אונטערשייד צווישן ווערסיעס פון "רוי:יולי טאוובין"

יולי (דער אמתער נאָמען – יודל) טאַוובין איז געבוירן געוואָרן אין דער שטאָט [[אָסטראָגאַזשסק]] פון דער [[וואָראָניעזשער גובערניע]] (יעצט – אין באַשטאַנד פון רוסלאַנד).  אין 1921 איז ער צוזאַמען מיט זיינע עלטערן אַריבערגעפאָרן קיין [[אַמטשיסלאַוו]] (יעצט – אין דער מאָהילעווער געגנט פון ווייסרוסלאַנד).  מיט לידער האָט ער דעביוטירט אין 1926 אויף די שפּאַלטן פון דער צייטשריפט «Маладняк Калініншчыны» ("מאַלאַדניאַק קאַלינישטשיני"), זיך געדרוקט אין פאַרשידענע ווייסרוסישע פּעריִאָדישע אויסגאַבעס. אין 1930 איז אין מינסק דערשינען יולי טאַוובינס ערשטע לידער-זאַמלונג. אין גיכן זענען דערשינען נאָך פיר זיינע פּאָעזיע-ביכער. אין 1931 – 1933 האָט דער דיכטער זיך געלערנט אינעם מינסקער פּעדאַגאָגישן אינסטיטוט.  

דעם 25טן פעברואַר 1933 האָט מען אים אַרעסטירט און פאראורטיילט אויף פאַרשיקונג קיין [[אוראַל]]. אין דער פאַרשיקונג האָט יולי טאַוובין געלעבט אין דער שטאָט טיומען. דאָ האָט ער אָנגעהויבן שרייבן אויף רוסיש. באַנאַנד מיט זיין אָריגינעלער שאַפונג האָט דער דיכטער אַ סך זיך פאַרנומען מיט איבערזעצונגען אין ווייסרוסיש פון רוסיש, אוקראַיִניש, פּויליש, דייטש, ענגליש און ייִדיש (ער האָט איבערגעזעצט לידער פון איזי כאַריקן).