באַקוקן דעם קאוד פון רבי בן ציון חיים שלמה משולם זושא טווערסקי

{{דעסקריפציע|פערטער הארנסטייפלער רבי, רב פון דענווער (ה'תרפ"ח–ה'תשמ"ב)}}
{{אישיות רבנית
| טיטל = הארנסטייפלער רבי
| געבורט דאטום = [[1928]]
| געבורט ארט = [[קראקא]], [[פוילן]]
| פטירה דאטום = [[1981]]
| השכלה = [[תורה ודעת]]
| תאריך לידה עברי = [[ה' תמוז]] [[ה'תרפ"ח]]
| תאריך פטירה עברי = [[כ"ג תשרי]] [[ה'תשמ"ב]]
| טעטיגקייט ארט = [[דענווער]]
| התחלת פעילות = [[ה'תש"ה]]
| סיום פעילות = [[ה'תשמ"ב]]
| השתייכות = [[הארנסטייפל (חסידות)|הארנסטייפל]]
| טאטע = [[הארנסטייפל (חסידות)#דריטער דור|רבי יעקב ישראל טווערסקי]]
| מאמע = דבורה לאה טווערסקי
| ווייב = לאה הינדא לייפער
| תפקיד1 = {{תפקיד מנהיג
| שם התפקיד = [[הארנסטייפל (חסידות)|הארנסטייפל]]ער רבי
| למניין = פערטער
| התחלת כהונה = [[י' אב]] [[ה'תשל"ג]]
| סיום כהונה = [[כ"ג תשרי]] [[ה'תשמ"ב]]
| הקודם בתפקיד = [[הארנסטייפל (חסידות)#דריטער דור|רבי יעקב ישראל טווערסקי]]
| הבא בתפקיד = זיין ברודער רבי יחיאל מיכל טווערסקי{{ש}}זיין זון רבי מרדכי דוב טווערסקי{{ש}}זיין איידעם רבי שלום שכנא פרידמאן
}}
}}
'''רבי בן ציון חיים שלמה משולם זושא טווערסקי''' ([[ה' תמוז]] [[ה'תרפ"ח]], [[1928]] - [[כ"ג תשרי]] [[ה'תשמ"ב]], [[1981]]) איז געווען דער [[הארנסטייפל (חסידות)|הארנסטייפל]]ער רבי, און רב פון [[דענווער]], קאלאראדא.

==ביאגראפיע==
רבי בן ציון איז געבוירן אין קראקא צו רבי יעקב ישראל טווערסקי, דער דריטער הארנסטייפלער רבי{{הערה|רבי יעקב ישראל איז געווען א זון פון רבי יהודה לייב בן [[רבי מרדכי דוב טווערסקי]], און אן איידעם פון זיין קאזין [[רבי בן ציון האלבערשטאם]] פון [[באבוב (חסידות)|באבוב]] (וועלכער איז אויך געווען אן אייניקל פון רבי מרדכי דוב).}}. מען האט אים א נאמען געגעבן "שלמה משולם זושא", נאך זיינע זיידעס [[רבי שלמה האלבערשטאם (א)|רבי שלמה פון באבוב]], און [[רבי משולם זושא פון האניפאלי]]. ער איז אויפגעוואקסן אין [[מילוואקי]], ווען אין זיין יוגנט האט ער באקומען פריוואטע לעקציעס, און שפעטער האט ער געלערנט אין [[תורה ודעת|ישיבת תורה ודעת]] ביי [[רבי שרגא פייוול מענדלאוויטש]] און [[רבי שלמה היימאן]] וואס האבן אים זייער ליב געהאט. אין ישיבה האט ער אנגעפירט די חבורה פון די [[חסידות|חסיד'ישע]] בחורים. ווען ער איז געווען 18 יאר אלט האט מעיד געווען אויף אים זיין זיידע, רבי בן ציון יהודה לייב, אז ער קען דעם ספר [[עץ חיים (ספר)|עץ חיים]] פון [[רבי חיים וויטאל]] אזוי ווי א איד קען '[[אשרי יושבי ביתך|אשרי]]'.

ער האט חתונה געהאט מיט לאה הינדא, די טאכטער פון [[רבי יוסף לייפער]], [[פיטסבורג (חסידות)|פיטסבורגער]] רבי. אין יאר [[תש"ה]] איז ער אויפגענומען געווארן אלס רב פון [[דענווער]], [[קאלאראדא]]. אום [[ראש השנה]] [[תשכ"א]] איז ער אריינגעפירט געווארן אין שפיטאל צוליב א שווערע קראנקהייט, און ער האט דורכגעמאכט עטליכע אפעראציעס. אין [[יום כיפור]] פון יענעם יאר האבן די צוויי קהילות, אין דענווער און מילוואקי, אים צוגעלייגט א נאמען, אבער צוליב דעם אוממעגליכקייט צו קאָאָרדינירן צווישן זיי זענען צוגעלייגט געווארן צוויי פארשידענע נעמען - "בן ציון" און "חיים"{{הערה|חוץ פון דעם וואס די נעמען זענען מסוגל אויף אריכות ימים, זענען זיי אויך נאך זיינע זיידעס: [[רבי בן-ציון האלבערשטאם]] און [[רבי חיים האלבערשטאם|רבי חיים פון צאנז]].}}. די מחלה האט אים אבער נישט אפגעלאזט ביז צו זיין טויט, איבער צוואנציג יאר שפעטער, און דורכאויס די יארן האט ער געמוזט דורכגיין פיל באהאנדלונגען און אפעראציעס.

אין יענע תקופה, האט ער גענומען אויף זיך די אויפגאבע צו באארבעטן און מסדר זיין די דברי תורה פון זיין זיידן [[רבי מרדכי דוב טווערסקי|רבי מאטעלע הארנסטייפלער]], וועלכע זענען שפעטער געדרוקט געווארן אין ספר "פלא יועץ"{{הערה|{{אוצר החכמה|2=פלא יועץ|3=610931|4=בשער הספר|page=5}}}}. אין 1966 האט ער באזוכט מיט זיין משפחה אין [[ארץ ישראל]], במשך פון 9 חדשים.

נאך די פטירה פון זיין טאטן, אין [[י' אב]] [[ה'תשל"ג]], האט ער - לויט די צוואה{{הערה|דער לשון פון צוואה איז: "אך תהילה לא-ל שיפה כח הבן מכח האב, ושבני הרה"ג והצדיק הר"ר בן ציון חיים שלמה משולם זושא שליט"א כוחו יותר טוב ממני, והוא בחכמתו וביראתו הקודמת ובצדקתו ידע איך לנהל ולהגביר ולהאדיר את תורת החסידות אשר ירשתי מדור דור".}} - איבערגענומען די הארנסטייפלער רבי'סטווע. אויך נאך זיין התמנות האט ער נישט פארלאזט דענווער, און ער האט געשטעלט זיין יונגסטער ברודער רבי מיכל אלס רב אין טאטנ'ס בית מדרש אין מילוואקי.

דורכאויס די יארן האט ער אסאך עוסק געווען צו פארשפרייטן אידישקייט און מחזק זיין בעלי תשובה, ווי אויך האט ער געטון פאר'ן [[כשרות]] פון די [[שחיטה]] אין אמעריקע. ער איז נפטר געווארן אום [[שמחת תורה]] [[ה'תשמ"ב]].

אין יאר תשס"ו האט אן אייניקל געדרוקט דאס ספר "מלכות שלמה", וואס אנטהאלט זיינע דברי תורה און מעשיות אויף אים. א צווייטע און פארברייטערטע דרוק איז ערשינען אין יאר תשע"ו, אין [[לעיקוואוד]].

==ממשיכים==
* זיין יונגערער ברודער רבי יחיאל מיכל האט גע'ירש'נט זייער טאטנ'ס בית מדרש אין מילוואקי. אנהייב האט ער געדינט אלס רב, און נאך זיין ברודער'ס פטירה אויך אלס אדמו"ר.
* זיין זון רבי מרדכי דוב בער טווערסקי פירט א בית מדרש אין [[פלעטבוש]], ער [[קאמפאזיטאר|קאָמפּאָזירט]] אויך פילע ניגונים.
* זיין איידעם רבי שלום שכנא פרידמאן איז הארנסטייפלער רבי אין ארץ ישראל. לאנגע יארן איז ער געווען אין [[סנהדריה]] געגנט אין ירושלים, און אין תשע"ח איז ער אריבער קיין [[ביתר עילית|ביתר]].

== דרויסנדיגע לינקס ==
* זיין ספר {{אוצר החכמה|2=מלכות שלמה|3=609982}}.

== רעפערענצן ==
{{רעפערענצן}}

[[קאַטעגאָריע:המכלול ארטיקלען]]
[[קאַטעגאָריע:צאנז]]
[[קאַטעגאָריע:טשערנאביל]]
[[קאַטעגאָריע:אמעריקאנער רבנים]]
[[קאַטעגאָריע:אמעריקאנער אדמורי"ם]]
[[קאַטעגאָריע:טווערסקי פאמיליע|בן ציון חיים שלמה משולם זושא]]

{{מיון רגיל:טווערסקי, בן ציון חיים שלמה משולם זושא}}

[[he:רבי בן ציון חיים שלמה משולם זושא טברסקי]]