רוי:קריסניפאליע

קריסניפאליע Червоноград טשערוואנאהראַד מדינה / טעריטאָריע אוקראינע גרינדונג דאַטע 1692 קאָאָרדינאַטן ‏50°23′N 24°14′E אבלאסט לעמבערג בירגערמייסטער איהאר טשודיאיאוויטש שטח 21.0 קוואדראט ק"מ הייך 250 מעטער  ‑ אין שטאָט 82,900‏  (שטייענדיג 2013) צייט זאָנע UTC+2

קריסניפאליע, קריסניפאלי, קראַסניפאלי (אוקראיניש: Червоноград טשערוואנאהראַד; פּויליש: Czerwonogród, Krystynopol) איז א מינעריי שטאט אין דער לעמבערגער גובערניע, מערב אוקראינע. די שטאט איז אן אייגענער דיסטריקט אין דער גובערניע. די באפעלקערונג איז אומגעפער 82,900 (אין 2013).

פריער איז דער געגנט געווען אין מזרח גאליציע.

קריסניפאליע איז געווען א יידיש שטעטל בערך 200 יאר ביז צום חורבן אייראפע. רוב אידן אין שטעטל זענען געווען בעלזער חסידים. היינט וואוינען דארט ווינציקער פון 100 אידן.

געאגראפיע

קריסניפאליע געפינט זיך אין מערב אוקראינע, 65 ק"מ צפון פון לעמבערג, 10 ק"מ דרום פון סקאהל און 16 ק"מ מזרח פון בעלז.

יידישע היסטאריע

שוין אין 1740 האבן געוואוינט אידן אין קריסניפאליע.

אין 1880 האבן געוואוינט אין קריסניפאליע 2,747 אידן, 78% פון דער באפעלקערונג פונעם שטעטל. דער הויפט מסחר פון די אידן איז געווען האנדל מיט תבואה. אין 1926 האט דאס שטעטל געהאט פינף שולן. ווען די דייטשן האבן אינוואדירט אין 1939, זענען רוב אידן אנטלאפן אריבער דעם בוג מיט דער סאוועטישער ארמיי; זיי זענען געשיקט אין גלות אין סיביר. די איבערגעבליבענע אידן האט מען דעפארטירט קיין בעלזשיץ סעפטעמבער 1942.

הרב אפרים תאומים איז געווען שטאטס רב פון קריסניפאלי.

וועבלינקען

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!