באַקוקן דעם קאוד פון נסכים

{{דעסקריפציע|צוגאב וואס מען ברענגט צוזאמען מיט געוויסע קרבנות}}
{{מצוה אינפאקעסטל
| עשה/לאו = עשה
| מצווים = כהנים
| תקופה = בזמן המקדש
| מקום = בית המקדש
| בין = אדם למקום
| ספר המצוות = נישט
| ספר החינוך = נישט
| בה"ג = מנין הפרשיות, פרשה ל"ו
| מקרא = {{תנ"ך|במדבר|טו|א|טו}}
}}
'''נסכים''' איז די צוגאב וואס מען ברענגט צוזאמען מיט געוויסע [[קרבנות]] וואס באשטייט פון א [[קרבן מנחה|מנחה]] צוזאמגעשטעלט פון זעמל מעל מיט אויל, און וויין. טייל מאל ווערט נאר די וויין אנגערופן "נסכים", און טייל מאל ווערט אזוי אנגערופן די גאנצע צוזאמשטעל פון די מנחה מיט די וויין. די מנחה זעלבסט ווערט צומאל אנגערופן "מנחת נסכים"{{הערה|זעט מנחת חינוך, מצוה רצ"ט אות ב'}}.

דער מקור דערפון איז אין [[פרשת שלח]], אין {{תנ"ך|במדבר|טו|א|טו|לאנג=יא}}. טייל ראשונים רעכענען עס אלס מצוה פון די [[תרי"ג מצוות]]{{הערה|אזהרות לרס"ג, דבור לא תגנוב; מנין המצוות שבהקדמת בה"ג, מנין הפרשיות ל"ו; אזהרות ר"י אלברגלוני, מנין הפרשיות.}}, אבער אנדערע לערנען אז עס איז נאר א פרט אינערהאלב די דינים פון קרבנות{{הערה|ספר המצוות להרמב"ם, שורש י"ב}}.

== באשטאנדטיילן ==
די נסכים באשטייט פון צוויי חלקים:
* איין חלק איז דער מנחה וואס איז צוזאמגעשטעלט פון זעמל מעל אויסגעמישט מיט אויל, דערויף האט מען ארויפגעלייגט זאלץ, און מען האט דאס מקריב געווען אויפן [[מזבח החיצון]]. די [[צדוקים]] האבן געהאלטן אז די מנחת נסכים ווערט אויפגעגעסן, ווי אנדערע מנחות; [[כ"ז חשון|דער טאג]] ווען די חכמים האבן זיי באזיגט און באשטימט אז מען איז עס אינגאנצן מקטיר, איז באשטימט געווארן אלס יום טוב{{הערה|[[מגילת תענית]], [[S:מגילת תענית ח|פרק ח']]}}.
* דער צווייטער חלק איז געווען די וויין, וואס דאס האט מען געגאסן אין איינס פון די צוויי גאלדענע שיסלען וועלכע זענען געליגן אויפן מזבח, און עס איז גערינען אין די לעכער וואס האבן דערגרייכט די [[שיתין]]{{הערה|{{רמב"ם|מעשה הקרבנות|ב|א|מפרש=ראב"ד}}. דער רמב"ם זאגט דארט אז מען האט געגאסן די וויין אויפן "יסוד המזבח" און פון דארט איז עס גערינען צו די שיתין, און די מפרשים אויפן פלאץ זענען צעטיילט צווישן זיך צי דער רמב"ם האלט אנדערש ווי דער ראב"ד אדער ער איז אויך מודה אז מען האט עס געגאסן דורך די גאלדענע שיסלען. זעט אויך {{רמב"ם|מעשה הקרבנות|ז|י}} וואו עס איז משמע אז רמב"ם האלט אויך אז מען האט אלעמאל געגאסן אין די גאלדענע שיסל}}.

אין דעם יום טוב [[סוכות]] איז אויך פארהאן [[ניסוך המים]], דאס איז דאס גיסן וואסער אין די גאלדענע שיסלען ביים מקריב זיין דעם [[קרבן תמיד]]{{הערה|סוכה פ"ד מ"א}}.

=== מאָס ===
דער מאס פון די נסכים טיילט זיך לויט די פארשידענע סארטן בהמות פון וועלכע מען ברענגט דעם קרבן. פאר א קרבן וואס קומט פון שאף און ציגן דארף מען ברענגען איין [[עשרון]] זעמל מעל, א פערטל [[הין]] אויל, און א פערטל הין וויין; פאר א ווידער ברענגט מען צוויי עשרונים זעמל מעל, א דריטל הין אויל, און א דריטל הין וויין; פאר שטירן און קעלבלעך איז דער שיעור דריי עשרונים זעמל מעל, א האלבע הין אויל, און א האלבע הין וויין{{הערה|{{תנ"ך|במדבר|טו}}}}.

איין אויסנאם איז דא, דאס איז דער מנחה פונעם [[מנחת העומר]], וואס כאטש עס קומט פון שאף דארף עס האבן צוויי עשרונים זעמל מעל, א פערטל הין אויל, און א פערטל הין וויין{{הערה|{{רמב"ם|מעשה הקרבנות|ב|ה|מפרש=ראב"ד}}; {{בבלי|מנחות|פט|ב|מפרש=רש"י}}}}. לויט איין שיטה האט עס געדארפט האבן א דריטל הין אויל{{הערה|{{רמב"ם|מעשה הקרבנות|ב|ה}}. זעט אבער אין [[משנה למלך]] אז ער שרייבט אז עס איז אריינגעפאלן א טעות אינעם רמב"ם, און עס דארף שטיין א פערטל הין אויל}}.

=== קוואליטעט ===
עס איז א מצוה צו ברענגען פון די בעסטע קוואליטעט ווייץ, איילבירטן און טרויבן פאר די נסכים, טראץ דעם וואס פון שוואכערע קוואליטעט איז אויך כשר. אין די צייטן ווען דער [[בית המקדש]] איז געשטאנען זענען געווען דעזיגנירטע פלעצער פון העכסטע שטאפל און צווייטע שטאפל קוואליטעט, פון וואו מען האט גענומען די פראדוקטן פאר די נסכים{{הערה|{{משנה|מנחות|ט|ה}}}}. עס זענען אויך געווען נאך פארשידענע פארשריפטן צו פארזיכערען אז די באשטאנדטיילן זענען פון העכסטן קוואליטעט{{הערה|{{משנה|מנחות|ח}}}}. אין בית המקדש איז געווען א ממונה געשטעלט צו קויפן די נסכים און קאנטראלירן זייער קוואליטעט{{הערה|{{משנה|שקלים|ה|א}}}}.

=== סדר פון איינקויפן ===
עס איז געווען דער סדר אין בית המקדש אז דער וואס ברענגט דעם קרבן קויפט די נסכים דערצו אין בית המקדש פון די ממונים{{הערה|{{משנה|שקלים|ה|ד}}}}. דער ממונה פאר וועמען ער האט געצאלט האט אים געגעבן א שטעמפל, וואס איז געווען א שטיקל פארמעט ארויפגעשריבן דערויף די סארט נסכים וואס ער דארף און געשטעמפלט מיטן שטעמפל פונעם ממונה. דעם שטעמפל האט ער געגעבן פאר א צווייטער ממונה, וואס האט איינגעקויפט די מנחות פאר אים און דערנאך איינגעמאנט דאס געלט פונעם ערשטן ממונה. אין א געוויסע צייט האט דער ממונה פון די שטעמפלען געהייסן [[יוחנן בן פינחס]] און דער ממונה איינצוקויפן די נסכים האט געהייסן [[אחיה]], און עס זענען דא וואס זאגן אז זינט דאן האט מען אלע ממונים גערופן אויף זייער נאמען{{הערה|{{משנה|שקלים|ה|א}}; [[ברטנורא]]}}. אויב האט ער געברענגט די נסכים פון זיין היים איז עס כשר און מען פארלאזט זיך אז ער האט עס אפגעהיטן בטהרה{{הערה|{{משנה|חגיגה|ג|ד}}}}.

== קרבנות מיט וועלכע מען ברענגט נסכים ==
יעדע קרבן עולה פון א בהמה און יעדע קרבן שלמים, סיי פון א יחיד און סיי פונעם ציבור ווי צום ביישפיל דער [[קרבן תמיד]], דארפן האבן נסכים. אנדערע סארטן קרבנות, אריינגערעכנט [[עולת העוף]], קומען נישט מיט נסכים. א יוצא מן הכלל זענען דער [[קרבן חטאת]] און [[קרבן אשם]] פון א [[נגעי אדם|מצורע]], מיט וועלכע ער ברענגט יא נסכים{{הערה|{{משנה|מנחות|ט|ו}}}}.

די תנאים קריגן זיך אויב נסכים וואס קומען מיט א קרבן יחיד גייט אן נאר אין ארץ ישראל אדער אויך אין מדבר. [[רבי ישמעאל]] האלט אז דאס גייט אן נאר אין ארץ ישראל, און איז דאס מדייק פונעם אריינפיר צום פרשה "כי תבאו אל ארץ מושבותיכם", וואס איז משמע אז דער מצוה גייט נאר אן "לאחר ירושה וישיבה" דהיינו די 14 פון אייננעמען דאס לאנד און צעטיילן אין די צייטן פון [[יהושע]]. און [[רבי עקיבא]] קריגט און האלט אז דאס גייט אויך אן אין מדבר ווייל מען טרעפט דאס לשון "מושבותיכם"  אויך ביי מצוות מיט וועלכע מ'איז שוין געווען מחוייב אין מדבר, ווי [[שבת]]<ref>{{בבלי|קידושין|לז|א}}; {{בבלי|זבחים|קיא|א}}</ref>. לגבי די נסכים פון קרבנות ציבור איז אנגענומען אויף רוב ראשונים אז זיי זענען אנגעגאנגען אויך אין מדבר.

א מענטש קען מנדב זיין א "מנחת נסכים" אליין אפילו ער ברענגט נישט קיין קרבן, און ער קען זיך דערביי אונטערנעמען סיי וועלכע פון די דריי סארטן מנחות, סיי די מנחה פון שאף, פון ווידער, און פון שטירן און קעלבלעך. אזוי אויך קען א מענטש מנדב זיין בלויז די מאס אויל אדער וויין פון איינע פון די מנחות. עס מוז אבער זיין ווי איינע פון די שיעורים פון נסכים{{הערה|{{בבלי|מנחות|קד|ב}}; {{רמב"ם|מעשה הקרבנות|יב|ה}}}}.

א גוי וואס ברענגט א קרבן עולה ברענגט נישט קיין נסכים, נאר עס ווערט צוגעשטעלט פון די ציבור'ישע קאסע{{הערה|{{רמב"ם|מעשה הקרבנות|ג|ה}}. זעט אבער משנה למלך, דארט, אז א גוי האט יא געקענט ברענגען נסכים אליין און דער רמב"ם מיינט נאר צו זאגן אז אויב ער האט נישט געברענגט ווערט עס צוגעשטעלט פון די ציבור'ישע קאסע}}.

==סדר פון מקריב זיין==
ווען מען ברענגט א קרבן און דערמיט די נסכים, האט מען קודם מקריב געווען די מנחה פון די נסכים און דערנאך האט מען געגאסן די וויין. ווען א מענטש האט מנדב געווען בלויז די נסכים אן קיין קרבן, איז א מחלוקת: די חכמים האלטן אז אויך אין דעם פאל האט מען קודם מקריב געווען די מנחה, ווי דער געווענליכער סדר; אבער רבי האלט אז מען האט קודם געגאסן די וויין, ווייל אין בית המקדש האט מען [[שירת הלויים|געזינגען שירה]] אין די צייט וואס מען האט געגאסן דעם וויין און עס האט דעריבער א חשיבות{{הערה|{{בבלי|מנחות|מד|ב}}. זעט דארט תוספות, דיבור המתחיל כיון, אז עס איז נישט זיכער אז מען האט געזינגען ביים גיסן די וויין וואס קומט אן א קרבן, פארט האלט רבי אז די וויין האט א חשיבות וויבאלד לויט'ן געווענליכן שטייגער זינגט מען דערויף}}.

געווענליך פלעגט מען מקריב זיין די נסכים צוזאמען מיט דער קרבן צוליב וועלכע עס קומט{{הערה|זעט {{משנה|יומא|ב|ג}}, אז ביים מקריב זיין דעם קרבן תמיד האבן צוויי כהנים געטראגן די נסכים דערפון}}. מען קען אבער אויך ברענגען די נסכים ווען עס איז שוין נאכט, אדער עטליכע טעג דערויף{{הערה|{{בבלי|מנחות|מד|ב}}}}.

==לעתיד לבא==
אין די נבואות פון יחזקאל{{הערה|{{תנ"ך|יחזקאל|מג|לאנג=יא}}–{{תנ"ך|1=יחזקאל|2=מו|אן=ספר|לאנג=יא}}}} ווערן דערמאנט שיעורים פון נסכים וועלכע זענען אנדערש ווי עס שטייט אין די תורה. דער רמב"ם ערקלערט אז דאס וועט בלויז זיין ביי די קרבנות המילואים ווען מען וועט באנייען דעם בית המקדש השלישי, פונקט ווי ביים [[חנוכת המשכן]] האבן די נשיאים [[קרבנות הנשיאים|מקריב געווען]] זאכן וועלכע גייען נישט אן לדורות{{הערה|{{רמב"ם|מעשה הקרבנות|ב|יד|טו}}}}. אנדערע ראשונים לערנען אז דאס זענען געווען די נסכים פון די מילואים ווען מען האט באנייעט דעם צווייטן בית המקדש אין די צייטן פון [[עזרא]]{{הערה|{{בבלי|מנחות|מה|א|מפרש=רש"י}}}}. לויט [[רבי אליעזר מבלגנצי]] איז אבער מעגליך אז לעתיד וועט בטל ווערן דער ניסוך היין פון יעדן טאג, און עס וועט נאר בלייבן ביי די קרבנות פון שבת, יום טוב און ראש חודש{{הערה|פירוש רבי אליעזר מבלגנצי אויף יחזקאל מה, יד}}.

==דרויסנדיגע לינקס==
* {{אנצת}}

==רעפערענצן==
{{רעפערענצן}}

{{הקרבנות}}
{{ספר במדבר}}

[[קאַטעגאָריע:בית המקדש]]
[[קאַטעגאָריע:מצוות געטון דורך א כהן]]
[[קאַטעגאָריע:קרבנות]]
[[קאַטעגאָריע:וויין]]
[[קאַטעגאָריע:קרבן מנחה]]
[[קאַטעגאָריע:פרשת שלח]]
[[קאַטעגאָריע:מצוות פון בית המקדש]]
[[קאַטעגאָריע:המכלול ארטיקלען]]
[[קאַטעגאָריע:נסכים]]
[[HE:נסכים (קרבן)]]