רוי:רבי שניאור קאטלער
| געבורט | ה'תרע"ח |
|---|---|
| טויט | ג' תמוז ה'תשמ"ב (אלט: 64 בערך) |
| טעטיקייט ארט | לעיקוואד, ניו דזשערסי, פאראייניגטע שטאטן |
| באלאנג | ליטוויש חרדיש |
| באשעפטיגונג | ראש ישיבה פון בית מדרש גבוה לעיקוואד |
| אמטן | חבר מועצת גדולי התורה פון אמעריקע, נשיא מכון משנת רבי אהרן |
| זיינע רביס |
הרב רבי אהרן קאטלער הרב רבי יצחק זאב הלוי סאלאווייטשיק רבי איסר זלמן מעלצער |
| חיבורים |
נועם שי"ח ש"יח ערב |
רבי יוסף חיים שניאור קאטלער (ה'תרע"ח, 1918 - ג' תמוז ה'תשמ"ב, 1982) איז געווען ראש ישיבה אין לעיקוואד, ניו דזשערסי פון תשכ"ב ביז תשמ"ב.
לעבנסגעשיכטע
רבי שניאור קאטלער איז געבוירן געווארן אין סלוצק, ליטע, אין תרע"ח, צו זיין פאטער הרב רבי אהרן קאטלער און זיין מוטער חנה פערל, א טאכטער פון הרב רבי איסר זלמן מעלצער, שטאטס רב און ראש ישיבה. זיין פאטער איז געווען א מגיד שיעור אין דער ישיבה.
ווען ער איז געווען אלט 23 איז ער געווארן א חתן אין קאוונע צו רישל, טאכטער פון הרב אריה מלכיאל פרידמאן. צוליב דער מלחמה וואס איז דעמאלסט אויסגעבראכן איז ער אנטלאפן פון ליטע קיין ארץ ישראל, צו לערנען אין דער חברונער ישיבה. ער איז געבליבן זיבן יאר אין ארץ ישראל. אין יענע יארן האט ער געלערנט מיט זיין זיידן, הרב רבי איסר זלמן מעלצער, וואס איז געווען ראש ישיבה פון דער עץ חיים ישיבה אין ירושלים, און מיטן בריסקער רב. זיין כלה רישל איז אנגעקומען אין שאנכיי. ווען די פליטים אין שאנכיי האבן באקומען וויזעס פאר די פאראייניגטע שטאטן, איז אויך רישל אנגעקומען דארט, וואו זיי האבן חתונה געהאט.
משפחה
רבי שניאור און זיין ווייב רישל (תרפ"ג - ב' אב תשע"ה)[1] האבן געהאט אכט קינדער:
- רבי אריה מלכיאל קאטלער, ראש ישיבה אין בית מדרש גבוה
- רבי אהרן קאטלער, מנהל פון בית מדרש גבוה
- רבי שרגא קאטלער, פון דער הנהלה פון בית מדרש גבוה
- רבי איסר זלמן קאטלער
- מרת שרה יהודית, ווייב פון רבי דוד שוסטאל, ראש ישיבה אין בית מדרש גבוה
- מרת בתשבע קרופעניע
- מרת אסתר רייך
- מרת ביילא הינדא ריבנער
רעפערענצן
 | דער ביאגראפישער ארטיקל וועגן א רב איז א שטומף. דאס הייסט עס פעלן אין אים גרונטליכע אינפארמאציע איבערן פארשטאנד פון דער טעמע. ביטע העלפט דאס פארברייטערן. |
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!