רוי:יצחק נבון
יצחק רחמים נבון (9טן אפריל 1921, א' ניסן ה'תרפ"א - 6טן נאוועמבער 2015, כ"ד חשון ה'תשע"ו) האט געדינט אלס דער פיפטער פרעזידענט פון מדינת ישראל, אויך האט ער געדינט אלס מיניסטער און כנסת דעפוטאט, אין ישראל רעגירונגען. ער איז א שריפט שטעלער און א דראמאטורג.
נבון איז געבוירן אין ירושלים, ער איז געבוירן צו זיין פאטער משה נבון און זיין מוטער מרים נבון צו אן אלטער ספרד'ישער משפחה, וואס געפונט זיך שוין דורות אין ארץ ישראל. זיין משפחה רעכנט זיך ווי אייניקלעך פון רבי חיים בן עטר.
ער האט געלערנט אין דער גימנאזיע לעבן דעם אוניווערסיטעט. שפעטער האט ער געלערנט אינעם אוניווערסיטעט, אראבישע ליטעראטור, איסלאמישע קולטור און ערציאונג.
פון יאר 1946 האט ער געדינט אין דער הגנה, אין דער אראבישער אפטיילונג, ביז 1949. דערנאך איז ער געווארן א דיפלאמאט אין זיד אמעריקע, און אין 1952 נאכן זיין א ראטגעבער פאר א קורצער צייט, איז ער געווארן אנפירער פון פרעמיער מיניסטערס ביורא, אונטער דוד בן גוריון, און אונטער משה שרת, א פאזיציע וואס ער האט אנגעהאלטן ביז 1963.
אין 1965 איז נבון אריין אין כנסת אלס א מיטגליד, ביז 1978 ווען ער איז געווארן ערוויילט דורך די כנסת אלץ פרעזידענט.
ער האט געדינט אלס פרעזידענט פאר פינף יאר, ער האט זיך נישט פארמאסטן פאר א צווייטער קאדענציע. נבון איז דער איינציגסטער פרעזידענט פון מדינת ישראל, וואס האט זיך אומגעקערט צו פאליטיק נאכן ענדיקן זיין טערמין, ער איז געווען וויצע פרעמיער מיניסטער, און די ערציאונגס און קולטור מיניסטער.
| פרעזידענטן פון ישראל | ||
|---|---|---|
חיים ווייצמאן (1949 – 1952) • יצחק בן-צבי (1952 – 1963) • זלמן שזר (1963 – 1973) • אפרים קציר (1973 – 1978) • יצחק נבון (1978 – 1983) • חיים הערצאג (1983 – 1993) • עזר ווייצמאן (1993 – 2000) • משה קצב (2000 – 2007) • שמעון פרס (2007 - 2014) • רובי ריוולין (2014 - 2021) • יצחק הערצאג (2021 - ) |
.svg)
| |
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!