באַקוקן דעם קאוד פון איך וועל דיר ראטעווען

{{דעסקריפציע|אידישע היסטארישע פיקציע בוך}}
{{ספר
| בילד = איך וועל דיר ראטעווען.jpg
| סוג = היסטארישע פיקציע
| דורך = זכריה האפמאן
| תאריך הופעה ראשונה = תשס"ו
| תורגם לשפות = עברית, ענגליש
}}
"'''איך וועל דיר ראטעווען'''" איז א היסטארישער [[ראמאן]], אין וועלכן עס ווערט געשילדערט די געשעענישן פון די לעצטע תקופה פאר דער גאולה פון [[אוראלט מצרים|מצרים]], אנגעהויבן פון דער [[גלות מצרים|שווערער קנעכטשאפט]] ביז נאך [[יציאת מצרים]], אריינגערעכנט דעטאלירטע שילדערונגען פון דאס לעבן בשעת די [[צען מכות]]. די מעשה ווערט דערציילט דורך די אויגן פון א אידיש אינגל, קודרי, וואס ווערט פארכאפט און אדאפטירט דורך א מצר'ישער פאמיליע און ווערט אויפגעצויגן ווי א מצרי. דורך דעם וואס דאס קינד ווערט נישט אפעקטירט פון די מכות ווערט ער שפעטער געוואויר זיין אידישע אפשטאם.

דער פארפאסער האט בכוונה אויסגעמיטן צו שילדערן פונדערנאנט [[משה רבינו|משה]] און [[אהרן הכהן|אהרן]], און זיך בעיקר געהאלטן צום געשיכטע פון די פשוט'ע אידן און מצריים. דאס בוך איז געשריבן אין א פליסיגן און רייכן אידיש, כמעט אן קיין לשון-קודש ווערטער, ניצנדיג אפט דיאלאגן, און איז באזירט אויף פסוקים, מדרשים, זוהר און פארשידענע מפרשים, וואס ווערן צוגעצייכנט אין די מקורות צום סוף פונעם בוך.

דאס בוך איז ערשינען אין יאר תשס"ו אונטער'ן [[פסעוודאנים]] "זכריה האפמאן", געגלייבט צו זיין אן אמעריקאנע פרוי, וועלכע האט אויך פארפאסט דעם בוך "איך וועל געדענקען" וואס שילדערט דעם [[חורבן בית ראשון]] און [[בנין בית שני]] אויפ'ן זעלבן סטיל, און "צוויי וועלטן" איבער [[אנוסים]] אין סאנטא דאמינגא (ערשט ערשינען אלס פארזעצונג-סעריע אין די [[מעלות (מאגאזין)|מעלות]] אויסגאבע).

"איך וועל דיר ראטעווען" האט געהאט א ווארעמע אויפנאמע ביי די ליינער, וואס האבן עס געלויבט פאר זיין רייכן אינהאלט, לעבעדיגע שילדערונגען, און פראפעסיאנעלן שריפט. ספעציעל איז דאס בוך געלויבט געווארן פארן צושטעלן א פרישן בליק אויף די געשעענישן פון יציאת מצרים, און העלפן דעם ליינער מקיים זיין דעם פליכט פון "חייב אדם לראות את עצמו כאילו הוא יצא ממצרים". עס איז שפעטער ערשינען אויף [[ענגליש]] מיטן נאמען "Dual Discovery", און אויף [[עברית]] אלס "קורמו - מסע הגאולה". אין אן ארטיקל אין דער [[נטורי קרתא]] אויסגאבע "החומה" איז דאס בוך קריטיקירט געווארן פארן נוצן א [[ראמאן]]-פארמאט פון אויסגעטראכטע מעשיות און פאנטאזיע צו שילדערן די ניסים פון יציאת מצרים.