רוי:רבי שמחה בונם אלטער
הרב שמחה בונם אלטער (כ"ג ניסן ה'תרנ"ח 1898 - ז' תמוז ה'תשנ"ב 1992) איז געווען גערער רבי פון ה'תשל"ז (1977) ביז ה'תשנ"ב (1992). זיינע תורות זענען געדרוקט אין דעם ספר 'לב שמחה'.
לעבענס געשיכטע
הרב שמחה בונם איז געבוירן אין שטעטל גער, פוילן, כ"ג ניסן תרנ"ח (1898), צו זיין פאטער דעם "אמרי אמת" און זיין מוטער ראדא יהודית טשארנא פון ביאלע, ווען זיין זיידע דער "שפת אמת" האט נאך געלעבט. אלול תרע"ה האט ער חתונה געהאט מיט זיין קוזין יוטא הענא אלטער, א טאכטער פון זיין פעטער רבי נחמיה אלטער, מיט וועמען ער האט געהאט דריי קינדער. דאס עלצטע קינד, א טאכטער, איז אוועק נאך געציילטע חדשים. מיט א צען יאר שפעטער האט ער געהאט נאך א טאכטער, רבקה פייגא. זי האט חתונה געהאט מיט הר"ר מאיר מאנדל (נפ' ט"ו כסלו תשע"ג), דערנאך מיט ר' חזקיהו לעוו. זי איז נפטר געווארן י"א אב תשנ"ז 1997 איבערלאזנדיג אן איינציגן זון הר"ר נחמיה מאנדל, ראש כולל פונעם גערער "בית ישראל" אין אשדוד. כ"ט אייר תשצ"ט, קורץ פאר דער צווייטער וועלט מלחמה ,איז געבוירן דער איינציגער זון פונעם "לב שמחה", דער היינטיגער גערער רבי שליט"א, הר"ר יעקב אריה אלטער.
אין אלול תרצ"ד האט ער זיך באזעצט אין ארץ ישראל. ער איז געבליבן דארט ביז ניסן תרח"ץ, ווען ער איז צוריקגעפארן קיין גער כדי אויפצוטון אז זיין פאטער זאל זיך קענען אריבערציען קיין ארץ ישראל.
נאך זיין פאטער'ס פטירה אין תש"ח איז זיין עלטערער ברודער דער "בית ישראל" געווארן גערער רבי, און ער (הר"ר שמחה בונם) מיט זיין משפחה האט געוואנדערט פון ארץ ישראל קיין סאן זשערמען לעבן פאריז אין פראנקרייך. דערנאך האבן זיי זיך געצויגן קיין אנטווערפן אין בעלגיע. שפעטער האבן זיי איינגעוואנדערט צוריק קיין ארץ ישראל, און האבן זיך באזעצט אין דער מחנה יהודה געגנט אין ירושלים.
רעביסטעווע
ווען דער בית ישראל איז אוועק האבן גערער חסידים אויפגענומען אים אלס רבי, ער איז דעמאלסט געווען קרוב צו די שמונים. אין יאר תשמ"ו איז ער געווארן שטארק קראנק, אבער ער האט ווייטער געפירט די רביסטעווע ביז סוף ימיו. אפילו קראנקערהייט פלעג ער אריינקומען אין בית המדרש און אפילו געפירט טישן ווען נאר מעגליך. מיטוואך ז' תמוז תשנ"ב 1992, אויפן יארצייט פון זיין עלטער זיידן דעם ברוך טעם, איז ער אוועק פון דער וועלט אויפן עולם האמת. זיין ממלא מקום אלס רבי איז געווען זיין יונגערער ברודער דער פני מנחם.
די תורות וואס ער האט געזאגט ביי טישן א.ד.ג. זענען געדרוקט אין לב שמחה (דריי בענדער).
זיין ארבעט פארן ברייטערן צבור
במשך די יארן תשל"ז - תשנ"ב, ווען דער רבי שמחה בונם האט געפירט די גערער רעביסטיווע, האט ער איינגעפירט עטליכע תקנות. למשל, האט ער באגרעניצט וויפיל מען מעג ארויסגעבן אויף שמחות ווי א בר מצוה אדער א חתונה, וואוּ א יונגער פאר פאלק מעג וואוינען נאך דער חתונה (נישט ירושלים אדער בני ברק). ער האט אויך געפירט א קאמף קעגן רייכערן פאפיראסן. ער האט שטארק געדרוקט אז די עלטערע חסידים וואס רייכערן זאלן אויפהערן, און אז בחורים און יונגעלייט זאלן בכלל נישט קלערן אנצוהייבן. ער האט געשאפן אז מ'זאל אויפשטעלן נייע פראיעקטן אין פארשידענע שטעט, צום ביישפיל אין חצור הגלילית, ערד און אשדוד, בכדי צו מאכן ביליגער די הוצאות פון וואוינונג.
אין תשמ"ב האט ער געפירט דעם קאמף קעגן חילול שבת פון דער פליגער געזעלשאפט אל על.
משפחה
רבי שמחה בונים האט חתונה געהאט מיט מרת יוטא הענא, א טאכטער פון זיין פעטער רבי נחמיה אלטער. זיי האבן געהאט דריי קינדער:
- רבי יעקב אריה אלטער, דער היינטיגער גערער רבי.
צום ליינען
- אור זרוע לצדיק, הרב בן ציון קלוגמן, תשס"א (דריי בענדער)
- לבם של ישראל, הרב מרדכי גרליץ.
| פריערדיגער: הרב רבי ישראל אלטער בית ישראל |
גערער רבי תשל"ז - תשנ"ב "לב שמחה" |
נאָכפאלגער: הרב רבי פינחס מנחם אלטער פני מנחם |
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!