אונטערשייד צווישן ווערסיעס פון "רוי:העניך אקערמאן"

העניך אַקערמאַן איז געבוירן געוואָרן אינעם דאָרף מאָלינעץ פונעם [[כאָטינער אוּיעזד]] פון דער [[בעסאַראַבער גובערניע]] אין דער [[רוסלענדישער אימפּעריע]] (יעצט אין [[אוקראַיִנע]]). ער האָט זיך געלערנט אינעם שטעטל [[כאָטין]]. אַלס דיכטער האָט ער דעביוטירט אין 1919 אין דער קעשעווענער צייטונג "דער מאָרגן". אין 1920 האָט העניך אַקערמאַן עמיגרירט קיין אַמעריקע. ער האָט זיך געדרוקט אין פאַרשיידענע ייִדישע פּעריִאָדישע אויסגאַבעס פון די פאַרייניקטע שטאַטן: "פעדער", "אויפגאַנג", "גרויסער קונדס", "גערעכטיקייט", "אַמעריקאַנער", "פרייער אַרבעטער-שטימע" און "קינדער-זשורנאַל". אין 1932 איז העניך אַקערמאַן געוואָרן אַ מיטאַרבעטער פון דער ניו-יאָרקער צייטונג "[[פאָרווערטס]]", וואוּ ער האָט געפירט די זונטאג-רובריק "שטויגנדיקע געשיכטעס פון אמתן לעבן", צומאָל אונטערן פּען-נאָמען "אַ מאָלינעצער". זינט 1934 האָט העניך אַקערמאַן געאַרבעט אין דער ניו-יאָרקער צייטונג "טאָג".