רוי:היידזשעקינג
 |
דאס איז א דרעפט ארטיקל. עס איז אַן אַרבעט אין פּראָגרעס וואָס איז אָפן פאַר רעדאַגירונג דורך סיי וועם. ווען דער דרעפט איז פארטיג, ביטע גייט איבער דעם אריבערפירן טשעקליסט, זיכער צו מאכן אז עס איז גרייט. דערנאך קענט איר בעטן פון די דרעפט אריבערפירער אז זיי זאלן עס איבערגיין און אריבערפירן צום הויפט געביט. (אייער בקשה וועט פובליצירט ווערן אין המכלול:אריבערפירן דרעפטס, און דארט וועט אויך ערשיינען דער ענטפער - אויב פעלט אויס). |
היידזשעקינג (פון ענגליש: hijacking) איז אן אקט פון פארכאפן קאנטראל איבער אן פארמיטל בשעת עס איז אין באוועגונג, מיט געוואלד אדער דורך סטראשען. דאס קען ארייננעמען פארכאפן קארס, באנען, שיפן, און איבערהויפט עראפלאנען. מענטשן וואס באגייען אזא פארברעך רופט מען "היידזשעקערס".
דער ציל פון א היידזשעקינג קען זיין פארשידנארטיג, אריינגערעכנט גניבה, אויסלייזגעלט, פאליטישע מאטיוון, אדער א פלאן צו נוצן דעם פארמיטל אלס וואפן.
אין געזעץ
היידזשעקינג איז א הארבע פארברעך וואס קען פירן צו לאנגע טורמע אורטיילן אדער אפילו טויט שטראף אין טייל לענדער.
אין רעזולטאט פון היידזשעקינגס, ספעציעל עראפלאנען און איבערהויפט זינט די סעפטעמבער 11 אטאקעס, האבן רעגירונגען און אוויאציע אויטאריטעטן איינגעשטעלט שטרענגע זיכערהייט מאסנאמען ביי לופטפעלדער און אויף עראפלאנען. פאסאזשירן מוזן דורכגיין זיכערהייט קאנטראלן, און עס זענען פארבאטן פארשידענע זאכן אויף פליגערס.
שיפן וואס פארן אין געפארפולע וואסערן האבן געווענליך באוואפנטע וועכטער. אין אסאך לענדער זענען אויך איינגעפירט געווארן פארשידענע סארטן זיכערהייט סיסטעמען פאר אויטאס צו פארמיידן היידזשעקינג.
באקאנטע פאלן פון היידזשעקינג
דורכאויס די היסטאריע זענען פארגעקומען א צאל באקאנטע פאלן פון היידזשעקינג, סיי פון עראפלאנען און סיי פון אנדערע פארמיטלען. עטליכע באזונדער היסטארישע פאלן נעמען אריין:
- 1968 - דער ערשטער עראפלאן היידזשעקינג וואס האט געצויגן אינטערנאציאנאלע אויפמערקזאמקייט איז פארגעקומען ווען א גרופע פאלעסטינער טעראריסטן האבן פארכאפט אן אל על עראפלאן וואס איז געפלויגן פון רוים קיין תל אביב. זיי האבן געצוואונגען דעם פילאט צו לאנדן אין אלזשיר, וואו זיי האבן געהאלטן די פאסאזשירן און מאנשאפט פאר עטליכע וואכן ביז א באפרייאונג איז געווארן פארהאנדלט. דאס איז געווען די איינציגסטע סוקסעספולע היידזשעקינג פון אן אל על פליגער אין היסטאריע.
- 1970 - די "דאוסאן'ס פעלד היידזשעקינגס": א סעריע פון פיר עראפלאנען וואס זענען געווארן פארכאפט דורך מיטגלידער פונעם "פאפולערן פראנט פאר דער באפרייאונג פון פאלעסטינע". די עראפלאנען זענען געצוואונגען געווארן צו לאנדן אויף אן אפגעזונדערטן לופטפעלד אין ירדן. די היידזשעקערס האבן געהאלטן די פאסאזשירן און מאנשאפט פארכאפט פאר עטליכע טעג און צום סוף אויפגעריסן די עראפלאנען נאכן באפרייען רוב פון די פארכאפטע.
- 1976 - ענטעבע אפעראציע: אן עיר פראנס עראפלאן וואס איז געפלויגן פון תל אביב קיין פאריז איז געווארן פארכאפט דורך פאלעסטינער און דייטשע טעראריסטן און געצוואונגען צו לאנדן אין ענטעבע, אוגאנדע. די היידזשעקערס האבן געהאלטן די אידישע און מדינת ישראל פאסאזשירן אלס ערבים, פארלאנגענדיג די באפרייאונג פון פאלעסטינער ארעסטאנטן אין מדינת ישראל. מדינת ישראל האט געשיקט א קאמאנדא איינהייט אויף א רעטונגס מיסיע און האט סוקסעספול באפרייט רוב פון די פארכאפטע.
- 2001 - די סעפטעמבער 11 אטאקעס: די שרעקליכסטע עראפלאן היידזשעקינג אין היסטאריע איז פארגעקומען ווען ניינצן אל קיידא טעראריסטן האבן פארכאפט פיר אמעריקאנער פאסאזשיר עראפלאנען און זיי געניצט אלס וואפן צו אטאקירן צילן אין די פאראייניגטע שטאטן. צוויי פון די עראפלאנען זענען געצילט געווארן אריין אין די צווילינג טורעמס פונעם וועלט האנדל צענטער אין ניו יארק סיטי, א דריטער עראפלאן איז געצילט געווארן אין דעם פענטאגאן געביידע אין וואשינגטאן די סי, און דער פערטער עראפלאן איז געפאלן אין א פעלד אין פענסילוועניע נאכדעם וואס פאסאזשירן האבן זיך קעגנגעשטעלט קעגן די היידזשעקערס. די אטאקעס האבן געפירט צום טויט פון נאנט צו דריי טויזנט מענטשן און האבן געהאט טיפע נאכפאלגן איבער דער וועלט.
זעט אויך