באַקוקן דעם קאוד פון דער איד

{{דעסקריפציע|ניו־יארקער סאטמארער אידיש־שפראכיגער צייטונג}}
{{אנדערע באדייט|דאס=אן אנגייענדער אמעריקאנער סאטמארער וואכנשריפט|אנדער=איין פון די צייטשריפטן אין פוילן פארן קריג|זעט=דער יוד (באדייטן)}}
{{עיתון
| שם = דער איד
| תמונה = דער איד לאגא.png
| כיתוב = "ארגאן פון אומאפהענגיגען ארטאדאקסישען אידענטום אין אמעריקע"
| גרינדער = אהרן ראָזמאַרין
| בעלים = [[משה פרידמאן (גבאי)|משה פרידמאן]], יושע הערש פרידמאן
| רעדאקטאר = אהרן פרידמאן
| גרינדונגס דאטום = [[ה'תשי"ג]] ([[1953]])
| שפראך = [[אידיש]]
| לאנד = [[פאראייניגטע שטאטן]]
| וועבזייטל = [http://www.deryid.org/ www.deryid.org]
| סארט = [[וואכנשריפט]]
}}
[[טעקע:דער איד 1959-6-26.jpg|קליין|פאדערזייט פון דער איד, בהעלותך תשי"ט]]
'''דער איד''' איז אן [[פאראייניגטע שטאטן|אמעריקאנע]] [[אידיש]]-שפראכיגע וועכנטליכע [[צייטונג]] וואס איז געגרינדעט געווארן אין תשי"ג (1953) אלס אלגעמיין-ארטאדאקסישע צייטונג, און ווערט היינט ארויסגעגעבן דורך [[סאטמאר (חסידות)|סאטמארער חסידים]] פון [[רבי זלמן לייב טייטלבוים]] ווערנדיג געליינט אין דער ברייטערער אידיש-רעדנדער געמיינדע.

די צייטונג האלט זיך צו דער סאטמארער שיטה און נעמט א שטייפע אנטי-ציונות און אנטי-[[מדינת ישראל]] ליניע. די צייטונג איז הויפטקווארטירט אין [[וויליאמסבורג]], און איז איינגעשריבן ביי די [[איי-אר-עס]] אלס א נאָנפּראפיט "פאַר'ן צוועק פון פאראויסשטיפּן די מאָראַל און אַקטן פון אירע מיטגלידער און ליינער"{{הערה|שם=גיידסטאר}}.

==היסטאריע==
דער איד איז געגרינדעט געוואָרן אין תשי"ג (1953) דורך אהרן ראָזמאַרין אלס ביי-וועכנטליכער צייטונג. ער איז איז פריער געווען א שרייבער אין "[[דער מארגען זשורנאל]]" און האט זיך אפגעזאגט פון אמט{{מקור|סיבה=אין ענגליש וויקי שטייט אז מ'האט אים אפגעזאגט}} נאך וואס זי איז אפגעקויפט געווארן דורך "[[דער טאג]]" - א צייטונג וואס פלעגט ערשיינען אויך אין שבת - פארמירנדיג "דער טאג מארגען זשורנאל"{{הערה|[https://www.nli.org.il/en/newspapers/dertog ארכיוו פון דער טאג] אינעם [[מדינת ישראל נאציאנאלע ביבליאטעק]] וועבזייטל}}. ראָזמאַרין האט באשלאסן אָנצוהויבן אן אייגענע צייטונג.

ראָזמאַרין האָט, אַלס רעליגיעזער שומר מצוות, געפירט קאלומען אויף די ביאָגראַפיעס פון רבנים און אידישע מנהגים בשעת ער האָט געאַרבעט אין דער "מאָרגן זשורנאַל". אונטער זיין השפּעה איז דער איד געווען פאַררעכנט מער סימפּאַטיש צו דער חרדישער אידנטום ווי די אַנדערע גרויסע ייִדישע צייטונגען פון יענער צייט. דער ערשטער רעדאַקטאָר פון דער איד איז געווען דער שרייבער [[אוריאל צימער]], אַרויסגעבער פון אַן אַנטי־ציוניסטישער פּאַמפלעט.

אין 1955, בעת א סאטמארער פראטעסט אינעם מאנהעטן צענטער קעגן אויפשטעלן א נאכט-קלוב אין ירושלים, האט דער קראסנא רבי, הרב הלל ליכטענשטיין, עפנטליך צעריסן א קאפי פון דער מארגען-זשורנאל אלס א סימן פון אומצופרידנהייט פון איר פרא-ציוניסטישער שטעלונג. ראָזמאַרין האָט געענטפערט מיט אַפּלאָדיסמענטן. ער האט עווענטועל פארקויפט דער איד פאר סאטמארער אַקטיוויסטן, אריינגערעכנט [[סענדער דייטש]].

דער סאטמארער רבי, [[רבי יואל טייטלבוים]], איז דאן געווארן דער ליניע-שטעלער פון דער איד, איר פעסט איינשטעלנדיג אלס קאָנסערוואַטיוו-חסידישע און אַנטי-ציוניסטישער צייטונג, אין דער קנאישער נאַטור פון סאַטמאַר{{הערה|"בוצינא קדישא" חלק ב' דף 258. זכרונות על ידי [[סענדער דייטש]].}}. ער האָט אַמאָל באשטעטיגט אַן אַפּיעל פאַר פינאַנציעלע ביישטייערונגען צו דער צייטונג אין דער נאַכט פון [[יום-כיפור]], אַלס אַ קעגנערוואָג צו פּראָ-ציוניסטישע פינאַנציעלע אַפּיעלן, וואָס פלעגן פאָרקומען יום-כיפור.

אין יענע תקופה איז די צייטונג ערשינען יעדע צוויי וואכן. דער סאטמארער רבי האט באשטימט [[בערל פרידמאן]], [[ליפא פרידמאן]]'ס זון, אלס הויפט רעדאקטאר פון די צייטונג. ער פלעגט ברענגען די השקפה ארטיקלען צום סאטמארער רבי'ן דורכצוקוקן איידער'ן דריקן{{הערה|{{כיכר השבת|ישראל כהן|אבל בסאטמר: הרב ישכר דוב פרידמן ז"ל|147920|יולי 24, 2014}}}}. די צייטונג איז געדרוקט געוואָרן איבער 40 יאָר אין סענדער דייטש'נס 'דייטש פּרינטינג'.

אריגינעל געווידמעט כמעט אויסשליסליך צו רעליגיעזע נייעס, האט די צייטונג אין תשל"ב (1972) אונטער די פירערשאַפט פון [[חיים משה שטויבער]] צוגעלייגט ברייטע דעקונג פון וועלט-געשעענישן, כדי בעסער צו קאנקורירן מיט אנדערע יידישע צייטונגען פון וועמענס ציוניסטישע שטעלונגען די סאטמארער אידן זענען אוועקגעשטאנען{{הערה|{{קישור כללי|אדרעס=https://forward.com/forverts-in-english/459220/what-is-der-blatt-the-hasidic-newspaper-that-hid-news-of-a-massive-super/|קעפל=Der Blatt, the Yiddish paper that hid a massive wedding|זייטל=The Forward|דאטום=אקטאבער 3, 2020}}}}. זינט דאַן האט עס אנגעהויבן ארויסקומען בקביעות יעדער סוף וואך, ביז תש"פ ווען עס האט אנגעהויבן צעשפּרייט ווערן [[מיטוואך]], אנשטאט [[דאנערשטאג]]{{הערה|[https://ahblicklive.com/post.php?u_id=M39nqFJlAqMqQFWCCDi דער איד'ס מעלדונג אז עס וועט אנהייבן ערשיינען אין די געשעפטן [[מיטוואך]]]}}.

די צייטונג האָט געדינט בערך 40 יאָר אַלס די איינציגע חרדישע צייטונג אין אַמעריקע, ביז ווען [[אברהם פרידמאן]], וועלכער האָט געדינט אלס רעדאַקטאָר פון דער צייטונג, האָט פאַרלאָזט די רעדאַקציע אין תשמ"ו (1986) און געגרינדעט '[[די צייטונג]]' וואָס נעמט אַן אומפארטייאישער צוגאַנג און איז כאַראַקטעריזירט מיט ברייטערע פּאָליטישע דעקונג ווי דער איד.

זינט דער שפּאַלטונג אין סאַטמאַר אין תש"ס, איז די צייטונג אונטער דער קאָנטראָל פון דעם אינגערן זון פון [[רבי משה טייטלבוים]], [[רבי זלמן לייב טייטלבוים|רבי זלמן לייב]], ווערנדיג געפירט דורך זיין גבאי [[משה פרידמאן (גבאי)|משה פרידמאן]]{{הערה|שם=גיידסטאר|[https://pdf.guidestar.org/PDF_Images/2019/112/833/2019-112833881-17254866-9.pdf 2019 פאָרם 990] אויף גיידסטאר}}, און שפעטער דורך זיין זון יושע הערש. חסידים פונעם ברודער, [[רבי אהרן טייטלבוים|רבי אהרן]], האָבן געגרינדעט אַ קאָנקורירנדן צייטונג, '[[דער בלאט]]'.

צום יאר תשע"ו איז די צייטונג איבערגעפרישט געווארן מיט אירע גראפיקס און צוגעלייגט נייע אפטיילונגען{{הערה|{{בחדרי חרדים||לקראת השנה החדשה: 'דער איד' עבר מתיחת פנים|185718|סעפטעמבער 12, 2015}}}}.

==פאַרשפּרייטונג, אייגנשאפטן און רעדאַקציע==
דער איד ווערט וועכנטליך פאַרקויפט אין צענדליגער טויזנטער עקזעמפּלארן. די צייטונג פובליצירט אויך אַ טעגליכע אויסגאַבע אויף אימעיל, וועלכע האָט, לויט איר וועבזייטל, בערך 15,000 אבאנענטן.

ווי אנגענומען אין דער חרדישער פּרעסע, פּובליצירט נישט די צייטונג קיינע בילדער פון פרויען, און צענזורירט פרעמדע-קולטור און ספּאָרט נייעס. די צייטונג נעמט אויך א שארפע ליניע קעגן [[מדינת ישראל]] און [[ציוניזם]], און די סארט נייעס איז אפט איר הויפט נייעס{{הערה|{{כיכר השבת|ישראל כהן|עצרת הענק נגד גזירת הגיוס: שערי העיתונים של סאטמר קוראים להשתתף באירוע|118248|יוני 6, 2013}}}}. אויך ווערט אפט געדריקט קעגנערישע ארטיקלען קעגן די חרדישע [[פארטיי]]ען אין מדינת ישראל, ווי [[אגודת ישראל]] - די "אגודיסטן" - און אנדערע באוועגונגען וואס זי אידענטיפיצירט אלס ציוניסטישע, און זייערע צייטונגען{{הערה|{{כיכר השבת|ישראל כהן|סאטמר נגד ליצמן: "ערך "מעמד חנופה" לראש הכופרים"|236562|יוני 24, 2017}}}}, געשריבן אפטמאל אין א שפאטישער און סארקאסטישער סטיל{{הערה|{{כיכר השבת|ישראל כהן|מכתבם של הרבנים בארה"ב שעורר את נושא 'גזירת הגיוס'|234219|יוני 4, 2017}}; {{בחדרי חרדים|משה ויסברג|בסאטמר הורידו דמעה על לכתו של הרב לייזרזון|1069689|יאנואר 19, 2020}}; {{כיכר השבת|ישראל שפירא|ה'עידית' של אמריקה וה'זיבורית' של ישראל|360698|מאי 20, 2020}}; {{כיכר השבת|ישראל כהן|סאטמר תוקפת: "יהדות התורה חתמה הסכם עם נער מופקר"|169827|אפריל 30, 2015}}}}. אין אנהייב פלעגט דער איד, ביים דערמאנען מדינת ישראל, ארומנעמען די ווערטער מיט שפעטנדע ציטאט צייכענעס, א זאך וואס האט זיך מיט די צייט אויפגעהערט.

פון די אנדערע זייט הייבט די צייטונג ארויס קהלות און קרייזן אין ארץ ישראל וואס נעמען א קנאי'שע ליניע, ווי די [[פלג הירושלמי]] פון [[רבי שמואל אויערבאך]], און רומען זייערע כינוסים{{הערה|{{כיכר השבת|ישראל כהן|סאטמר מחבקת את הפלג הירושלמי: "עשו קידוש ה'"|166727|מערץ 19, 2015}}}}.

אין דער צייטונג ווערן געדריקט אלע נייעס און מעלדונגען פון אינערהאלב דער סאטמארער קהילה פון רבי זלמן לייב{{הערה|{{בחדרי חרדים||החטא ועונשו: בסאטמר מתנצלים על המסכים|808541|יוני 23, 2017}}; {{בחדרי חרדים||כשהדער איד הסאטמרי מצטט את 'בחדרי'|200134|פעברואר 5, 2016}}}}, אבער זי האלט זיך צוריק פון פובליצירן בילדער פון אים אליין, אין איינקלאַנג מיט זיין ווילן{{הערה|{{כיכר השבת|ישראל כהן|סאטמר: העיתון פרסם התנצלות בפני הרבי|130333|דעצעמבער 9, 2013}}; {{בחדרי חרדים||'דער איד' הפר הוראה של פטרונו - ומיד התנצל|747633|דעצעמבער 9, 2013}}}}. דער צייטונג דעקט אויך סכסוכים צווישן די צוויי סאטמארער הויפן{{הערה|{{כיכר השבת|ישראל כהן|מאבק שליטה בין עסקני חצרות סאטמר על מתחם בית החיים|288026|אוגוסט 19, 2018}}; {{בחדרי חרדים|יוסי שטארק|השכונה הישראלית שמציתה מלחמה בין החסידיות הגדולות בעולם|1378761|אפריל 30, 2022}}}}.

די צייטונג פארמאגט אפטיילונגען אויף נייעס און פאליטיק, ביזנעס און פינאנץ, קהלות און מוסדות, תורה, פאמיליע און יוגנט, און בילדער. פון צייט צו צייט ערשיינט ספעציעלע צוגאבן, ווען מערסטנס אינהאלט האט שייכות צום סאטמארע חסידות{{הערה|{{JDN|אלי בן דוד|השבוע ב'דער איד': שיחה מרתקת עם האדמו"ר מויז'ניץ מונסי על הרה"ק מסאטמאר|107101|אוגוסט 10, 2012}}}}.

דער היינטיגער הויפט-רעדאַקטאָר פון דער צייטונג איז אהרן פרידמאן, און דער עדיטאריעל ווערט געשריבן דורך [[משה יודא דייטש|משה יודא (לייב) דייטש]]. אין דער רעדאַקציע ציילן זיך אויך שמואל אהרן דייטש (א זון פון סענדער דייטש); זיין זון, וואָלף דייטש; [[הערשל פרידמאן]], א ברודער פונעם הויפט רעדאקטאר, וועלכער שרייבט אונטער די פּענע-נעמען "פ. הירש", "באבד" און אַנדערע נעמען.

צווישן די געוועזענע רעדאקציע מיטגלידער, ציילן זיך: אוריאל צימער; בערל פרידמאן; סענדר דייטש; לייבוש לעפקאוויטש; אברהם פרידמאן; [[חיים משה שטויבער]], איר הויפט-רעדאקטאר ביז תשס"ז{{הערה|{{בחדרי חרדים|משה ויסברג|בד"ה: הפובליציסט והמנחה של סאטמר הלך לעולמו|1096973|מאי 4, 2020}}}}; מענדל בינער{{הערה|{{בחדרי חרדים|משה ויסברג|לאחר מחלה: הסופר ומשב"ק הרבי הלך לעולמו|1427966|אוגוסט 17, 2022}}}}; און [[יצחק ווייס]] פון ירושלים{{הערה|{{בחדרי חרדים||הפגנת הפייק: בעל קו נייעס עוכב לחקירה; אחרים ירדו למחתרת|866314|נאוועמבער 29, 2017}}}}.

==קאָנטראָווערסיע==
אין יאר [[תשמ"ג]] האט די צייטונג געדרוקט א שארפן ארטיקל קעגן [[רבי מנחם מענדל שניאורסאהן|דעם ליובאוויטשער רבי'ן]]. אין [[ה'תשמ"ה]] האט דער ליובאוויטשער רבי, ביי א פארברענג, נאכן אויסרעכענען א רייע טענות קעגן דער צייטונג אן עס דערמאנען ביים נאמען, אויסגערופן: "וויבאלד דאס ליינען זייערע 'צייטונגען' קען פירן צו אומגעוואונטשענע רעזולטאטן, איז דאך דאס ליינען אן איסור גמור!"{{הערה|{{היברובוקס|2=תורת מנחם התוועדויות תשמ"ה|3=16004|page=211|קעפל=יום ב' דחג השבועות|באנד=ד}}}}. אין אן אנדער פריוואטער געלעגנהייט, האט דער ליובאוויטשער רבי אנגערופן דעם צייטונג "דער איד וואס איז אנטקעגן מיר"{{הערה|{{קישור כללי|אדרעס=https://col.org.il/news/82376|קעפל=מצמרר: כשהרבי אמר על חסיד שהוא "מבוגר"|זייטל=חב"ד אונליין|דאטום=כ"ז ניסן ה׳תשע״ד|שפראך=he}}; {{קישור כללי|אדרעס=https://col.org.il/files/old/pics/inbox/4522974_3694378.pdf|שרייבער=יוסף אשכנזי|קעפל=קונטרס בקדש פנימה|עמודים=44-45}}}}.

אין סיון [[תשנ"ג]] איז פובליצירט געווארן אין דער איד א בריוו פון רבנים אין שטיצע פון הרב [[שלמה העלבראנץ]] און זיין קהילה [[לב טהור]], וועלכע איז שפעטער באוואוסט געווארן אלס א [[קולט]]{{הערה|{{בחדרי חרדים||המסע של הלברנץ|813006|יולי 12, 2017}}}}.

אין די 2016 פרעזידענט וואלן האט די צייטונג אין אן ארטיקל אינדארסירט [[הילערי קלינטאן]], וויבאלד זי האט געהאלפן אידן{{הערה|{{כיכר השבת|ישראל כהן|סאטמר רוצה אישה בנשיאות ארצות הברית: "קלינטון ידידתנו"|197315|אפריל 14, 2016}}}}.

אין ניסן [[תשע"ט]], אינמיטן די [[קאוויד-19 פאנדעמיק]], האט די צייטונג פובליצירט אן אנאנימע גאסט עדיטאריעל איבערגעזעצט אויף [[ענגליש]], אראפרייסנדיג די אנטי-וואקסערס{{הערה|{{קישור כללי|אדרעס=https://nypost.com/2019/04/12/yiddish-newspaper-publishes-editorial-to-support-vaccinations-amid-measles-outbreak/|שרייבער=Reuven Fenton און Yaron Steinbuch|קעפל=Yiddish newspaper publishes editorial to support vaccinations amid measles outbreak|זייטל=New York Post|דאטום=אפריל 12, 2019}}}}{{הערה|{{קישור כללי|אדרעס=https://www.theyeshivaworld.com/news/headlines-breaking-stories/1713691/historic-satmar-paper-der-yid-publishes-editorial-in-english-blasting-anti-vaxxers.html|קעפל=HISTORIC: Satmar Paper "Der Yid" Publishes Editorial in ENGLISH Blasting Anti-Vaxxers - The Yeshiva World|זייטל=The Yeshiva World|דאטום=מערץ 4, 2019}}}}, און האט אויך פובליצירט אן אפיציעלע פארדאמונג קעגן א פארזאמלונג{{הערה|{{קישור כללי|אדרעס=https://www.theyeshivaworld.com/news/general/1732534/williamsburg-satmar-kehilla-condems-handler-for-remarks-made-at-anti-vax-event-rebbe-says-everyone-must-vaccinate.html|קעפל=Williamsburg Satmar Kehilla Condemns Handler's Remarks at Anti-Vax Event; Rebbe Says Everyone MUST Vaccinate - The Yeshiva World|זייטל=The Yeshiva World|דאטום=אפריל 4, 2019}}}}.

==דרויסנדיגע לינקס==
*{{אתר רשמי|http://www.deryid.org/}}
*[http://yiddaily.org/eng-yiddaily/index.php "טעגליכער דער איד"] וועבזייטל
*{{אייוועלט|35328|דער איד}}
*[https://derbay.org/index.php/der-bay-yiddish-anglo-newsletter/ ארכיוון פון "דער איד" פון יאר 1991 און ווייטער]
*{{טוויטער|deryid}}

==רעפערענצן==
{{הערות שוליים}}

{{אידישע צייטונגען}}

{{גרונטסארטיר:איד}}
[[קאַטעגאָריע:פרומע צייטונגען]]
[[קאַטעגאָריע:סאטמאר]]
[[קאַטעגאָריע:אמעריקאנער אידנטום]]
[[קאַטעגאָריע:צייטונגען אין אידיש]]
[[קאַטעגאָריע:המכלול ארטיקלען]]
[[קאַטעגאָריע:וועכנטליכע אויסגאבעס]]
[[he:דער איד]]