באַקוקן דעם קאוד פון מסכת בבא מציעא

{{דרעפט}}
{{דעסקריפציע|צווייטע מסכתא פון סדר נזיקין}}
{{מסכתא
| name = בבא מציעא
| בילד = VilniusShasVol19Cover.jpg
| image_size = 200
| קאפציע = מסכת בבא מציעא, [[דפוס ראם]]
| סדר = [[סדר נזיקין|נזיקין]]
| משניות = 101
| פרקים = 10
| בבליבלעטער = 118
| ירושלמיבלעטער = 37
| תוספתא = 11
| פריער = [[מסכת בבא קמא|בבא קמא]]
| קומענדיגער = [[מסכת בבא בתרא|בבא בתרא]]
}}
'''בָּבָא מְצִיעָא'''{{הערה|אין כתב יד ליידן פון [[תלמוד ירושלמי]] הייסט די מסכתא "בבא מ'''י'''צעא.}} ("מיטלסטער טויער") איז דער צווייטער חלק פון [[מסכת נזיקין]] וואס הייבט אן [[סדר נזיקין]], דער פערטער סדר אין [[משניות]]. דער חלק באהאנדלט בעיקר געלט טענות וועלכע נעמען זיך נישט פון שאדנס וואס דער צווייטער האט געטון, ווי די הלכות פון [[השבת אבידה|אבידה ומציאה]], [[ארבעה שומרים|שומרים]] און זייער אחריות, [[הלוואה|הלוואות]], [[אונאה]], [[ריבית]] און [[דינגען|שכירות]].

די דרייסיג פרקים פון מסכת נזיקין ווערן איינגעטיילט אין דריי, צען פרקים פער חלק, ווען [[מסכת בבא קמא|בבא קמא]] (ערשטער טויער) ווערט נאכגעפאלגט מיט בבא מציעא (מיטלסטער טויער) און [[מסכת בבא בתרא|בבא בתרא]] (לעצטער טויער); יעדער פון די חלקים ווערט אבער אויך באטראכט ווי א [[מסכתא]] פאר זיך.

בבא מציעא איז איינגעטיילט אין צען פרקים, וואס אין זיי 101 משניות. עס האט א [[גמרא]] אין [[תלמוד בבלי]], וואס אנטהאלט 118 דפים אין די אנגענומענע [[צורת הדף]], און אין [[תלמוד ירושלמי]].

==ארט אין סדר נזיקין==
דער [[רמב"ם]] ערקלערט{{הערה|[[פירוש המשניות פונעם רמב"ם|פירוש המשניות]], הקדמה}} אז דער חלק קומט נאך די [[דיני נזיקין]] פון בבא קמא, אויפן זעלבן סדר ווי די תורה דערמאנט אין [[פרשת משפטים]] די הלכות פון די שומרים נאך די פארשידענע היזקות.

==פרקים און אינהאלט==
<ol style="list-style-type: hebrew;">
<li>'''שנים אוחזין''' – די הלכות פון צעטיילן א מציאה ווען צוויי מענטשן טענה'ן זיך צו וועמען עס געהערט, נאכפאלגנדיג מיט פעלער ווען א מענטש איז נישט ריכטיג זוכה אין א מציאה און עס גייט דעריבער פאר א צווייטן, אדער ווען דער זכות פון זיינע מציאות באלאנגט פאר אן אנדערן (ווי א קנעכט פאר זיין האר). דער פרק פירט אויס מיט פארשידענע טענות וועלכע קענען אויפקומען צוליב דעם אינהאלט פון א געפונענער שטר (ווי א שטר חוב וואס איז מעגליך שוין אפגעצאלט), אריינגערעכנט ווען א מענטש טרעפט אן אומבאקאנטער שטר צווישן זיינע אייגענע דאקומענטן. דער פרק פארמאגט אכט משניות{{הערה|דער צאל פון משניות אין אלע פרקים לויט ווי געדרוקט אין [[דפוס ראם]], ווילנא תרפ"ט. אין אנדערע דרוקן קען עס זיין אנדערש איינגעטיילט.}}.</li>
<li>'''אלו מציאות''' – דער פרק געבט זיך אפ מיט די דינים פון [[השבת אבידה]]: וועלכע מציאות א מענטש קען נעמען פאר זיך און וועלכע ער דארף אויסרופן, וויאזוי מען רופט אויס, וויאזוי זיך אפצוגעבן מיט די מציאה זייענדיג א שומר אבידה, און וויאזוי מען געבט עס צוריק. דרך אגב ווערן אויך אויסגעשמועסט די הלכות פון [[פריקה וטעינה]]. דער פרק שליסט זיך מיט פארשידענע דילעמעס ווען א מענטש דארף העלפן סיי זיין טאטן און סיי זיין רבי'ן און באשטימט ווער עס קומט פריער. דער פרק פארמאגט עלף משניות.</li>
<li>'''המפקיד''' – די הלכות פון א פקדון און דער שומר דערפון: פאר וועמען דער גנב באצאלט די קנס; דער דין ווען עס איז אומקלאר פאר וועמען דער פקדון געהערט אדער וויפיל דער פקדון איז געווען; וואס צו טון ווען דער פקדון ווערט קאליע, און וויפיל פארלוסט דער שומר קען אראפרעכענען ביים צוריקגעבן דעם פקדון; וואס ער קען טון מיט דעם פקדון און וויאזוי ער דארף עס היטן. דער פרק פירט אויס מיט די הלכות פון [[שליחות יד]]. דער פרק פארמאגט צוועלף משניות.</li>
<li>'''הזהב''' – דער פרק הייבט אן מיט די פראגע וואס הייסט [[געלט]] קעגן עפעס אנדערש, און די הלכות פון [[קנין משיכה]]. דערנאך ווערן אויסגעשמועסט די הלכות פון [[אונאה]], בארירנדיג אויך [[אונאת דברים]]. דרך אגב ווערן דערמאנט די שיעורים ביי פארשידענע געלט אנגעלעגנהייטן, ווי דער שיעור פון [[שוה פרוטה]] און דער שיעור פון [[חומש (הלכה)|חומש]] וואס דארף צוגעלייגט ווערן ביי געוויסע צאלונגען. דער פרק פארמאגט צוועלף משניות.</li>
<li>'''איזהו נשך''' – דער פרק געבט זיך אינגאנצן אפ מיט די דינים פון [[ריבית]], אריינגערעכנט פעלער וואו דער איסור גייט אן אויך ווען עס איז נישט קיין פאראויס-באשטימטע צינזן. דער פרק פארמאגט עלף משניות.</li>
<li>'''השוכר את האומנין''' – דער פרק הייבט אן מיט געדונגענע פאכלייט וועלכע האבן פארטוישט דעם פרייז אדער צוריקגעצויגן. עס זעצט דערנאך פאר מיט די הלכות ווען איינער האט זיך באניצט מיט א געדונגענע בהמה נישט לויט די באדינגען. צום שלוס ווערט ערווענט אז א פאכמאן הייסט א [[שומר שכר]] אויף די חפץ אויף וועלכע ער ארבעט, און דרך אגב אויך די שמירה וואס קומט פאר א [[משכון]]. דער פרק פארמאגט אכט משניות.</li>
<li>'''השוכר את הפועלים''' – אנגעהויבן מיט געדונגענע ארבעטער, זייער צייט פון ארבעט און דאס עסן וואס ווערט זיי צוגעשטעלט. עס ווערט דאן אויסגעשמועסט דער חיוב פון לאזן אן ארבעטער עסן פון זיין ארבעט. דערנאך ווערט אויסגערעכנט די פיר שומרים און די חילוקים צווישן זייערע חיובים, ובפרט וואס טייטשט אן אונס. דער פרק שליסט זיך מיט די הלכה ווען א שומר האט זיך אויסגענומען צו האבן די דינים פון א צווייטער סארט שומר, און דרך אגב עטליכע יסודות פון [[תנאי|תנאים]] בכלל. דער פרק פארמאגט עלף משניות.</li>
<li>'''השואל את הפרה''' – דער ערשטער האלב פרק ענדיגט צו די הלכות פון שומרים, הויפטזעכליך פון א [[שואל]], און טענות וועלכע קענען זיך מאכן צווישן דער שומר און אייגנטימער ווען עס איז נישט קלאר וואס האט פאסירט. דרך אגב ווערן דערמאנט ענליכע ספיקות צווישן א פארקויפער און און קונד, ווען עס איז נישט קלאר ווען אדער וועלכעס איז פארקויפט געווארן. דער צווייטער האלב פרק איז געשטעלט איבער שכירות פון הייזער - וואס דער משכיר דארף צושטעלן, ווען ער קען ארויסשטעלן דעם שוכר, און וויאזוי מען רעכנט דאס געצאלט פאר'ן [[אדר א'|חודש העיבור]]. דער פרק פארמאגט ניין משניות.</li>
<li>'''המקבל שדה מחבירו''' – די דינים צווישן אן אריס אדער קבלן און דער אייגנטימער פון דער פעלד. דער פרק גייט דערנאך אריבער צום חיוב צו [[ביומו תתן שכרו|צאלן אן ארבעטער אויף צייט]] און די איסורים פארבינדן מיט נעמען א משכון. דער פרק פארמאגט דרייצן משניות.</li>
<li>'''הבית והעלייה''' – דער פרק באהאנדלט די הלכות בנוגע א באדן וואס געהערט צו צוויי מענטשן ב[[שותפות]], א טעמע וואס ווערט פארברייטערט אין די קומענדיגע מסכתא. דרך אגב ווערן בארירט פעלער אין וועלכע זאכן פון א מענטש קומען אן צום רשות פון א צווייטן אדער צום [[רשות הרבים]]. דער פרק פארמאגט זעקס משניות.</li>
</ol>

==תלמוד בבלי==
קינדער וועלכע הייבן אן לערנען [[גמרא]], איז פארהאן א מסורת אנצוהייבן מיט פרק "אלו מציאות" פון די מסכתא צוליב עטליכע טעמים{{הערה|{{היברובוקס|2=קובץ קול התורה|3=49006|page=110|קעפל=על דרכי החינוך של תשב"ר|באנד=סא|שנת הוצאה=ניסן תשס"ו}}}}. ווי די אנדערע בבות איז בבא מציעא א פאפולערע "[[ישיבה]] מסכתא", און אויך דארט ווערט אנגעמערקט אז פאר יונגע תלמידים איז בבא מציעא בעסער ווי בבא קמא, צוליב וואס אירע סוגיות זענען מער קורץ און פארשידן{{הערה|[[רבי מרדכי שלמה פרידמאן]], געברענגט אין: שנות חיים, חלק א' עמוד 128.}}.

ביי [[חסידים]] איז אנגענומען אז לערנען די מסכתא איז [[סגולה|מסוגל]] פאר [[פרנסה]] און עשירות{{הערה|{{היברובוקס|2=נפלאות הסבא קדישא|3=3716|page=36|באנד=ב}}}}, און בפרט דער פרק "הזהב"{{הערה|הליכות קודש, טבת תשס"ט עמוד 14, בשם [[רבי חיים האלבערשטאם]].}}.
===פראמינענטע סוגיות===
{{טורים
| תוכן =* [[שנים אוחזין בטלית]]{{הערה|{{בבלי|בבא מציעא|ב|א|אן=מסכת}}}}
* הילך{{הערה|{{בבלי|בבא מציעא|ג|א|אן=מסכת}}}}
* [[תקפו כהן]]{{הערה|{{בבלי|בבא מציעא|ו|א|אן=מסכת}}-{{בבלי|בבא מציעא|ז|א|אן=מסכת}}}}
* רכוב ומנהיג{{הערה|{{בבלי|בבא מציעא|ח|ב|אן=מסכת}}}}
* מגביה מציאה לחבירו{{הערה|{{בבלי|בבא מציעא|י|א|אן=מסכת}}}}
* [[קנין ארבע אמות]]{{הערה|{{בבלי|בבא מציעא|י|א|אן=מסכת}}}}
* [[קנין חצר]]{{הערה|{{בבלי|בבא מציעא|יא|א|אן=מסכת}}}}
* [[עדיו בחתומיו זכין לו]]{{הערה|{{בבלי|בבא מציעא|יב|ב|אן=מסכת}}}}
* [[יאוש שלא מדעת]]{{הערה|{{בבלי|בבא מציעא|כא|ב|אן=מסכת}}}}
* [[זקן ואינה לפי כבודו]]{{הערה|{{בבלי|בבא מציעא|ל|א|אן=מסכת}}}}
* [[שומר שמסר לשומר]]{{הערה|{{בבלי|בבא מציעא|לו|א|אן=מסכת}}}}
* [[תחילתו בפשיעה וסופו באונס]]{{הערה|{{בבלי|בבא מציעא|לו|ב|אן=מסכת}}}}
* [[קנין חליפין]]{{הערה|{{בבלי|בבא מציעא|מה|ב|אן=מסכת}}}}
* [[קנין כסף]]{{הערה|{{בבלי|בבא מציעא|מז|ב|אן=מסכת}}}}
* תגרי לוד{{הערה|{{בבלי|בבא מציעא|נ|א|אן=מסכת}}}}
* חילול מעשר שני{{הערה|{{בבלי|בבא מציעא|נב|ב|אן=מסכת}}}}
* [[דבר שיש לו מתירין]]{{הערה|{{בבלי|בבא מציעא|נג|א|אן=מסכת}}}}
* [[צד אחד בריבית]]{{הערה|{{בבלי|בבא מציעא|סג|א|אן=מסכת}}}}
* [[סאה בסאה]]{{הערה|{{בבלי|בבא מציעא|עה|א|אן=מסכת}}}}
* בעל חוב קונה משכון{{הערה|{{בבלי|בבא מציעא|פב|א|אן=מסכת}}}}
* קביעות למעשר{{הערה|{{בבלי|בבא מציעא|פז|ב|אן=מסכת}}}}
* [[אמירה לנכרי]]{{הערה|{{בבלי|בבא מציעא|צ|א|אן=מסכת}}}}
* [[ברי ושמא]]{{הערה|{{בבלי|בבא מציעא|צז|ב|אן=מסכת}}}}
* [[ממון המוטל בספק חולקים]]{{הערה|{{בבלי|בבא מציעא|ק|א|אן=מסכת}}}}
* [[יורד לנכסי חברו שלא מדעתו]]{{הערה|{{בבלי|בבא מציעא|קא|א|אן=מסכת}}}}
* [[אסמכתא (קנין)|אסמכתא]]{{הערה|{{בבלי|בבא מציעא|קד|ב|אן=מסכת}}}}
* [[בר מצרא]]{{הערה|{{בבלי|בבא מציעא|קח|א|אן=מסכת}}}}
* [[טעמא דקרא]]{{הערה|{{בבלי|בבא מציעא|קטו|א|אן=מסכת}}}}
}}

===מפרשים===
מסכת בבא מציעא איז געבענטשט געווארן מיט פיל מפרשים, [[ראשונים]] און [[אחרונים]]. וויכטיגע מפרשים וועלכע זענען פארהאן אויף די מסכתא נעמען אריין, צווישן אנדערע:
{{טורים
| תוכן = * [[רמב"ן|חידושי הרמב"ן]], וועלכער דינט אסאך מאל אלס יסוד פאר די שפעטערע ראשונים פון זיין חדר (ווי רשב"א, ריטב"א, ר"ן)
* [[רשב"א|חידושי הרשב"א]]
* [[תוספות רבינו פרץ]]
* [[רא"ש|תוספות הרא"ש]], וועלכער נעמט ארום א ברייטן היקף, אויך אויף ענינים וועלכע ווערן נישט בארירט אין תוספות
* [[ריטב"א|חידושי הריטב"א]] - סיי די חידושים וועלכע זענען געווען "מיוחס" צום ריטב"א, און סיי די חידושי הריטב"א "החדשים" וועלכע זענען די ריכטיגע חידושי הריטב"א לויט ווי נאכגעברענגט אין שיטה מקובצת
* מאירי - [[בית הבחירה למאירי|בית הבחירה]]
* [[רבי ישעיה די טראני|תוספות רי"ד]], ווי אויך פסקי הרי"ד און פסקי ריא"ז
* [[שיטה מקובצת]], וועלכער ברענגט צווישן אנדערע אויך פון די חידושי הראב"ד אויף די מסכתא, וואס איז נישט אנגעקומען צו אונז
* [[חידושי מהר"ם שיף]]
* לחם אבירים, פון רבי אברהם בן עזוז
* תורת חיים, פון [[רבי אברהם חיים שור]]
* [[פני יהושע]], פון [[רבי יעקב יהושע פאלק]]
* כוס הישועות
* חידושי [[רבי עקיבא אייגער|רעק"א]]
* חידושי [[רבי משה סופר|חת"ם סופר]]
* נחלת דוד, פון [[רבי דוד טעבל פון מינסק]] א תלמיד פון [[רבי חיים פון וואלאזשין]], אויף אנהייב מסכתא (ביז דף כב)
* חדושי [[רבי שמעון יהודה הכהן שקאפ|הגר"ש שקאפ]]
* [[ברכת שמואל]]
}}

אויף מסכת בבא מציעא (ביז פרק ששי) איז ארויסגעגעבן געווארן דער "אוצר מפרשי התלמוד", א פראיעקט פון [[מכון ירושלים]] צו זאמלען די פארשידענע פירושים און חידושים און זיי אפשרייבן אין קורצן אויפן סדר.

אין יאר ה'תשס"ט האט [[הוצאת שבתי פרנקל]] ארויסגעגעבן א "ספר המפתח" (צו ארום 1,400 ספרים) אויף די מסכתא, מיט מקורות וועלכע באציען זיך אויף די גמרא אדער מפרשים אויפן דף. דער ספר איז גערופן געווארן "רזא דשבתי" נאך [[שבתי פרענקל]].

==דרויסנדע לינקס==
{{מסכתא לינקס}}
* [https://tablet.otzar.org/#/b/173930/p/9/t/1699464922597/fs/0/start/0/end/0/c "מפרשי האוצר" אויף בבא מציעא], אויף [[אוצר החכמה]]
* תלמוד בבלי, [https://maagarim.hebrew-academy.org.il/Pages/PMain.aspx?misyzira=80032 מסכת בבא מציעא], אויף "מפעל המילון ההיסטורי"
* {{כתיב||כתב יד, מסכת בבא מציעא, תלמוד בבלי, פירענצע, 12'טן יארהונדערט|990001978950205171-1}}
* [https://daf-yomi.com/dafyomi.aspx?d=1&m=3&y=2024 {{בלאטנאמען}}] אויף פורטל הדף היומי
* [https://www2.kolhalashon.com/#/regularSite/searchResults/בבא_מציעא שיעורים אויף {{בלאטנאמען}}] אויף קול הלשון
* [https://alldaf.org/?masechta=Bava+Metzia&daf=2 {{בלאטנאמען}}], אויף אלל דף
* {{וידאו}} שיעורים אויף מסכת בבא מציעא [http://beinenu.com/faceted_search/results/%22%D7%91%D7%91%D7%90%20%D7%9E%D7%A6%D7%99%D7%A2%D7%90%22 אויף בינינו]
* {{אייוועלט|31123|שיעור פון הרב ר' פייוול קליין שליט"א - מסכת בבא מציעא}}
* {{אייוועלט|31398|אינטערעסאנטע ענינים אויף מסכת בבא מציעא}}
* [https://tora-forum.co.il/forums/בבא-מציעא.101/ בבא מציעא] אויף "פורום לתורה"

==רעפערענצן==
{{רעפערענצן}}

{{מסכתות}}

[[:קאַטעגאָריע:מסכתות|בבא מציעא]]
[[:קאַטעגאָריע:דיני ממונות]]
[[:קאַטעגאָריע:המכלול ארטיקלען]]
[[HE:מסכת בבא מציעא]]