באַקוקן דעם קאוד פון רוי:לעסאטא

{{ מדינה
| שטאַט = קעניגרייך פון לעסאָטאָ{{ש}}''Muso oa Lesotho''
| פאן בילד = {{#property:p41}}
| סימבאל בילד =  Coat of arms of Lesotho.svg
| מאפע = locationLesotho.svg
| באשרייבונג = פלאצירונג פון לעסאטא אין אפריקע
| מאטא = 
| זינגליד =  
| קאנטינענט = [[אפריקע]]
| אפיציעלע שפראך = [[ענגליש]], [[סעסאטא]]
| באפעלקערונג צאל = 2,067,000
| וועלט גראדונג באפעלעקרונג = 144
| באפעלקערונג ענגקייט = 68.1
| הויפטשטאט = [[מאסערו]] <small>{{coord|29|28|S|27|56|E|display=inline}}</small>
| פלאך מאס = 30,355 
| וועלט גראדונג פלאך = 140
| פראצענט וואסער = נישטיק
| פראדוקט ווערדע = $4.064 ביליאן
| גרינדונג דאטום = [[4טן אקטאבער]], [[1966]]
| קאנטראלע = [[פארלאמענט]]ארישע {{ש}}[[קאנסטיטוציאנאלע מאנארכיע]]
| ראש מלוכה טיטל = קעניג
| ראש מלוכה = לעציע דער דריטער 
| פרעמיער מיניסטער =
| וואלוטע = [[לעסאטא לאטי]]
| צייט זאנע = 2+ [[UCT]]
| טעלעפאן קאד = 266
| אינטערנעט דאמיין = ls
}}
'''לעסאָטאָ''',([[ענגליש]]: Lesotho)  אפיציעל די '''קעניגרייך פון לעסאָטאָ''' איז א קליין [[פארלאמענט]] [[מאנארכיע]] לאנד אין דרום [[אפריקע]]. זי איז [[איינגעשלאסן לאנד|אינגאנצן ארומגענומען]] מיט [[דרום אפריקע]], דאס איינציקע לאנד וואס עס גרענעצט. דער שטח פונעם לאנד איז 30,000 קוואדראט ק"מ.

די הויפטשטאט איז [[מאסערו]]. אין 2009 איז די באפעלקערונג געווען געשאצט צו 2,067,000.

לעסאטא איז א מיטגליד אין דער [[קאמאנוועלט]].

לעסאטא איז שטיל און פארשטיפט, כמעט דורכזיכטיג אויף די וועלט'ס ארענע. זי איז אבער אויך זייער אייגנארטיג‏.‏ ווי א יעדע אנדערע מדינה אויף אונזער כדור, בארימט זיך די אפריקאניש לענדל מיט אירע פארשידענע אינטערסאנטע אייגנארטיגע שטריכן. אבער זי באזיצט אויך איין אייגנארטיג פיעטשער וואס מאכט איר אייגנארטיש אייגנארטיג.

לעסאטא איז גאר קליין, קוים א [[חמץ|חמצ]]יג ווייצל אויף א 10 אינטשיגע [[גלאבוס|גלאוב]]. אבער דאס מאכט איר נאכנישט אייגנארטיג. זי איז טאקע קלענער פון [[שווייץ]], אבער אויך פונקט אזוי גרויס-קליין ווי [[בעלגיע]], דער הויפטקוואטיר פון די בריטיש-לאזע [[EU]]. זי איז אויך היפש גרעסער פון מיני [[ליכטנשטיין]] און מייקרא [[מאנאקא]], ביידע וועלט-בארימט מיט זייער העפליכע הכנסת אורחים פאר משפחת [[ראטשילד]] והמסתעף.

דאס אז די צווייט-אפיציעלע שפראך אין לאנד איז [[ענגליש]] איז אויך נישט קיין חידוש. פילע אפריקאנע לענדער – ווי אויך אמעריקע, [[קאנאדא]], [[אויסטראליע]], און נאך ‏– באניצן זיך מיט ענגליש אלץ איר שפראך. דאס איז נאך שריים פון די יארן ווען [[גרויס בריטאניע]] מיט איר פראפעסיאנאל-אנשטעלנדע אינגליש עקסענט האט געהערשט אויף עולם האלבע. די אפיציעלע שפראך אין לעסאטא איז "סעסאטא", די לשון פון די עטנישע אנשי "בעסאטא", וואס מאכן אויס דאס רוב מנין ובנין מתושבי לעסאטא יצ"ו. די סעסאטא שפראך איז אבער אויך דער סעמי-אפיציעלער שפראך אין אנדערע מדינות אין די געגענט.‏

דאס שווארץ לענדל איז געבענטשט מיט א נישקשה'דיגע [[קארופציע]] אינדעסטרי, גארנישט ווינציגער ווי די שכנות'דיגע [[זימבאבווע]] אדער די ווייטע [[באליוויע]]. אבער א קרייז ארום אונזער וועלטל דערמאנט אונז אז די יעניגע זענען ווייט קיין יחידים במינם. מיר וועלן געמוטליך אויסווארטן די דאזיגע שפע זאל אויפהערן פליסן דארטן, פילייכט דאן וועט זי זיך קענען באקרוינען אלץ אייגנארטיג אין דעם הינזיכט.‏

לעסאטא איז א [[בערג]]יג לאנד; איר נידעריגסטע ארט איז א רעקארד 4,593 פיס העכער די [[ים פלאך]]. טאקע אינטערעסאנט. אבער אז מען רעדט פון בערג, ווי קומט זי נאנט בכלל צו [[נעפאל]] מיט אירע [[הימאלייע|הימעלייענישע]] הימל קראצערס, די אמעריקאנע [[קעניאנס]] הענקים, אדער די אטעם-פארכאפנדע [[שווייצע בערג|שווייצע טורעמעס]].

דער איצטיגער מלך פון ‏די קינגדאם אוו לעסאטא איז דער הויכגעשעצטער מיסטער "דוד מאהאטוי בערענג סיאיסוי", אפיציעל "זיין מאיעסטעט לעטסי דער דריטער", ה' ירים הודו. זיין קעניגליכע שטוהל איז כולו צערעמאניעל; עס טראגט בערך די געוויכט ווי דער ישראל'ישן פרעזידענט [[רובי ריבלין]], אדער דער קרוין פרינץ פון [[סוואזילאנד]], א טראהן וואס שטייט שוין ליידיג פאר פילע יארן כן ירבו. ‏

לעסאטע פארמאגט אבער נאך איין אייגנארטיג אוצר, אן ענין וואס מען געפונט נישט ביי קיין שום אנדערע מדינה (חוץ ביי צוויי קליינע כמו-לענדער): דער אפריקאנער לעסאטא איז די איינציגסטע לאנד אויף די מאפע וואס זיצט נישט ביים ים [[בארטן]] – ער איז ארומגענומען מיט יבשה מכל הצדדים, און פארט פארמאגט ער נאר איין [[גרעניץ]], דער גרעניץ מיט [[דרום אפריקע]]. אין אנדערע ווערטער, די גאנצע לעסאטא איז גענצליך איינגעשפארט אין דרום אפריקע, כאילו דרום אפריקע איז דער [[בייגל]] און לעסאטא איז דער לאך. דער רייזענדער קיין לעסאטא ווייסט אז דער איינציגער וועג אריין אין צום דריטן-וועלט לענדל איז דורך דרום אפריקע; דער טראפיק אריין אין לאנד ווערט גענצליך קאנטראלירט דורך זיי.

== וועבלינקען ==
{{קאמאנסקאט|{{#property:p373}}}}
[https://www.ivelt.com/forum/viewtopic.php?f=73&t=31208 לעסאטא! (מי מנוחות #10)] אויף [[אייוועלט]]

{{אפריקע}}
[[קאטעגאריע:אומבאקוקט]]
[[קאטעגאריע:אויף יידיש]] 
{{קרד/ויקי/יידיש}}