאטאגראפירט פון אנדערע אויסגאבעס.