באַקוקן דעם קאוד פון אייוועלט

{{דרעפט}}
<!-- הייבט אן רעדאגירן אונטער די שורה -->


'<nowiki/>'''אידישע וועלט'''' (ivelt.com) איז א [[אינטערנעט פארום|פארום וועבזייטל]] אויף די אידישע שפראך, געגרינדעט געווארן דורך חסידי'שע יונגעלייט וועלכע שטרעבן צו גיין אין די ערליכע וועגן פון זייערע עלטערן און מנהיגים, מיט'ן ציל אוועקצושטעלן א ריין ארט וואו היימישע אידן זאלן קענען פארברענגען אויף אן ערליכן שטייגער, און צו יעדע צייט טרעפן א גוט ווארט, מיטהאלטן נייעס און אנטוויקלונגען פון ארום די וועלט, ליינען א שטיקל היסטאריע, הנאה האבן פון א זאפטיגע ארטיקל, און געפינען עצות און הילף אויף יעדן הינזיכט פונעם לעבן<ref>{{לינק|אדרעס=https://www.ivelt.com/forum/app.php/rules|קעפל=תקנות|זייטל=אייוועלט}}</ref>.
{{וועבזייטל
| שם = אידישע וועלט
| שם בשפת המקור = 
| סוג = פארום
| תאריך ההקמה = 2006
| מייסדים = קרעמער, ארענדאר
| מנכ"ל = וויכטיג מאכער
| אתר אינטרנט = ivelt.com
| שפות תכנות = אידיש
}}
==איבערזוכט==
די "היימישע קרעטשמע" איז געגרינדעט געווארן אין יאר [[רוי:2005|2005]], אלס א באזונדער פארום אפטיילונג, אויפ'ן [[הייד פארק (וועבזייטל)|היידפארק וועבזייטל]] דורך א באנוצער (ניק) גערופן [[קרעמער]]<ref>{{לינק|אדרעס=https://www.ivelt.com/forum/viewtopic.php?t=20343|שרייבער=קרעמער|קעפל=אינטערוויא מיט'ן מייסד הקרעטשמע "קרעמער"|זייטל=אייוועלט}}</ref>. אין יענע יארן זענען אמעריקאנער חסידישער יונגעלייט געווען היבש אקטיוו אויף היידפארק, בעיקר איבער די טעמעס אינערהאלב די [[רוי:סאטמאר מחלוקת|חסידישע פאליטיק]], וואס זענען געווען באזירט אויף [[רוי:לשון הרע|לשון הרע]] און [[רוי:מחלוקת|מחלוקות]]. דער ניק קרעמער האט דעריבער באשלאסן צו עפענען א ווינקל אין היידפארק וואס זאל זיין אוועקגעשטעלט אויף פארברענגען און שמועסן געשמאק, אן קיין צוטריט פאר מחלוקת און אנדערע אומגעוואונטשענע זאכן.   [[טעקע:Ivelt logo.png|קליין|אייוועלט לאגא]]

אין יאר [[רוי:2006|2006]] איז די "היימישע קרעטשמע" אריבער צו אן אייגענעם וועבזייטל<ref>{{לינק|אדרעס=http://www.heimishekretchme.com/|קעפל=היימישע קרעטשמע|זייטל=}}</ref>. דער אדמין פונעם סייט האט זיך גערופן מיט'ן ניק נאמען "arender"<ref>{{לינק|אדרעס=https://www.ivelt.com/forum/viewtopic.php?p=4#p4|קעפל=ברוכים הבאים|שרייבער=arender|זייטל=אייוועלט|דאטום=דאנערשטאג יוני 22, 2006 10:37 pm}}</ref>. ער האט באזירט דעם סייט אויף די בחינם'דיגע [[PhpBB|PHPBB]] סאפטוועיר, און געעפנט אן אייגענעם [[דאמעין]] [http://www.heimishekretchme.com/ heimishekretchme.com].    

מיט א יאר שפעטער [[רוי:2007|2007]] איז דער סייט איבערגעפרישט געווארן, מ'האט געטוישט דעם נאמען אויף "אידישע וועלט" און אריבערגעפירט צום דאמעין [http://www.yiddishworld.com/ yiddishworld.com]. אין יענע צייט האט מען צוגעלייגט נאך טיילן צום וועבזייטל, אחוץ דעם פארום, עס האט פארמאגט [[רוי:נייעס|נייעס]] און בילדער אפטיילונגען, און א [[רוי:וויקי|וויקי]]. מיט די צייט האט מען צוגעלייגט א פארקירצטער דאמעין [https://Ivelt.com ivelt.com], וואס האט שפעטער איבערגענומען אלע אנדערע דאמעינס.    

אום [[רוי:יולי 21|יולי 21]] [[רוי:2008|2008]] האט דער וועבזייטל געקראכט און דער גאנצער [[רוי:סערווער|סערווער]] איז חרוב געגאנגען, עד היום איז נישט קלאר וואס איז געווען די סיבה דערצו, טייל שפעלאציעס זאגן אז ס'איז געווען אינערליכע סאבאטאזש. למעשה האט מען באוויזן א גרויס חלק דערפון צוריקצוברענגען<ref>{{לינק|אדרעס=https://www.ivelt.com/forum/viewtopic.php?p=362350#p362350|שרייבער=arender|קעפל=מיר זענען צוריק אפען + סך הכל|זייטל=אייוועלט|דאטום=מוצ"ש אוגוסט 07, 2010 9:22 pm}}</ref><ref>{{לינק|אדרעס=https://www.ivelt.com/forum/viewtopic.php?t=11725|שרייבער=arender|קעפל=וואס איז געווען, וואס גייט אי"ה זיין + וויכטיגע אינפארמאציע|זייטל=אייוועלט|מידע נוסף=|דאטום=מיטוואך יולי 28, 2010 11:26 am}}</ref>. אין יענעם [[דעצעמבער]] האט מען אריבערגעפירט דעם סייט צו א נייעם איבערגעפרישטן פלאטפארמע<ref>{{לינק|אדרעס=https://www.ivelt.com/forum/viewtopic.php?t=12698|שרייבער=arender|קעפל=אלעס איבער דאס איבערבוי פונעם סייט.|זייטל=אייוועלט|דאטום=זונטאג דעצעמבער 12, 2010 11:19 pm}}</ref>, וואס האט בלויז פארמאגט דעם פארום אפטיילונג. זינט דאן האט מען איינגעפירט פארשידענע זיכערהייט מאסנאמען אז ס'זאל נישט נאכאמאל פאסירן. 

אום זונטאג תרומה [[רוי:ה'תשפ"ג|תשפ"ג]] איז דער סייט אריבער א גיגאנטישער אפדעיט<ref>{{לינק|אדרעס=https://www.ivelt.com/forum/viewtopic.php?t=60676|שרייבער=arender|קעפל=וועבזייטל אפדעיט זונטאג תרומה תשפ"ג באריכט|זייטל=אייוועלט|דאטום=זונטאג פעברואר 19, 2023 11:10 am}}</ref>, וואו מען האט אפדעיטעד דעם סייט אויף דעם לעצטן ווערסיע פון phpbb, און צוגעלייגט א צאל פונקציעס, צווישן דעם א [[לייק|לייק קנעפל]] זיך צו באדאנקען פאר קאמענטארן וואס מען גלייכט<ref>{{לינק|אדרעס=https://www.ivelt.com/forum/viewtopic.php?p=4129730#p4129730|שרייבער=אידישע וועלט|קעפל=ברוכים הבאים - סך הכל פונעם אפדעיט|זייטל=אייוועלט|דאטום=זונטאג פעברואר 19, 2023 1:02 pm}}</ref>. עטליכע חדשים שפעטער אין צוזאמענהאנג מיט'ן [[מהפיכה|מהפיכה-רעוואלוציע קאמפיין]], האט מען אריינגעלייגט נאך פארשידענע פונקציעס צו מאכן באקוועמער דעם סייט<ref>{{לינק|אדרעס=https://ivelt.com/forum/viewtopic.php?p=4319435#p4319435|שרייבער=מהפיכה קאמפיין|קעפל=מהפיכה קאמפיין - נאטיצן ביכל|זייטל=אייוועלט|דאטום=מיטוואך מאי 17, 2023 2:13 pm}}</ref>. 

צו קענען שרייבן אויף אייוועלט ברויכט מען זיין רעגיסטרירט, ביים זיך איינשרייבן דארף מען אויסוועלן א ניק-נאמען וויאזוי מען גייט גערופן ווערן, און ענטפערן א זיכערהייט פראגע, דאן דארף מען ווערן אנגענומען דורך איינער פון די מנהלים פונעם סייט.  

===פאפולאריטעט===
אייוועלט האט זיך ארויסגעשטעלט צו זיין דער מערסט פאפולערער [[רוי:אינטערנעט פארום|פארום זייטל]] ביים אידיש-רעדנדער חרדי'שן עולם. כאטש טייל וועלן דאס קאטעגאריזירן אלס [[סאציעלע מידיע]]<ref>{{לינק|אדרעס=https://www.ivelt.com/forum/viewtopic.php?p=3049584#p3049584|שרייבער=הלבלר בקולמסו|קעפל=קען אייוועלט פאררעכנט ווערן אלס סאשעל מידיע???|זייטל=אייוועלט|דאטום=מיטוואך אקטאבער 06, 2021 12:10 am}}</ref>, טוט דאס נישט זיין קיין אפהאלט פון זיך צו באנוצן דערמיט, וויבאלד עס פארמאגט נישט די פילע פראבלעמען פון די אלגעמיינע מידיע, זינט עס פארמאגט א שטרענגע צענזור סיסטעם, וואס לאזט נישט לופטערן סיי וועלכע חומר עס איז נישט פאסיג פאר א חרדי'שער איד. 

.   אויסער דעם איז פארהאן א ריזן צאל פון ידיעות און אינהאלטסרייכע חומר וואס האט זיך צאמגעזאמלט במשך די יארן.

כהיום זענען פארהאן נאנט צו 15,000 איינגעשריבענע באנוצער אויף אייוועלט. שוין פארהאן איבער 4 מיליאן תגובות און נאנט צו 60,000 אשכולות אין סך הכל<ref>{{לינק|אדרעס=https://www.ivelt.com/forum/index.php#:~:text=%D7%A1%D7%98%D7%90%D7%98%D7%99%D7%A1%D7%98%D7%99%D7%A7%D7%A1|קעפל=סטאטיסטיק|זייטל=אייוועלט}}</ref>. די מערסטע צאל באנוצער אויף איינמאל איז געווען אום מאנטאג [[רוי:אקטאבער 9|אקטאבער 9]], [[רוי:2023|2023]] 2:54 pm, ווען עס איז געווען 1399 באנוצער אויפ'ן סייט, דאס איז געווען באלד נאך די שוידעליכע [[רוי:2023 מדינת ישראל–חאמאס קריג|כאמאס אטאקע]] אויף [[רוי:ארץ ישראל|ארץ ישראל,]] וואס האט געצויגן די אינטערעסע פון אלע אידן איבער די וועלט. (דאס איז אויסער וואס איז איינמאל געווען 2432 באנוצער אויפאמאל, אין רעזולטאט פון אן אטאקע נאכ'ן ארויסשטעלן א געליעקטע נייעס פון [[רוי:רוסלאנד|רוסלאנד]]<ref>{{לינק|אדרעס=https://www.ivelt.com/forum/viewtopic.php?p=3382882#p3382882|שרייבער=קנאפער ידען|קעפל=מערסטע צאל וואס זענען אמאל געווען אריינגעסיינט:|זייטל=אייוועלט|דאטום=פרייטאג פעברואר 25, 2022 4:26 pm}}</ref>).
די גרויסער פאפולערקייט פון אייוועלט ברענגט אז געוויסע [[פירמע|פירמעס]] און [[עסקן|עסקנים]] זאלן שפירן פאר וויכטיג ארויפצוקומען אויף אייוועלט צו פארטרעטן זייערע אינטערעסן און זיך אויסקלארן מיט'ן עולם. עטליכע רעדנער פון [[רוי:קול מבשר|קול מבשר]] פירן זיך אויסצודעבאטירן זייערע רעדעס אויף אייוועלט<ref>אליעזר קרויס, אין אשכול [https://www.ivelt.com/forum/viewtopic.php?p=1669506#p1669506 אקטועלע אנאליזן מיט הרב אליעזר קרויס-קול מבשר,] אויף אייוועלט. 

משה שפיצער, אין אשכול [https://www.ivelt.com/forum/viewtopic.php?p=4490029#p4490029 ידיעות און פליאות מיט ר' משה שפיטצער], אויף אייוועלט.</ref>. דער באקאנטער זינגער ליפא שנמעלצער איז ארויפגעקומען אדרעסירן זיין נייעם אלבום און די קאמענטארן דערויף<ref>{{לינק|אדרעס=https://www.ivelt.com/forum/viewtopic.php?p=3395878#p3395878|שרייבער=ליפא שמעלצר|קעפל=ערשטמאליגע אפנהארציגע בריוו, ליפא שמעלצר צו אייוועלט|זייטל=אייוועלט|דאטום=מיטוואך מארטש 02, 2022 5:19 am}}</ref>. 

טראצדעם, וועט דאס אין געוויסן מאס געהאלטן ווערן פנימי, און מען וועט נישט רעדן דערפון אין פובליק, ווען א [[בעל דרשן]] אדער [[רעדנער]] דערמאנט ברבים דעם נאמען אייוועלט אדער א ניק-נאמען פון איינע פון די באנוצער, ווערט דערפון א [[סענזאציע]]. 

===ראנגען===
די באנוצער אויף אייוועלט ווערן באטיטלט מיט א ראנג לויט די צאל תגובות וואס זיי האבן געשריבן, צוערשט ווערט מען גערופן אנשי שלומינו, דערנאך שר העשר, שר החמישים, שר מאה אא"וו<ref>{{לינק|אדרעס=https://www.ivelt.com/forum/app.php/help/faq#f1r7|קעפל=אפט געפרעגטע פראגעס|זייטל=אייוועלט}}</ref>. פארהאן אן אייגנשאפט צו קאנגראטולירן די וואס גייען ארויף א ראנג<ref>{{לינק|אדרעס=https://www.ivelt.com/forum/viewtopic.php?p=370#p370|קעפל=מזל טוב פאר אונזערע מערסטע שרייבערס|זייטל=אייוועלט}}</ref>, ווי אויך וועלן געוויסע ביישטייערן פאר אייוועלט אן ארטיקל וכדו' לרגל דעם ראנג העכערונג<ref>{{לינק|אדרעס=https://www.ivelt.com/forum/viewtopic.php?p=2183510#p2183510|שרייבער=ארחיקה נדד|קעפל=99999 סינדראם!|זייטל=אייוועלט|דאטום=זונטאג מאי 10, 2020 5:37 pm}}</ref>.  

די הנהלה קען אויך שענקען פאר איינעם אן אייגנארטיגן טיטל אלס הכרת הטוב פאר זיין באשטייערונג צום סייט. די באנוצער וועלן צומאל קאמפיינען דערויף, ווען זיי האלטן אז עמיצער פארדינט א ספעצילן טיטל. 

מזמן לזמן וועט פארקומען וואלן אויסוועלן איינע פון די באנוצער אלס [[רוי:ראש הקהל|ראש הקהל]]. דער ראה"ק פארמאגט נישט קיין שום ספעציעלע רעכטן, עס איז בלויז פאר אינטערהאלטונגס צוועקן<ref>{{לינק|אדרעס=https://ivelt.com/forum/viewtopic.php?p=39603#p39603|שרייבער=קרעטשמער|קעפל=~~שטאטוטן איבער די ראש הקהל וואלן (ריווייזט)~~|זייטל=אייוועלט|דאטום=דאנערשטאג מאי 10, 2007 12:48 pm}}</ref>. באזונדער קומט פאר בעפאר חודש אדר וואלן אויפצונעמען א [[פורים רב]]. דער פ"ר וועט באקומען דעם טיטל, און א ספעציעלע קאליר אויף זיין ניק.ער ברויך צושטעלן פרייליכע סחורה פאר אלע ליינער דורכאויס דעם פרייליכן חודש. 

===אייוועלט קאודס===
במשך די יארן האבן זיך אנטוויקלט א צאל קאוד ווערטער וואס זענען בלויז פארשטענדליך פאר די אייוועלט באנוצער, און זענען נישט באנוצט אין די אלגעמיינע אידישע שפראך. צום ביישפיל: '''צ"ק''' - איז אקראנים פאר "צום קעפל", ווען א שמועס פארפארט פונעם קעפל פונעם אשכול, און שרייבט עפעס וואס באציעט זיך צום קעפל, און נישט צום פריערדיגן שמועס. '''זיראנץ''' - א צאמשטעל פון "זערא טאלעראנץ". דער באגריף איז געשאפן געווארן דורכ'ן מנהל [[יאנאש]], און ווערט באנוצט צו באצייכענען אן אשכול וואס ווערט שטרענגער אינפארסירט ווי אין אלגעמיין. '''מחישי''' - א מעסעזש וואס מען באקומען פונעם אחראי, ווען עפעס וואס מ'האט געשריבן ווערט פארמעקט. צאמשטעל פון "מחיקה אישי". '''אהאנגז"א''' - א פאפולערע אשכול מיט'ן קעפל "איך האב אייך נאר געוואלט זאגן אז:"<ref>{{לינק|אדרעס=https://www.ivelt.com/forum/viewtopic.php?p=524214#p524214|קעפל=איך האב אייך נאר געוואלט זאגן אז:|זייטל=אייוועלט}}</ref>. און אזוי ווייטער.  

עס איז פארהאן א ספעציעלער אשכול אויף אייוועלט, וואו מען קען אנפרעגן איבער די באדייט פון די פארשידנארטיגע קאודס<ref>{{לינק|אדרעס=https://www.ivelt.com/forum/viewtopic.php?p=990823#p990823|קעפל=אייוועלט קאודס...|זייטל=אייוועלט}}</ref>. 

==תקנות און צענזור==
די אידישע וועלט פארומס פארמאגט א רייע תקנות און רעגולאציעס, און עס ווערט געפירט מיט א שטרענגע צענזור, כדי דאס פלאץ זאל זיין אויסגעהאלטן על פי תורה און גלייכצייטיג באקוועם פאר אלע מיטגלידער. די תקנות זענען מחייב אלע באניצער פונעם סייט, און אויף א פארלעצונג קען מען ווערן אויסגעשפארט<ref>{{לינק|אדרעס=https://www.ivelt.com/forum/app.php/rules|קעפל=תקנות|זייטל=אייוועלט}}</ref>. 

די תקנות נעמען אריין אז מען זאל נישט שרייבן איבער פריוואטע מענטשן, נישט אריינגיין אין שמועסן וואס גרעניצן זיך מיט [[רוי:לשון הרע|לשה"ר]] און [[רוי:שאנדע|הלבנת פנים]], נישט לייגן קיין [[רוי:פרוי|בילדער פון פרויען]], און אומאויסגעהאלטענע לינקס. די תקנות ווערן אינפארסירט דורך די מנהלים און אחראים אויפ'ן סייט, וואס פארמאגן די מעגליכקייט צו פארריכטן און פארמעקן תגובות, און אויסשפארן באנוצער. 

דער סאמע קאנטראווערסיאלער תקנה איז אז אזויווי די פארוואלטער פון דעם פלאץ געהערן צו [[רוי:סאטמאר (חסידות)|סאטמאר]], דארף אלעס וואס ווערט געשריבן זיין אויסגעהאלטן לויט די שיטה פון [[רוי:רבי יואל טייטלבוים|הרה"ק מ'סאטמאר זי"ע]]. און ס'איז נישט ערלויבט צו שרייבן [[רוי:ציוניזם|ציונות]], שרייבן אויף [[רוי:העברעאיש|העברעאיש]], און באריכטן פאליטישע נייעס פון [[מדינת ישראל]]<ref>{{לינק|אדרעס=https://www.ivelt.com/forum/app.php/rules#section-2|קעפל=תקנה 2|זייטל=אייוועלט}}</ref>. גאר א שטארקע דגוש ווערט געלייגט זיך צו האלטן נוטראל און נישט זיך מישן אינערהאלב די מחלוקת פון חסידות'ן, ובפרט די [[רוי:סאטמאר מחלוקת|סאטמארע פאליטיק]]. טראצדעם זענען כסדר פארהאן קעגנזייטיגע באשולדיגונגען אז די הנהלה איז גענויגט מער צו איין זייט.

טייל באנוצער קענען זיך צומאל אפרעדן אויף די שטרענגע צענזור אינפארסירונג, און עס קומט פאר כסדר'דיגע דעבאטעס מיט די מנהלים איבער דעם<ref>{{לינק|אדרעס=https://www.ivelt.com/forum/viewtopic.php?t=16787|קעפל=אפענע שמועס איבער די צענזור פון אייוועלט|זייטל=אייוועלט}}</ref>. אבער מערסטנס באנוצער זענען איינשטומיג אז עס מוז זיין א געוויסער צענזור צו האלטן דעם סייט אין די ראמען. 

אין יאר [[רוי:ה'תשע"ב|תשע"ב]] האבן א צאל אקטיווע באנוצער פון אייוועלט, זייענדיג אויפגעברויזט אויף די שטרענגע צענזור, אפגעלאזט דעם סייט, און זענען אריבער צו אן אייגענעם [[רוי:אינטערנעט פארום|פארום]] מיט'ן נאמען [[רוי:קאווע שטיבל (וועבזייטל)|קאווע שטיבל]]. א פיל ווייניגער אקטיווער סייט, וואו עס איז ערלויבט צו לייגן בילדער פון נשים, און שרייבן ליבעראלע און אפיקורס'ישע געדאנקען, רוב היימישע פילטערס לאזן נישט קיין צוטריט דערצו.

אין יאר [[רוי:2023|2023]] האבן עטליכע באנוצער וואס באלאנגען צו חסידי [[רוי:רבי אהרן טייטלבוים|מהר"א מ'סאטמאר]] געהאלטן אז די הנהלה פירט זיך נישט יושר'דיג מיט זיי, און האבן געגרינדעט א נייעם פארום [[אידטיש]], וואס איז ווייניגער שטרענג מיט צענזורירן די שמועסן ארום חסידות און פאליטיק<ref>{{לינק|אדרעס=https://forum.yidtish.com/viewtopic.php?t=1480|קעפל=אידטיש - צייט פאר התבוננות|זייטל=אידטיש}}</ref>. דער [[משומר|משומר פילטער]] וואס באלאנגט צו [[רוי:רבי זלמן לייב טייטלבוים|מהרי"י]], טוט נישט ערלויבן צוטריט דערצו<ref>{{לינק|אדרעס=https://forum.yidtish.com/viewtopic.php?p=79130#p79130|קעפל=אלעס ארום פילטערינג פירמעס אנבאלאנגט אידטיש|זייטל=אידטיש}}</ref>, דערפאר איז דער סייט געווענליך מער גענויגט מער צו צד מהר"א.

===גילוי===
גאר א הארבע פארלעצונג איז די נושא פון גילוי. אזויווי רוב באנוצער באהאלטן זייער אידענטיטעט און שרייבן אונטער א שלייער פון א ניק, און זענען נישט מסכים ארויסקומען עפנטליך ווער זיי זענען, איז גאר שטרענג אינפארסירט די רעכט פון די שרייבער צו בלייבן אין געהיים. אויב איינער פובליצירט פריוואטע דעטאלן פון א צווייטער באנוצער, אדער פרובירט צו דערגרינטעווען א צווייטנ'ס אידענטיטעט ווערט זיין אקאונט אויסגעשפארט פאר אייביג<ref>{{לינק|אדרעס=https://www.ivelt.com/forum/viewtopic.php?p=185002#p185002|שרייבער=סאכדעס|קעפל=ארור מכה רעהו בסתר|זייטל=אייוועלט|דאטום=מיטוואך יאנואר 07, 2009 12:13 am}}</ref>. 

טראץ די אלגעמיינע אטמאספערע צו שרייבן בלויז מיט א ניק-נאמען, זענען פארהאן א קליינע צאל באנוצער וואס זענען יא גרייט ארויפצוקומען מיט זייער אמת'ע אידענטיטעט, א שטייגער ווי [[רוי:אליעזר קרויס|אליעזר קרויס]] פון [[רוי:קול מבשר|קול מבשר]], [[יואל קליין|הרב יואל קליין]], [[ארי גרינפעלד]] פון [[גרינטאטש]] טעק. פירמע, און נאך. 

==אפטיילונגען==
דער אייוועלט סייט איז אייגעטיילט אין א צאל אפטיילונגען, עס פארמאגט א נייעס אפטיילונג<ref>{{לינק|אדרעס=https://www.ivelt.com/forum/viewforum.php?f=182|קעפל=נייעס|זייטל=אייוועלט}}</ref>, וואו עס ווערט געלופטערט אלע נייעס אידישע און וועלטליכע אויף א רעגלמעסיגער פארנעם. לויט טייל קאמענטירער פארמאגט אייוועלט א שנעלערע ראטע פון ברענגען קראנטע נייעס פון סיי וועלכע אנדערע קוואל אויף די אידישע שפראך. א גרויס טייל פון די פאפולאריטעט פון אייוועלט איז צו פארדאנקען די פארגעשריטענע נייעס קוואל. ביי די [[קריג פון רוסלאנד אין אוקריינע|קריג פון רוסלאנד און אוקריינע]] איז אייוועלט ארויף א שטאפל מיט'ן ברענגען פליסיגע נייעס פונעם פראנט, דאן האט מען איינגעפירט אפצוטיילן די נייעס פון די קאמענטארן. די אוקריינע קריג אשכול האט גענאסן פון גאר א שטארקע נאכפאלגערשאפט פאר א לענגערע תקופה. 

קרעטשמע

פארברענגען

תורה

אינטערהאלטונגס

יעזורו

==פראיעקטן==
===מורשת חכמי אמעריקא===

===הוצאות ספרים ד'אייוועלט===

===אויסגאבעס===

===אייוועלט סידי פראדוקשאן===

===תחיית המתים קאמפיין===

===רעוואלוציע קאמפיין===

===פארמעסטן===
אייוועלט-לאגא פארמעסט!<ref>{{לינק|אדרעס=https://www.ivelt.com/forum/viewtopic.php?t=8183|קעפל=אייוועלט-לאגא פארמעסט!}}</ref>

===אינפראסטרוקטור===

==דרויסנדיגע לינקס==
מפתח אויף אייוועלט סייט, [https://www.ivelt.com/forum/viewtopic.php?t=51132 לקוטי בתר לקוטי - רעים'ס מפתחות] דורך רעים, מאנטאג נאוועמבער 15, 2021 3:51 pm

[[רוי:ליפא שמעלצער|ליפא שמעלצער]] אדערסירט אייוועלט, [https://www.ivelt.com/forum/viewtopic.php?t=53564 ערשטמאליגע אפנהארציגע בריוו, ליפא שמעלצר צו אייוועלט], דורך ליפא שמעלצר, מיטוואך מארטש 02, 2022 5:19 am

[https://www.ivelt.com/forum/viewtopic.php?p=2574794#p2574794 אייוועלט נייעס פון טאג], אויף אייוועלט
==רעפערענצן==
{{רעפערענצן}}